بسرعه لقيت (هانى) قلق وقالى خير يا (نيفين) ايه اللى مصحيكى دلوقتى ؟
بصتله كده وانا متنحه وقولتله ماحستش بحاجة دخلت الأوضة؟
– حاجة ايه دى انا كنت نايم وقلقت من النور لما ولعتيه اطفى النور يلا وتعالى نامى
وسمعت كلامه ونمت وانا جوايا قلق مش عارفة من ايه ونمت عادى ومرت ايام والحياة بقت عادية والخيال ده مابقاش يظهر وعرفت ان كان بيتهيألى
لغاية ما الأحداث بقت تزيد بشكل بشع وأولها لما كان (هانى) فى المصنع واتأخر وفضلت منتظراه لغاية ماروحت فى النىوم على الكنبه وقومت دخلت عشان انام شوية عشان اكون فايقة لما هانى يرجع وروحت فى النىوم بس صحيت على صوت نفس جامد أوى من ورايا! معقولة ده صوت هانى هو رجع من الشغل ونام على طول كده ولسه بقول: انت جيت امتى يا
حبيبى والنفس زاد وطلع منه صوت مش بنى آدم مستحيل يكون بنى آدم كان صوت حيوان بيزوم كان صوته مرعب اوى وعرفت ان اللى ورايا ده مش هانى ولا بنى آدم أصلاً ، الصوت بيزيد وانا مرعوبة وماعنديش الجرأه أبص ورايا قلبى بيدق بسرعة حاسه انه هيتخىلع من الخوف وفى لحظة الصوت ده اختفى لما باب الشىقة فتح اخدت نفس عمييييق وكنت هطير من الفرحة لما سمعت صوت (هانى) قومت وانا جسمى متكسر عشان اجرى عليه واترمى فى حىضنه وهو مستغرب اوى وبيقولى مالك يا (نيفين) جسمك بيترعىش كده ليه؟
قولتله: انا خايفة أوى يا هانى من قبل ما تيجى كنت نايمة وحسيت بنفس جامد ورايا وصوت بيزوم كان صوت مخيف أوى زى مايكون صوت كلب ولولا انت جيت انا كان زمانى مُت من الرعب
– بعد الشر عليكى يا حبيبى ده أكيد كابىوس وانتى شكلك مرهق تعالى يلا نتعشى انتى وحشانى أوى
– بس انا متأكده ان كنت صاحيه يا هانى صعب يكون كابىوس انا بدأت اخاف من البيت ده مع ان طول عمرى عايشة فيه مش عارفه ايه اللى حصل
– يا حبيبتى انتى ليه بتكبرى الموضوع ده كابىوس اكيد وبعدين مفيش حاجة اهو انتى بس ماتفكريش فى حاجة ولا توهمى نفسك ، مش يلا بقى نتعشى انا ميث من جوع
وحضرت العشا وانا بقنع نفسى ان ده كابىوس واللى حصلى من كام يوم دى كانت تهيؤات!
تانى يوم اتصلت بفريدة وحكيتلها واتخضت اوى عليا وقالتلى انا جيالك حالاً ومفيش ساعه ولقيتها عندى عشان تطمن عليا وحكيتلها كل حاجة وقالتلى نفس كلام (هانى) ان دى تهيؤات وان اعصابى تعبانة والافضل اننا نغير جو فى أى مكان ، وخصلنا وقامت عشان تمشى مسكت فيها وقولتلها لازم تتغدى معايا ، واتصل بيا هانى وقالى انا خلصت بدرى وجاى
قولتلها شوفتى حماتك بتحبك اهى هانى كمان خلص بدرى وجاى ليكى نصيب تتغدى معانا ومفيش نص ساعة ولقيت هانى على الباب وفرح اوى لما لقى فريدة هو بيعزها جداً لإنها كانت السبب فى جوازنا عكس (نجوى) عىلاقتهم كانت سيئة جداً مش عارفة ليه ومش عارفة ليه نجوى كانت رافضة الجوازة دى؟! على العموم ربنا يهديها
واتغدينا مع بعض وفضلنا نتكلم كتير وفريدة بدأت تقنع هانى اننا نغير جو:
– بقولك ايه يا هانى انتوا محتاجين تغيروا جو شوية وكمان (نيفين) مش عاجبانى وبعدين الحياه مش كلها شغل كده يلا جهزورا شنطكم وسافروا أى مكان
– هانى: على طول كده مش لازم اظبط امورى فى المصنع ويعرفوا ان هسافر كلها يومين وهظبط امورى ونسافر أى حته تختارها (نيفين)
خلصنا الغدا واتكلمنا كتير وودعت (فريدة) ولقيت دينا بتتصل بيا وأول ما هانى شاف رقمها وشه اتغير ، كلمتها وقالتلى ازيك يا خالتو وحشتينى انا عارفة ان مقصرة معاكى بس انتى عارفة الجامعة وكده حقك عليا ، وفى وسط الكلام قالتلى ان ماما بتسلم عليكى وهى ماكنتش بتتصل عشان كانت تعبانة شوية ، قولتلها اديهالى بسرعة وحصل عتاب بسيط بيننا وخلصت المكالمة ان اختى وبنتها هيتغدوا عندى بكره وقفلت معاهم وهانى متعصب قولتله مالك بس يا حبيبى؟