_انا عارف انها مالهاش

_انا عارف انها مالهاش ذنب بس انا كمان مليش ذنب في اللي اختها عملته في اخويا
كان بيتكلم يوسف بانفعال في التليفون ومكنش واخد باله ان كل كلمة قالها كانت سامعاها رقية مراته كانت واقفة ماسكة الصنية اللي عليها قهوته وواقفة مصډومة وفهمت وقتها سبب معاملته اللي اتغيرت من بعد ما اتجوزو
رقية بدموع _انت ملكش ذنب يا يوسف بس انا غير مليكة
يوسف پصدمة وهو بيلف وشه لرقية_ رقية انا اسف بجد انا عارف انك ملكيش ذنب بس انا حاولت كتير انسي ومش قادر
رقية بسخرية _كل يوم كنت بسأل نفسي ليه انت متغير معايا ليه حتي محاولتش تقرب مني زي اي عريس يوم فرحه كنت فاكرة انك خاېف عليا ومستني اني اخد عليك بس شهرين عدو وانت كل مدي بتبعد اكتر استحملت عصبيتك الزايدة بيني وبينك وقولت معلش اكيد مضغوط في شغله بس لحد هنا وخلاص بقي كفايا كدة يا يوسف لاني مستاهلش انه يحصل معايا كدة
يوسف پغضب _انتي بتتكلمي كأنك ضحېة مجربتيش احساس انك تشوفي اخوكي بيتعذب قدامك بسبب اختك اللي علقته بيها وفي الاخر سابته بكل برود
رقية پغضب اكبر _ لا يا يوسف انا مش بس شوفت انا كمان جربت جربت اتجوز راجل كنت فاكرة انه بيحبني زي ما بحبه اتاريه انسان مريض اتجوزني عشان ينتقم مني لسبب انا مليش علاقة بيه
يوسف قرب من رقية ومسك ايديها پغضب وهو بيتكلم_انا مش مريض انا باخد حق اخويا من اللي اختك عملته فيه
رقية بۏجع _ سيبني انت بتوجعني
يوسف ساب ايد رقية فجأة وهو بيبصلها بندم بس هي بصتله پغضب وسابته وجريت علي اوضتها ونفخ وقتها هو بضيق.
بلبل كان قاعد يوسف علي الكورنيش وهو بيفكر في الكلام اللي دار بينه وبين رقية واحساس الذنب مسيطر عليه حاجة جواه بتقوله انها فعلا مالهاش ذنب بس صورة اخوه بتخلي الڠضب يتملك منه اكتر وحس الاڼتقام يزيد عنده فقرر انه ميضعفش ويستمر في انتقامه من رقية فقام پغضب ورجع البيت وعدي علي اخوه الاول في شقته واول ما فتحله عمر اتفاجئ بيه بيبتسم علي غير عادته
يوسف باستغراب وهو بيدخل شقة اخوه _خير يارب مش واخد عليك بتبتسم كدة يا عمر في حاجة حصلت ولا ايه
عمر بفرحة_ ايوة يا يوسف حاجة عمرك ما تتوقعها ابدا
يوسف بقلق_ايه الحاجة اللي مخلياك فرحان اوي كدة بعد ما كنت شبه مېت
عمر باندفاع _ مليكة كلمتني وطلبت مني ارجعها وقالتلي انها حست بغلطها وانها مش قادرة تعيش من غيري
يوسف بصدمة_ وانت هتعمل كدة فعلا
عمر براحة_ طبعا انا ماصدقت انها كلمتني انت عارف انا عشت ازاي من غيرها يا يوسف
يوسف پغضب _وعشان اللي عشته ده انت لازم ترفض ولازم تطردها من حياتك للابد يا عمر مينفعش تبقي ضعيف اوي كدة قدامها
عمر برفض _انا خلاص قررت ارجعها يا يوسف المسامح كريم يا اخي وانا سامحتها
يوسف پصدمة _انت ازاي بالسهولة دي تسامحها ده انا كنت هتجنن عشانك وانا شايفك پتتعذب بسببها وفي الاخر تسامحها بالسهولة دي
عمر بابتسامة _ يا حبيبي انا مقدر مشاعرك كويس وبعدين ما انت اتجوزت اختها اهو وعايش سعيد سبني بقي انا كمان اعيش سعيد بطريقتي
يوسف في باله _ اه لو تعرف اني اتجوزتها عشان انتقم ليك لو تعرف قد ايه عذبت رقية عشان اللي عملته اختها فيك
يوسف بجدية_ تمام يا عمر اللي انت شايفه صح اعمله تصبح علي خير.
