
حور بصدمة أكبر إن عاصم كان بالنسبة لها كل حياتها، ممكن يكون متعصب، بس ده بيبين هو شايفها إزاي، وده اللي صدمها فيه.
حور: مش إنت شايفني كده؟ طلقني.
عاصم: مش هطلقك يا حور، وهخليكي تتمني إن الزمن يرجع بيكي علشان تتمني نقطة من حبي ليكي ومش هتلاقي.
حور بانهيار: إنت ليه مش مصدقني؟ ليه مكذبني؟ أنا بقولك الحقيقة، فهد زي أخويا، أنا متأكدة محصلش حاجة.
عاصم رمها على السرير وبص في عينها وأنفاسهم مختلطة مع بعض.
حور بدموع وهي بتبص لعاصم اللي الغضب واضح في عيونه.
عاصم بصلها وبعد عنها.
عاصم: مش بحب آخد بواقي حد، ولا بحب الحاجة السهلة.
وخرج من الأوضة وساب حور منهارة وهي مش مصدقة كل اللي حصلها، وعمالة تفكر وتسترجع كل حاجة.
عاصم بات اليوم ده بره.
ولما رجع كان معه كارما وهي بتتحضنه.
كارما دخلت أوضة حور، شدتها من شعرها.
كارما: إنتي يا… قومي يلا، كل ده نوم؟
حور: إنتي بتعملي إيه؟ وإيه اللي دخلك أوضتي؟
كارما: دي يا حبيبتي شقة جوزي، وأنا حرة أدخل أي أوضة براحتي.
عاصم دخل الأوضة وهو عاري الصدر: كارما، في إيه؟
كارما: يا حبيبي، بقولها تقوم تحضر الفطار ليك.
عاصم: طيب، تعالى يا قلبي، عايزك.
وبص لحور: وإنتي قومي يلا، اسمعي كلام كارما.
حور لسه هتتكلم.
عاصم: أنا على آخري منك، كلمة كمان وهعلمك من أول وجديد.
حور قامت بدموع على المطبخ وهي سامعة صوت عاصم وكارما بيضحكوا.
فجأة الباب خبط.
حور فتحت الباب.
حور بصدمة: فهد؟
الفصل الثاني والعشرون
بقلم ندي أحمد
فجأة الباب خبط. حور فتحت الباب. حور بصدمة: فهد!
فهد بلهفة لما شاف وش حور أد إيه دبلان.
حور: فهد، روحت فين؟ وسبتني؟ إنت عملت إيه؟ دمرتني!
فهد: حور، أنا مكنتش أقصد، سامحيني. كنت فاكر إننا هنتجوز، ضعفت.
حور دمعت وفضلت تعيط.
فهد بدون وعي طلع منديل ومسك وشها ومسح دموعها بإيده.
في اللحظة دي عاصم كان واقف وشافهم، ومتملكش أعصابه.
وفجأة…
حور صحيت من النوم وطلعت بتحلم.
عاصم رجع البيت مش طايق يبص في وشها، رغم إنها وحشته ونفسه يحضنها، بس للأسف مش قادر ينسى اللي حصل.
عاصم: أجهزي في الفجر، هنتحرك.
حور: هنروح فين يا عاصم؟
عاصم: هتعرفي لما نروح. فاضل ساعة، يلا قومي أجهزي، ولو ليكي حاجة في البيت خديها.
حور: ليه يا عاصم؟
عاصم: علشان مش هباتي فيها تاني يا حور.
حور بانهيار وانفعال: إنت ليه بتعمل كده؟ قولتلك محصلش حاجة، وأنا عمري ما عملت حاجة غلط يا عاصم، ولا سمحت لفهد يقرب مني ولا أي حد غيره. ولو هو عمل كده، المفروض تجيبلي حقي منه، مش تعمل كده فيا أنا.
عاصم: الغلط غلطك إنتي… إنتي اللي عشتي معه بمزاجك ومن ورايا. مش هلمه، لأنه أكيد قال واحدة بالرخص ده عادي لو عمل كده وسابها، إذا سابت بيت أهلها عادي وعاشت معايا شهرين في بيتي.
حور: مش هتصدم يا عاصم، لأني خلاص عرفت أنا إيه في نظرك، وأد إيه إنت نزلت من نظري. افتكرتك هتقف جنبي مش ضدي.
عاصم: لو كانت الدكتورة قالت إنك لسه بنت، جايز كنت أغفر لك.
حور: والله يا عاصم أنا متأكدة إن محصلش حاجة.
عاصم: أنا هخلي ماما بكرة توديكي دكتورة تانية تكشف عليكي، ولو دي كمان قالت كده، أنا هشرب دم فهد. وحور، أنا عايز أقولك حاجة.
حور بدموع: اتفضل.
