من سنه ونص تقريبا ولدت توءم بلال وبيجاد في ايطاليا وبعد الولاده كنت حاسه ان في حاجه فيا غلط بس طبعا رفاهيه اني اهتم بنفسي واروح لدكتور دي كانت منعدمه …كان اقصا طموحي اناااااااام فضلت ٤٠ يوم من الولاده وانا مش تمام خالص وسخونيه مستمره بدون سبب وبرضو انا مهمله واقول يمكن من الولاده والارهاق وقلة النوم
المهم رحت عملت تحليل وبعته للمستشفا اللي ولدت فيها ولقيتهم تاني يوم متصلين بيا اني اروحلهم بسرعه
وكنت يومها عامله مصري
عارفين يعني ايه مصري في الغربه يعني حلم جميل
قلت اروح المستشفى في السريع انا وجوزي ولما ارجع ابقا اكل براحتي ودي كانت اول غلطه
لما رحت المستشفى لقيت كنسولتو دكاتره وممرضات في انتظاري ..خير يا
بصي بدون مقدمات انتي عندك نادر بيجي مع الحمل بس وبيكون في المشيمه يعني لا ينفع استئصال ولا شيل رحم …حالتك حرجه جدا لازم تبدءي بسرعه كيماوي ولازم مسح ذري ولازم تتحجزي حالا ..ولازم كتيررررررررر وساعتها ودني اتسدت
تخيلو يتقالي في وشي لو مبدؤتيش حالا كيماوي
اتقالي كل الاعراض السيئه للكيماوي من قبل ما ابدءه بمنتها بس مكنش شاغل بالي اصلا كل تفكيري كان هودي ولادي فين دول عندهم ٤٠ يوم واحنا بطولنا في الغربه ملناش الا ربنا
وبنتي الكبيره اللي متعلقه فرقبتي واهلي اللي هيتوجعوا عليا فمصر وهم مش قادرين يكونوا جنبي
طب الكشري اللي فلبيت مين هياكله دا انا عليه
وجوزي يقولي احنا في ايه ولا في ايه ..يعني ونفسي في الكشري
المهم اتحجزت علطول واتعملي مسح ذري واكتشفوا ان الورم انتشر في الرئه بسبب تاخيري لان نوع الورم دا جدا ودي كانت تاني غلطه
عشان متغلطوش غلطتي كلوا اكلتكم المفضله قبل ما تعملوا مشاويركم المهمه عشان محدش عارف توابع المشوار ايه اخطفوا اي لحظه حلوه
واوعوا بالله عليكم لو حسيتوا بحاجه غلط في جسمكم تهملوا لان عواقب الاهمال ممكن تكون جسيمه
كل حاجه تتعوض الا الصحه
وربنا ما يكتبها على حد
ابدا
تعديل منحرمش من دعواتكم الحلوه .. بقيه القصه اني اتحجزت في المستشفى وبدءت من تاني يوم كيماوي من اقوى نوع عشان يشوفوا استجابه جسمي ..مكنش في حاجه شايله همها غير ولادي بس ربنا من رحمته خلى الدوله تساعدني وعينولي اسره ترعى الولاد وحق ربنا الستات المصريات في ميلانو كلهم كانو عاوزين ياخدوا عيالي
انا شفت جدعنة الست المصريه عل حق و من رحمة ربنا بيا ان المستشفى خاطبت السفاره الايطاليه فمصر بسرعة اعطاء الفيزا ل بابا وماما لان الحاله النفسيه والصحيه محتاجه اهل
بس عارفين انا والله طول فتره مرضي ما زعلت بالعكس كنت دايما بضحك حتى شعري حلقته بنفسي وقلت بيدي لا بيد الكيماوي …اصل هعترض عل قضاءه ليه
قضاء ربنا نافذ شئت ام ابيت ..
هو ابتلاني وانا راضيه وانا مؤمنه بالمقوله اللي بتقول ان الله لا يعطي اصعب معاركه الا لاقوى جنوده
شفت حواليا ناس بتكفر بربنا لانه اصابهم وشايفين انهم ميستاهلوش فالحمد لله عل نعمه الايمان
انا فضلت لمده ٧ شهور باخد جرعات كل اسبوع ..شعري وقع و صحتي ادهورت بس النفسيه بعون الله كانت حديد
مش شطاره مني لاء …دي رحمه من ربنا بيا.. اللي هو قدر ولطف ..
الحمد لله جسمي استجاب للعلاج
والحمد لله الذي شفاني وعافني وابويا وامي كانو معايا وجوزي كان سندني وعمره ما حسسني ان شكلي اتغير او غير صالحه بالعكس مع اني كنت بسمع كلام بس مكنش بيهمني زي ازاي جوزك شايفك من غير شعر وازاي بيتعامل عادي معاكي لمجرد اصابتها بمرض زي ده
تجربه اتعلمت منها دروس كتير اوووووي
وعرفتني على ناس كانت بتزوني في المستشفى من غير سابق معرفه ودي المحبه في الله
واحلى واهم حاجه اتعلمتها اليقين في رحمته ..ربنا كريم اوي وبيحبنا وبيبتلينا محبه
اذا احب عبدا ابتلاه
انا حاليا بعمل كنترول وتحاليل كل شهر لان نوع دا بيرجع بسهوله بس لو رجع فمرحب بمرض يخففلي ذنوبي ويقربني لربنا …وتحياتي ليكم ربنا يكرم اصلكم
تمت منقول
