مراتك وتتجوزني انا بدالها
وقفت بسرعة وصړخت فيها پصدمه..انت اټجننتي يا ميرا اي اللي انت بتقوليه دا
وقفت من علي الكرسي وهي بتبتسم ابتسامه مش طبيعيه..يا ادهم انا عارفة انك زهقت منها ومش بقيت بتحبها ليه مش عايز تطلقها
غمضت عيني وانا باخد نفسي براحة وبحاول اتمالك اعصابي فتحت عيني وسالتها بهدوء..مين اللي قالك كدا
ضحكت بصوت رقيق وقعدت علي المكتب وكملت وهي ماسكه خصلة من شعرها وبتلفها حوالين صباعها..كنت عارفة اصلا حنين مراتك امبارح قالتلي انك بقيت كل شويه تتخانق معاها وقفت كلام للحظات ورجعت كملت وهي بتمثل الحزن..ويا حرام وصل بيكم الحال ان كل حد فيكم بينام في اوضه لوحده
فضلت ثابت مكاني من غير ولا كلمه ولا حركه ولا مدي اي ردة فعل الموضوع كان صدمني اخدت نفسي..انت اكيد كدابة حنين مستحيل تقولك حاجة زي دي
وقفت وبدات تعدل هدومها..وانا هكدب ليه وبعدين هو في حد تالت معاكم في البيت دي اسرارك انت وهي وطالما انت مقولتليش يبقي مين قالي..كانت بتتكلم وهي بتمشي بخطوات بطيئة ناحية الباب
ومع اخر كلمه نطقتها كانت وصلت لباب مكتبي لفت وكملت وهي بتغمزلي..عموما انا جاهزة في اي وقت
اول ما خرجت وسابتني قعدت علي كرسي المكتب وعيوني علي الاشئ وبس سندت بظهري علي الكرسي وغمضت عيني اتنهدت..
طيبتك دي يا حنين هتودينا في داهية في يوم من الايام
محاولتش افكر كتير وكملت شغل وانا مقرر لما اروح هتناقش معاها براحة وبهدوء..
في الليل..
قومت من علي الاكل وابتسمت ليها..كملي اكلك وتعالي في البالكونه عايز اتكلم معاكي شويه
ابتسمت..عيوني وهعمل كبايتين شاي بالنعناع كمان
ابتسمت ليها ودخلت البالكونه شويه ولقيتها داخلة وهي ماسكه كبايتين شاي..
اخدت منها الكباية بتاعتي ورجعت اقف مكاني وانا ببص علي السما..
فضلت ساكت لحد لما لقيتها جات وقفت جنبي وسندت براسها علي كتفي ابتسمت بعد ما اخدت نفس عميق وبدات اتكلم بهدوء..ممكن اسالك سؤال يا حنين
اكتفت بإماءة خفيفة فكملت..بتحبيني
وهي بتبصلي..طبعا هي دي محتاجة سؤال ادهم انا مش بس بحبك انا اتخطيت المرحلة دي من زمان
ابتسمت ليها فرجعت سندت علي كتفي وانا كملت..طيب معلش سؤال كمان اخدت نفس طويل وكملت..ليه بتحكي كل حاجة لميرا
شربت رشفة من الشاي..ميرا دي اقرب صديقة ليا بحبها اوي وبحكيلها كل حاجة بتحصل معايا من وانا صغيرة كنت لما بقع في مشكله بحكيلها وهي بكل بساطة بتحلها وقت ما بكون زعلانه هي اول حضڼ يتفتح ليا عشان كدا كل حاجة عني هي تعرفها
بس مش توصل لاسرار بيتنا يا حنين افتكري كويس قبل ما تحكي ليها حاجة عن اللي بتحصل بينا انها خصوصية دي مش حياتك انت بس دي حياتي انا كمان اللي بتحكي عنها
يا ادهم وفيها اي هي مش شخص غريب يعني هي صحبتي ويعتبر اختي شربت رشفة وكملت..وبعدين يا ادهم انت عارفها كويس دي طيوبه والله ومش بتطلع اسراري برا
سبت ماج الشاي من ايدي ولفيت ناحيتها واخدته منها هي كمان وحطيته علي جنب وقفتها قصادي اتنهدت..يا حنين افهمي مش كل حاجة تتحكي لازم نوزنها سكت شويه ورجعت اكمل.. وبعدين انا عايزك اساسا تبعدي عنها
بصتلي بطرف عنيها واتكلمت ونبرة صوتها كانت مستنكرة..طيب مش كل حاجة تتحكي وقولنا ماشي مع اني مش متفقة معاك لكن اني ابعد عنها ودا ليه ان شاء الله ادهم يا حبيبي انت ليه مش عايز تفهم اني بحب ميرا ومعتبراها زي اختي واكتر
غمضت عيني واخدت نفس عميق وفتحتها وبدات احكي ليها اللي
حصل في المكتب علي الرغم اني كنت هخبي عنها..