عاصم مسح دموعها بإيده ودخلها في حضنه: حور، أنا آسف على كل حاجة. مكنش لازم أقول كده أو أعمل كده. إنتي مالكيش ذنب، أنا بس بغير عليكي يا حور. بغير عليكي من أي حد. يا حور، حطي نفسك مكاني، اختفيتي فجأة وكنت بتعذب في غيابك.
حور دخلت حضنه أكتر وكأنها طفلة كانت تايهة ولقت أمانها.
عاصم ضمها أكتر، وفضلوا هما الاتنين في حضن بعض، لحد ما حس إن راس حور تقلت في صدره ونامت.
تاني يوم الصبح، ثريا أخذت حور لدكتورة النساء.
عاصم كان عايز يروح معاهم، بس ثريا قالتله إن الحاجات دي عايزة ستات وبلاش ينزل معاهم.
عاصم: ها يا أمي، طمنيني.
ثريا: عاصم، قولتلك طلقها يا بني، مينفعش كده. الدكتورة قالت إن حور حامل، وحور مغمى عليها.
ثريا: عاصم، قولتلك طلقها يا بني، مينفعش كده. الدكتورة قالت إن حور حامل، وحور مغمى عليها من ساعة ما سمعت الخبر.
عاصم وقع الفون من إيده من الصدمة.
ثريا ابتسمت بخبث ودخلت أوضة حور.
حور بدأت تفوق وبدأت في حالة من الانهيار والغضب على الواقع تسيطر عليها.
ثريا: اهدي يا حور يا بنتي، علشان اللي في بطنك.
حور أول ما سمعت الكلمة دي، بقيت مش قادرة تصدق، ونفسها يكون حلم مزعج هتقوم منه.
عاصم جيه وكان متعصب، بس لما شاف حور بالمنظر ده، ومخربشة دراعها، وباين عليها أد إيه الحزن وكأنها تايهة ومتلخبطة. أول ما عين حور قفلت عين عاصم، نزلت دموعها غصباً عنها، وهو نسى كل حاجة ومحسش بنفسه غير وهو بيحضنها وبيحاول يهديها.
حور بدموع: عاصم، أنا مش عارفة إيه اللي حصل. أنا عايزة أتأكد، أكيد مش صح، أكيد غلطوا. عاصم، الدكتورة دي مش شاطرة، تعالى نروح مكان تاني. عاصم، اتكلم، متسكتش كده.
عاصم: اهدي يا حور دلوقتي.
حور: اهدي إزاي؟
ودخل في هذه اللحظة فهد.
حور بصت بشرود.
عاصم مسك فهد من هدومه، وفهد لسه هيتكلم لقى قبضة قوية من عاصم على وشه.
فهد: في إيه يا عاصم؟
عاصم: إنت هتستعبطني يا…
فهد: عاصم، أنا مش فاهم حاجة، في إيه؟
عاصم: إنك واحد… ومش متربي، علشان تعمل كده في حور.
فهد: عملت إيه؟
ثريا بارتباك: مش عارف، عامل إيه؟ حور حامل منك.
فهد: إنتوا بتقولوا إيه؟ أنا حور في بيتي زي أختي، وعمري ما أعمل كده في أي بنت، وبالذات حور.
عاصم: إنت جاي ليه؟ عايز إيه؟ مش فاهم، أنا عايز أشرب من دمك.
فهد: أنا ملمستش حور، أقسم بالله.
عاصم: أومال هي حامل من مين؟ إيه عايز تعمل عملتك وتهرب؟ إنت مش هتخرج من هنا حي.
فهد: بيني وبينك إيه؟ إنت ممكن تتأكد إني مقربتش ليها، وحور محترمة. إزاي تشك فيها كده؟ إنتوا إيه؟
فهد بجدية: أنا هبعت أجيب بدل الدكتورة تلاتة، وعقبال ما الدكتورة تيجي تعمل تحليل حمل دلوقتي.
ثريا: إنت إزاي ساكت له يا عاصم؟ طلعه بره، هو مين علشان يدخل كده ويقول ويعمل ده؟ المفروض يتأدب على اللي عمله ده.
فهد: حور، قبل أي حاجة، هي أختي، وأنا عمري ما أقدر أشوفها كده بسببي. واسكت، أنا من يوم ما عرفت إنها متجوزة، وأنا مبقتش أشوفها غير أخت ليا. وأنا متأكد إن في حاجة في الموضوع مش صح.
وقطع الحديث دخول شخص أول مرة نشوفه، هي أخت عاصم ندى، دكتورة نسا، وكانت مسافرة في مؤتمر ولسه راجعة من يومين.
ندى: يا جماعة، اهدوا مش كده، صوتكم في مرضى حواليّكم.


