
أنت اناني يا سليمان .
بصله سليمان بصدمة عشان يكمل هو
ايوة اناني .رقية بتحبك متستاهلش كده منك .هي اللي وقفت جمبك في حزنك هي اكتر واحدة ادتلك حب اتجوزتك وهي عارفة أنك مش بتحبها بس افتكرت ان حبك ليها كفاية دعمتك في شغلك اتحملت كتير ازاي يجيلك قلب تحرق قلبها بالشكل ده ايوة عارف ان حقك شرعا محدش يقدر ينكر حقك ده .بس انت شايف أنك لو عملت كده مش هتقهرها فاكر ان عشان وافقت أنك تتجوز معناها انها راضية هي بتموت من جوا أنا عارف أنا فاهم أنا عارف !!
عيون سليمان بقت حمرا من الغضب وكان هادي الهدوء قبل العاصفة وهو بيسمع كلام احمد بعدين قال بهدوء
عارف ايه !
عارف يعني ايه الانسان اللي بتحبه يبقي مع حد تاني غيرك .عارف يعني ايه مرارة الغيرة عارف يعني ايه تبدي سعادة اللي بتحبه على سعادتك .
قام سليمان فجأة وقرب من أحمد وبعدين مسكه من قميصه وقربه منه عينيه بتلمع بغضب
انت بتحبها بتحب مراتي يا احمد كدبت عليا وقولت أنك لما اتقدمتلها بس عشان شوفتها مناسبة لكن انت حبيتها صح !!!
ايوة أنا
وققبل ما يكمل كلامه كان سليمان بيضربه بعنف !!
سليمان: حقك ده، بس أنت شايف أنك لو عملت كده مش هتقهرها، فاكر أن عشان وافقت أنك تتجوز معناها أنها راضية؟ هي بتموت من جوا، أنا عارف، أنا فاهم، أنا عارف!
عيون سليمان بقت حمرا من الغضب، وكان هادي الهدوء قبل العاصفة وهو بيسمع كلام أحمد، بعدين قال بهدوء: عارف إيه؟!
أحمد: عارف يعني ايه الإنسان اللي بتحبه يبقى مع حد تاني غيرك، عارف يعني ايه مرارة الغيرة، عارف يعني ايه تبدي سعادة اللي بتحبه على سعادتك.
قام سليمان فجأة وقرب من أحمد، بعدين مسكه من قميصه وقربه منه عينيه بتلمع بغضب: أنت بتحبها؟ بتحب مراتي يا أحمد؟ كدبت عليا وقولت أنك لما اتقدمتلها بس عشان شوفتها مناسبة، لكن أنت حبيتها صح؟!
أحمد: أيوه أنا…
وقبل ما يكمل كلامه، كان سليمان بيضربه بعنف!
سليمان: اطلع من حياتنا أنا ومراتي يا أحمد، سامع؟ صداقتنا انتهت!
قالها سليمان وعينيه بتبرق بغضب، وأحمد كان واقع على الأرض. سليمان فعلا كان زي الوحش. بص أحمد بتعب ليه وقال: أنا مش بحاول أخد منك مراتك يا سليمان، أنا بنصحك، لو خسرت رقية هتندم أوي. أنت بتحبها، مشاعرك ناحية ورد انجذاب لحاجة أنت مقدرتش تمتلكها، بس لما تمتلكها شغفك كله بيها هيختفي. متعملش كده، متكسرش قلب رقية، عشان هتبقي كده بتكسر قلبك أنت، هتكستر قلبك لانها هتيجي في يوم وهتمشي.
سليمان (بصرخ في وشه وهو بيقرب منه عشان يضربه مرة تانية بس وقف وهو بيتنفس بتعب وبيقول): أنت، أنت حقير ومش هتنول اللي أنت عايزه. رقية مش هتسيبني لاني أنا بحبها وهي بتحبني، أنا مش هسمح لرقية أنها تضيع من بين ايديا!
وبعدين سابه ومشِي.
قام أحمد بتعب وهو بيمسح مناخيره بالمنديل، كان حاسس أن جسمه كله وجعه، سليمان فضى غلبه كله فيه. قعد على الإنتريه بتعب، مكانش حاسس بالغضب من سليمان، بالعكس، كان شفقان عليه؛ لأن سليمان لو خسر رقية هيعاني في حياته. طلع موبايله وهو بيخون وعده بنفسه، طلع صورتها، صورة رقية، صورتها وهي عندها 16 سنة، كانت صورة ليها هي وسليمان وأحمد وياسمين. ابتسم وهو بيتبص لرقية، رقية كانت حلمه، هو حبها قبل ما يعرف معنى الحب، بس عيون رقية كانت على سليمان، ولما سليمان حب ورد افتكر أن دي فرصته عشان يتقدملها بس اترفض. وهو مقالش إنه بيحبها لما سأله سليمان بغيرة عن السبب اللي خلاه يتقدم لرقية بعد ما اتجوزها، كدب عليه وقاله إنه شافها مناسبة ليه.