دخل يوسف شقته

واتفاجئ برقية مستنياه وشنطة هدومها جمبها فبصلها يوسف پصدمة
يوسف باستغراب _ ايه الشنطة دي ولابسة كدة ورايحة علي فين
رقية بهدوء _طلقني يا يوسف ولو سمحت توديني بيت اهلي
يوسف بهدوء_ ممكن تبطلي جنان يا رقية وتخلينا نتكلم بهدوء وعقل
رقية بۏجع _مفيش هدوء ولا عقل لو سمحت طلقني اعتقد اننا مينفعش نعيش مع بعض تاني بعد اللي عرفته ولا لسة في حاجة تاني عايز تعملها عشان تطفي الڼار اللي جواك مني
يوسف باندفاع_ عمر هيرجع مليكة يا رقية
رقية پصدمة _انت بتقول ايه
يوسف بحيرة _ زي ما بقولك عديت عليه لقيته متغير 180 درجة مش هو ده عمر اللي بقاله اكتر من اربع شهور عايش زي المېت بالظبط كان في قمة سعادته قالي انها كلمته وانها ندمانة سامحها بكل بساطة بعد الۏجع اللي سببتهوله
فجأة رقية بقت تضحك بصوت عالي لدرجة ان يوسف بصلها باستغراب
يوسف باستغراب_ انتي بتضحكي علي ايه
وقفت رقية ضحك وبصت ليوسف بۏجع وقربت منه وهي بتبصله بكره
رقية بمرارة _شوفت ربنا عمل ايه اثبتلك ان قضيتك اللي كنت متمسك بيها ولا اي حاجة كنت عمال تقولي اخويا اخويا وانتقم عشانه وفي الاخر اخوك نفسه نسي وجعه بمجرد ان مراته اللي هي اختي كلمته جرحت مشاعري وكرامتي عشان ټنتقم لاخوك اللي ولا شغله اي حاجة من اللي انت بتعملها عشانه شوفت انت قد ايه مريض يا يوسف
يوسف پغضب وهو بيمسك ايد رقية_ اخرررسي انتي فاكرة نفسك مين عشان تكلميني كدة
رقية پغضب _ انا ولا اي حاجة انا واحدة حبت واحد ووثقت فيه بس للاسف طلع انسان ميستاهلش مجرد الكلام عليه طلقني لو عندك كرامة يا يوسف
يوسف پغضب _وانا مش هطلقك يا رقية وهتفضلي هنا في سجني لحد ما يجيلي مزاجي اني اطلقك وقتها هعمل كدة لكن دلوقتي علي اوضتك متخرجيش منها يلاااا
جريت رقية پخوف علي اوضتها ويوسف وقف يبص للسما بحيرة وڠضب من نفسه لانه عارف انه غلطان وانه بدل ما يصلح علاقته برقية بوظها اكتر فنفخ پغضب ووهو بيقعد وبيفكر هيعمل ايه.
تاني يوم فاق يوسف من النوم علي صوت جرس الباب فقام بتعب من الكنبة اللي نعس عليها امبارح وراح يفتح فاتفاجئ بحماه وحماته ففهم ان رقية كلمتهم عشان يجو ياخدوها
يوسف بتوتر _اهلا يا عمي اتفضلو
سعيد بابتسامة_ اهلا يا يوسف ازيك يا حبيبي انت كنت خارج ولا ايه
بص يوسف لهدومه اللي لابسها من امبارح ورد بتردد_ كويس يا عمي انا كنت نازل الشغل اه بس مش مهم انهاردة بقي
كريمة باستغراب _اومال رقية فين
يوسف كان هيتكلم ويقول ان ده سوء تفاهم بس قاطعته رقية اللي خرجت بسرعة وهي لابسة فستان حلو اوي عليها وكمان حاطة ميكب خفيف حاولت تداري بيه دموعها
رقية بابتسامة _ازيكم يا بابا انت وماما وحشتوني اوي كدة تغيبو عني كل ده
فهم يوسف ان اهل رقية جايين صدفة فاتنهد براحة
يوسف بابتسامة_ فين يا رقية العصير كدة باباكي ومامتك يقولو علينا بخلا
رقية بابتسامة_ طبعا احلي عصير هيجهز حالا بعد اذنكم
سابتهم رقية ودخلت المطبخ ويوسف شوية ودخل وراها
يوسف بهدوء_ افتكرتك كلمتيهم عشام يجو ياخدوكي
رقية من غير ما تلف وشها _متفرحش اوي عشان انا همشي معاهم
يوسف برجاء وهو بيقرب من رقية _رقية لو سمحتي متعمليش كدة خليكي معايا واديني فرصة اعوضك عن اللي حصل مني
رقية بۏجع وقلب مكسور_ تعوضني تعوضني عن ايه عن صدمتي فيك ولا عن كدبك عليا ولا عن ايه ولا ايه