
هنا عشان لازم يكون في واحد بيرخي وواحد بيشد لو انا وشهد شدينا هتبقي حياه صعبه ولو رخينا احنا الاتنين هتبقي حياه برده صعبه فالمره اللي شهد تكون شده انا مرخيه والعكس عشان الحياه تمشي
شهد خلصتي اكل يا رغد
رغد اه يالا
شهد هنا لو ريم مذاكرتش انتي اللي هتتحاسبي
هنا حاضر يا شهد
وتفوت الايام و يكون النهارده يوم نتيجه الثانويه العامه
ريم بټعيط انا خاېفه اوي يا شهد
الحاجة ناديه مټخافيش يا بتي أن شاء الله خير ربنا مش هيضيعلك تعب
شهد وهي تقوم بإحتضانها اهدي يا روحي أن شاء الله ربنا هيجبر بخاطرك
ريم يارب يا شهد ها يا هنا جبتيها
هنا الصراحه يا ريم جبتي ٩٥
شهد الحمد لله الحمد لله
ريم ٩٥ هيدخلوني هندسه إسكندرية ولا لأ
شهد بظروفه يا ريم علي حسب التنسيق ولو فين هوديكي
ريم حته لو في الصعيد يا شهد
شهد حته لو في سوهاج كمان
الحاجة ناديه واه يا مرك يا ناديه سوهاج يا بتي
شهد يا ستي انتي خدتينا واحنا صغيرين من البلد عشان تحمينا من الكل و نتعلم تعليم عالي و الحمد لله اتعلمنا تعليم عالي و رفعنا راسك ومسيرنا هنرجع ليهم فمش هيفرق معايا حاجه انا مش هضيع مستقبل اختي عشان حد
هنا شهد عندها حق يا ستي
الحاجة ناديه نشوف التنسيق اللي انتوا بتقولوا عليه هيعمل ايه الاول
هنا ماشي يا ستي
شهد بفرحه احنا لازم نحتفل بريم
ريم بحزن علي ايه يا حسره
هنا بالنسبة انك علمي رياضه فده كويس جدا جدا
الحاجة ناديه انا داخله انام اعملوا اللي تعملوا تصبحوا علي خير
هنا وانتي من أهل الجنه يا ستي
رهف انا بفكر في حاجه يا شهد زي ما انتوا بتقولوا أن عليتنا في سوهاج
شهد صح
رغد بتكمله ومسيرنا هنرجع سوهاج
هنا صح
رهف طب ليه ريم متقدمش سوهاج علي طول واحنا كلنا نتنقل سوهاج ونعيش هناك
شهد بص برده
هنا علي فكره كلامهم صح احنا ليه منعملش كده احنا مش صغيرين
شهد مش هينفع سيبوه لوقتها احسن ويالا نحتفل بالمنهدسه ريم
رغد انا عايزه اطبل والنبي
شهد وريم تغني
ريم بسعادة اشطا
وقضوا وقتهم بسعادة غامرة
وتمر الايام واليوم نتيجة التنسيق
ريم ها يا هنا جامعه ايه
هنا اللي حسبنا لقنا سوهاج يا ختي
شهد
مش مهم يا ريم المهم أن هي هندسه
ريم ما انا هكون لوحدي هناك
شهد بضحك جاءت اللحظه الحاسمه لكي تعتمدي علي نفسك يا أختاه
هنا يا بت يعني انتي محسسانا أن احنا هنسيبك
رهف هو انتي ليه يا شهد حطيتي سوهاج بعد إسكندرية ما كان ممكن تحطي مثلا طنطا اي بلد تانيه
شهد ده الصح يا رهف
الحاجة ناديه خاليكي كدهوا ماشيه بدماغك لعند ما هتجنني انتي واختك هنا
هنا بضحك وانا مالي ده انا مطيعه اوي
شهد اوي اوي المهم انا هبقي اروح سوهاج واظبط كل حاجه و اقدملك كمان في سكن الجامعه
رغد انا عايزه اجي معاكي يا شهد
رهف وانا
شهد مره تانيه بكرا تزهقوا من سوهاج وتقولوا عايزين
نرجع اسكندريه
الحاجة ناديه صدقوا يا بنات سوهاج وحشتني قوي و حشني كل حاجه فيها يا ما نفسي أدفن فيها
البنات بعد الشړ عليكي يا ستي ربنا يطولنا في عمرك
الحاجة ناديه ربنا يخليكوا ليا يا بنات ليلي و يجبر بخاطركم و يوجف ليكم ولاد الحلال
البنات امين يا ستي
وبعد عده ايام
ذهبت شهد الي سوهاج وقامت بتقديم اوراق الجامعه لريم وانجزت لها كل شيء
وعادت شهد الي الاسكندريه
هنا عملتي ايه يا شهد
شهد انا عايزه انام
هنا قولينا عملتي ايه
شهد خلصت كل حاجه وانا عايزه انام
هنا بضحك علي منظرها خشي نامي يا ختي
تاني يوم
شهد وهي ټضرب علي احد الصحون بالمعلقه الفطار يا بشړ الفطار يا قوم يا لأ يا رغد صحي ستك
رغد حاضر يا شهد
رغد الحقي يا شهد ستي مش بترد
شهد ستي هي فين
رغد في اوضتها
شهد ذهبت مسرعه ستي قومي هاتي مايه يا رغد بسرعه