غمض أحمد عينيه وهو بتمنى إن سليمان ميخسرش رقية، بيتمنى فعلا كده.
كنت نايمة على سريري، كنت بين النوم والصحيان لما حسيت بسليمان بيدخل الأوضة، البرفان بتاعه ملى الأوضة كلها. انكمشت على نفسي وأنا بحسه بيقرب مني، وبعدين حضني وهو بيْبُوس راسي وبيقول: وحشتيني.
حاولت معيطش وقولت بصوت هادي: سليمان، عايزة أنام بجد.
بس هو مبعدش وقال: أنا عايز أتكلم، أتكلم وبس، أنا مخنوق أوي.
حد غيري كان هيتجاهله بس أنا مقدرتش؛ لان ببساطة ده سليمان. قومت وأنا بتعدل بصتله بهدوء وأنا بقول بتريقة: حصل ايه؟ العروسة موافقتش؟
ابتسم وهو بيلمس خدودي. لاحظت أن على صوابعه آثار حمرا كأنه ضرب حد بالبوكس.
مسكت إيديه وأنا بقول بخوف: حصل إيه؟!
سليمان: اتخانقت مع أحمد.
أنا: إيه؟ ليه عملت كده؟!
فضل يلعب في شعري ومردش.
أنا: سليمان، رد ليه؟
سليمان: أنا بحبك يا رقية، اوعي تتخلي عني لو سمحتي.
أنا: أنت كويس يا سليمان؟ شكلك مش طبيعي النهاردة.
بلع ريقه وقال: كنتي تعرفي أن أحمد بيحبك قبل ما نتجوز؟
بصيتله بدهشة وأنا شايفة الغيرة بتلمع في عينيه بس قولت بهدوء: إيه اللي فتح الحوار ده دلوقتي؟
سليمان: حبيتيه يا رقية؟
أنا: لو كنت حبيته يا سليمان كنت اتجوزته لما…
سكت شوية وبصتله بصدمة وقولت: أنت ضربته عشان كده؟!
سليمان: غيرت عليكي.
اتنهدت وقولت: تعرف يا سليمان؟ الست كمان بتغير، أنا حبي ليك أكبر من حبك ليا، بس رغم كده سمحت ليك تروح لغيري تخطب وتتجوز غيري، عارف ليه؟!
فضل باصصلي من غير ما يتكلم فقولت: عشان أنا عارفة أن سعادتك مع ورد، وأنا مقدرش أشوفك سعيد. بالنسبالي أنت أهم مني، بس لو عكسنا الأدوار هتعمل كده؟
ميل راسه وبدأ الغضب ينتشر على ملامحه وقال: تقصدي إيه؟!
أنا: أقصد لو جيت وعرفت يوم أن سعادتي مع غيرك، هتسيبني أبقى سعيدة؟
الغضب اللي في عينيه كان رهيب وهو بيقول من بين ضغط أسنانه: ده أنا أقتلك وأقتله!!!
ابتسمت بحزن، قرب هو ومسك إيدي وقال: مقدرش اتحمل أنك تبعدي عني، انتي بالذات يا رقية، أنا ممكن أخسر الكل عشانك. ممكن متصدقيش اللي بقوله بس انتي أحسن حاجة حصلت في حياتي.
دموعي نزلت وقولت بصوت كله ألم: طيب ليه عايز تتجوزها؟ ليه عايز تقهرني؟ ازاي بتحبني وبتقول عايزها؟
سليمان: عشان بحبها هي كمان، أنا بحبكم إنتو الاتنين وعايزكم إنتو الاتنين، بس لو جوازي منها هيخليني أخسرك أنا مستعد أتراجع فوراً، أنا مقدرش أخسرك إنتي بالذات، أنا مش عايز أخسر يا رقية، مش هتحمل أنك تبقي لغيري، الفكرة نفسها مخلياني هتجنن، عشان خاطري يا رقية بلاش تقوليها مرة تانية، بلاش تلمحي انك ممكن تروحي لحد تاني، بلاش سيرة انك هتبعدي.
اتنهدت وأنا بحاول معيطش فكمل كلامه: لو جوازي من ورد هيخليني أخسرك فهوقف كل حاجة.
عيوني دمعت جامد وقولت بصوت مخنوق: مش عايزة أنك تكون تعيس، اتجوزها يا سليمان.
ابتسم وهو بيلمس خدودي وقال بقلق: انتي مش هتسبيني؟!
هزيت راسي وأنا بكتم دموعي عشان متنزلش وقولت: مش هسيبك أبدا!!!
وبعدين حضنني جامد وهو بيقول: شكرا انك في حياتي.
حضنته وأنا دموعي بتنزل، حاسة قلبي بيتقطع بس مش قادرة أتكلم.