ملقتش منها ردة فعل ومرة واحدة ولقيتها بتبربش بعنيها وثواني ولقيتها بتضحك جامد
بصيتلها باستغراب..بتضحكي علي اي
ردت من بين ضحكتها..ميرا ميرا عايزة تتجوزك لا وكمان عيزاك تطلقني هديت شويه وكملت..انت اكيد بتقول كدا بس عشان ابعد عنها خاېف عليا
رفعت حاجبي باستنكار..قصدك اي يعني انت مفكرة اني بكدب عليك
وابتسمت..يا حبيبي مش قصدي بس ممكن تكون أوهام عشان خاېف عليا بس والله مفيش اطيب ولا احن من ميرا دي بتحبني خالص ومستحيل تكون بتتمني ليا الشړ
مردتش كنت مضايق منها معقول بتثق فيها اكتر مني….علي العموم انا حذرتك منها عن اذنك نهيت كلامي وسبتها ودخلت جوا
تاني يوم رجعت من شغلي علي وجود ميرا اتضايقت من جودها ودخلت الاوضه من غير ما اسمع كلام حنين اللي بتنادي عليا..
حنين بصت بإحراج لميرا..معلش بس هو تعبان شويه من الشغل ضحكت بخفه وهي بتقعد..بس زي ما كنت بحكيلك كدا والله ادهم من كتر خوفه عليا بيقولي ابعد عنك
اتصنعت ميرا الابتسامه وهي بتسأل بدهشة..انا طيب ليه هو انا عملت شئ زعله
ردت وهي بتحرك اديها بطريقة عشوائية مع كلامها..لا ابدا هو من كتر حبه ليا وخوفه ليا اتهيئله انك عايزة تفرقي بينا ضحكت وهي بتكمل..شكله بيحلم انك عايزة تتجوزيه لا وكمان عايزة ادهم يطلقني
ضحكت بتصنع..دا شكله بيحبك اوي وكملت في نفسها..بقي تعمل كدا يا ادهم بس مبقاش انا ان مخليتك تبقي ليا وتطلقها
الايام بتمر وانا بعيد عن حنين كنت مضايق عشان كدا مش عايز اجرحها بكلامي فالافضل ابقي بعيد لحد لما انسي اللي حصل
رجعت في يوم من الشركه وانا تعبان حرفيا تقل في دماغي بطريقة فظيعة وجسمي متكسر كنت لسه هفتح الباب لكن سمعت اصوات جوا و..
فضلت مكاني شويه بسمع الصوت وفجاة فتحت الباب جامد ودخلت بعلو صوتي صړخت فيها..
ل_منه_العدوي
حكاوي_الادهم
..حنين
قامت بسرعة مخضوضه هي وميرا علي صوتي اول ما شافتني حطت اديها علي قلبها وفضلت تتنفس بسرعة
مكنتش في وعي مسكتها من اديها جامد واخدتها الاوضه وقفلت الباب..
