هتعملي إيه
هتجوزه
_نعم!! أنت اټجننتي اكيد تتجوزيه إيه هو طايق يبص في وشك لما هيتجوزك!!
مفيش حل غير دا وهخليه يوافق برضاه أو حتى ڠصب عنه
_ودي هتعمليها ازاي بقى إن شاء الله
مش عارفة هخطفه واحطه في شوال واجيب المأذون واتجوزه بالټهديد عادي
_دا هبت منك خالص! هو مش كان العكس اللي بيحصل ف الروايات برضه
ملك لازم أعمل أي حاجة أكيد مش هسيبه يروح لغيري دا أنا اروح أقتله وأقتلها وبعدها أقتل نفسي!
_منة يا حبيبتي الحاجات دي مش بتحصل بالعافية.
أنا هخليها تحصل
_طب بصي نتكلم بالعقل أنت عايزة سليم يحبك صح
صح
_عايزاه ميشوفش غيرك صح
صح الصح
_عايزاه يتجوزك صح
والله صح صح
_حلو سيبي الموضوع دا عليا
هتعملي إيه
_اللي هقولك عليه هتنفذيه بالحرف
سمعا وطاعة…..
_رقم واحد التقل التقل هو اللي بيشد أي راجل تشوفيه كدا كإنك شايفة هوا ساعتها هيتجنن ويقول حالها اتغير ليه…
اتردد كلامها في دماغي وأنا واقفة بعيد شايفاه قدامي قررت أنفذ أول خطوة من خطط ملك وفعلا قربت منه فأخد باله مني وطبعا عملت نفسي مش شايفاه مع إني بصتله بطرف عيني والحقيقة كان شكلي نكتة..
_منة!
اتلفت بمنتهى التقل وعملت نفسي مصډومة ومش واخدة بالي _إيه دا سليم! ازيك عامل إيه
بصلي باستغراب _الحمدلله واخدة في وشك كدا ليه
معلش مأخدتش بالي منك عندي مشوار مهم هضطر أمشي مش هقدر اقف اكتر يلا باي باي
مشيت وسيبته واقف مكانه ومتنح من الصدمة لأول مرة مكونش مدلوقة عليه فأكيد كان لازم يستغرب ابتسمت بكل ثقة وقولت لنفسي _المرحلة الأولى done…..
_رقم 2 لازم يشوفك استرونج وومن انسانة مستقلة والجواز والرجالة آخر اهتماماتك ساعتها هيحاول على قد ما يقدر يغير القاعدة دي…
كنا واقفين أنا وسليم وواحدة زميلتنا في المكتب مع بعض فقررت أستغل الفرصة وأبدأ بالخطوة التانية..
_هتحضري خطوبة سارة يا منة
مش عارفة والله يا مريم في الغالب مش هقدر مش فاضية خالص الاسبوع دا
_مش مشكلة تتعوض يلا عقبال ما نحضر خطوبتك
بقى دي دعوة تدعيها عليا!
سليم بصلي باستغراب _هي دي بقت دعاء دلوقتي
بالنسبالي آه أنا كمنة ضد العلاقات وماشية بمبدأ نعم للانقراض البشري
_للانقراض البشري آه ودا من امتى.
من زمان على فكرة بس انت اللي متعرفنيش كويس ليه اقرف نفسي وأدخل راجل في حياتي يتحكم فيا ويقولي البسي دا ومتلبسيش دا متخرجيش متشتغليش متكلميش دي حد يروح لۏجع القلب بإيديه برضه!
_آه دا جو الاسترونج اندبنتنت وومن صح
بتتريق
_لا والله أبدا بس يعني الرجالة مش كلهم كدا
والله بالنسبالي مش فارق بس دا رأي مش هيتغير فيا إلا لما ييجي اللي يغيره يلا باي يا سولي
مشيت كالعادة وسيبته في دهشته والحقيقة كنت بتبسط جدا وأنا شايفة الصدمة على وشه..
_رقم 3 اظهري قدامه في كل مكان كإنك ظله افرضي نفسك عليه وخليكي في حياته ولما يستغرب طبعا كل دا بمحض