بعد عني وهو بيلمس شعري، وبعدين قرب من وشي بس أنا بعدت وشي وأنا بقول بتوتر: أنا تعبانة وعايزة أنام.
شوفت خيبة الأمل والقلق في عينيه بس ابتسم ليا وهو بيلمس شعري وبيقول: خلاص يا حبيبي نامي وارتاحي.
هزيت راسي فكمل: بس ممكن أحضنك؟!
كان باين عليه الخوف، الخوف من أني أرفض قربه، فابتسمت ليه فحضني هو ونومنا.
تاني يوم، كانت خطوبة منة وسليمان.
كنت قاعدة قدام التليفزيون من الصبح، مكنتش بكلم سليمان رغم أنه كتير حاول يفتح معايا كلام، كان بيراقبني بتوتر، حتى أنه اختار يروح عند أخته ويجهز نفسه للخطوبة.
لقيته قرب وقعد قدامي على ركبته ومسك إيدي وهو بيقول: طيب ليه بتعامليني كده؟ ليه بتبعدي عني بالشكل ده؟ رقية انتي بتخوفيني.
حرقت الدموع عيني وقولت: أنت خطوبتك النهاردة من واحدة تاني غيري، ده صعب عليا يا سليمان، صعب أوي. متضغطش عليا أبوس إيديك، زي ما هتحمل أن واحدة تانية هتكون في حياتك، اتحمل أنت تعاملي الفترة دي.
سليمان: هتحمل.
قالها بهدوء وهو بيْبُوس إيدي.
بالليل، كان بيجهز في بيت أخته وهو بيصفر بيحاول يحسن مزاجه ويبعد الخوف من قلبه، أكيد رقية مش هتسيبه، هي بتحبه مش هتسيبه وهو مش هيسمحلها تبعد عنه، هيعمل المستحيل عشان تفضل معه.
نورا (أخته وهي بتديله جاكيت البدلة): أنت مش هترتاح إلا لما تخسرها.
نفخ بضيق وقال: هلاقيها منك ولا من أحمد؟
نورا: سليمان، رقية لو قررت تسيبك أنت هتضيع.
لبس الجاكيت وهو بيْبُوس راس أخته وقال: انا مش هسمحلها تضيع من بين ايديا، لو فكرت تسيبني هحبسها في البيت أو خطفها بعيد.
هزت نورا رأسها بيأس.
في بيت ورد، كانت والدتها بتزغرط أن أخيراً بنتها قررت تنسى علي، أخيراً قررت تبص لنفسها.
كان سليمان مبتسم لورد اللي كانت في عالم تاني، قلبها واجعها، ازاي هتتخطب لحد وقلبها فيه حد تاني؟ هي لسه بتحب علي.
انتبهت لما سليمان اتكلم وقال بحب: متتخيليش أنا استنيت اللحظة دي قد إيه، استنيت عمر بحاله.
حاولت هي تبتسم ليه بس مقدرتش فحطت عينيها في الأرض.
جابت والدتها الدبل ومسكها وهو مبسوط، فجأة ابتسامته بهتت وهو بيشوفني قدامه بدخل من باب البيت بكامل زينتي. قام بسرعة وقرب مني وهو بيقول: رقية! بتعملي إيه هنا؟!
ابتسمت وقولت: جاية أحضر خطوبة جوزي!
سليمان: رقية!!
قالها سليمان بتوتر وهو بيبلع ريقه، كان متوتر أنا حاسة بيه.
ابتسمت بلطف وقولت: أنا مش جاية أبوز خطوبتك يا سليمان، متقلقش.
سليمان: أنا قلقان عليكي.
أنا: ليه تقلق؟ أنا كويسة ويالا روح ميصحش كده عروستك مستنياك.
بلع ريقه وهو بيبصلي، كنت ماسكة دموعي بالعافية، كنت حاسة أن قلبي بيتعصر من الألم، بس قدرت بمجهود أني أسيطر على دموعي.
فضل هو باصصلي وعيونه فيها ألم.
أنا: يالا روح لعروستك.
قولتها بصوت واطي. ابتسم وهز راسه بس ابتسامته كانت مش ابتسامة سعيدة بالمرة.
راح هو يلبسها الدبل وأنا ركنت شوية في مكان، كنت شايفة أن أم العروسة بتبصلي بقرف بس مش قادرة تتكلم لانها خايفة من سليمان.
كان قلبي بيتقطع وأنا شايفاه بيلبسها الدبل، كنت حاسة نفسي هنفجر في العياط في أي وقت، لعنت غبائي اللي خلاني أجي عشان أشوف بعيني جوزي وهو بيروح لغيري.
قلبي اتعصر بقوة وأنا شايفاه بيبصلها بحب، حب كبير، هو عمره ما بصلي بالطريقة دي.
بعد ما خلصت الخطوبة قرر يمشي علطول، احترمني ومحاولش حتى يقعد معاها.