اول ما قفلت الباب فلت اديها جامد كانت هتقع بس لحقت نفسها واتعدلت في وقتها وهي بتسال بدهشة..في اي يا ادهم براحة
قربت منها خطوتين فرجعت هي تلقائي لورا وانا اتكلمت بعصبية..في ان الهانم برضه مسمعتش كلامي ولسه بتحكي ليها كل حاجة
فجاة حسيت بصداع رهيت وقدام عيني ضباب بس حاولت اتماسك وانا بكمل..انا كنت بتغاضي عن كله وعن اللي حكتيه ليها المرة اللي فاتت واللي قبلها بس سكت لثواني وكملت ونبرة صوتي مليانه حزن.. بس توصل بيك تحكيلها عن السر اللي مخبينوا عن كلوا انت وعدتيني السر دا مش هيطلع لحد وهيفضل سر بينا
كانت لسه هتتكلم لكن انا كنت خلاص جبت اخري وسبت نفسي واغمي عليا
اول ما شافته كدا جريت ناحيته بسرعة ..ادهم حبيبي مالك فوق ابوس ايدك اي اللي حصلك
بدات تبكي وهي بتضربه براحة..لو زعلان اني بحكي لميرا كل حاجة فوق وانا والله مش هحكي ليها حاجة تاني بس فوق
صوت طرق علي الباب براحة وصوت جاي من برا..حنين انتوا كويسين في حاجة
اول ما سمعت صوتها وقفت بسرعة وفتحت الباب وهي بتتكلم بلهفة..ميرا ارجوكي ساعديني ادهم فجاة وهو بيكلمني اغمي عليه وانا مش عارفة اعمل اي
شهقت پصدمه..حصله اي وسعي طيب بسرعة
دخلوا الاتنين وحاولوا يسندوه لحد لما نيموه علي السرير اتكلمت ميرا..رني بسرعة علي دكتور يا حنين يجي يشوفه
هزت حنين راسها بسرعة..حاضر بدات تبص حواليها بحيرة وهي مش مستوعبة
لحد لما خرجت برا بسرعة وبدات تتصل بدكتور
اما ميرا اول ما حنين خرجت قعدت جنبه وهي بتبتسم بقي تعمل كدا يا ادهم بتقولها تبعد عني بتحظرها مني بس هي هبلة هي متستاهلكش انا اللي استاهلك ..بس انت كدا كدا هتكون ليا قريب وحنين هتخرج من حياتنا خالص
ابتسمت ..واللي عرفته انهاردة هيساعدني اوي لو خطتي الاولي فشلت رغم اني متاكدة انها هتنجح وهخلص من حنين للأبد
انا اتصلت بدكتور معرفة وهو قال انه هيجي فورا..
ميرا بعدت بسرعة عن ادهم اول ما سمعت صوتها حنين بصتلها بدهشة..انت كنت قاعدة جنبه بتعملي اي
اتوترت..هاا لا دا انا بس كنت بشوف درجه حرارته لحسن يكون سخن عشان كدا اغمي عليه
هزت راسها وهي بتقرب من ادهم..اهاا طيب ومتنسيش يا ميرا ان دا حرام انا خليتك تساعديني اني ارفعه علي السرير عشان دا كان الحل الوحيد وانا مكنتش في وعي
ابتسمت بتصنع..اه معلش نسيت طيب همشي انا عشان عندي مشوار ضروري
اكتفت حنين بهز راسها وهي بتملس علي شعر ادهم
خرجت ميرا من الاوضه لكن قبل ما تخرج من الشقة فجاة بصت حواليها وعملت حاجة بسرعة وخرجت..
اما حنين فضلت قاعدة جنبه لحد لما سمعت خبط علي الباب قامت بسرعة وفتحت بعد ما لبست الاسدال دخل الدكتور وكشف عليه..
سالته بلهفة..هو ماله يا دكتور فجاة اغمي عليه
ابتسم وهو بيشيل السماعة من ودنه..مټخافيش يا مدام حنين ضغطه بس اترفع مع دور برد جامد هكتبلك علي شويه ادوية وياريت بلاش ضغط عليه الفترة دي
اكتفت بإماءة خفيفة وحاسبت الدكتور ومشي وهي بدات تجهز الاكل عشان لما يفوق
الايام بتعدي بدون شئ جديد لكن المريب والغريب ان ميرا بطلت تيجي هنا بقالها فترة..
كنت بخرج هدوم ليا من الدولاب ولقيت حنين دخلت الاوضه وسالتني..رايح فين يا ادهم
لفيت ناحيتها اخدتها بهدوء وخليتها تقعد علي السرير وانا ميلت لمستواها وانا بتكلم بهدوء..الاجازة اللي كنت اخدتها نهايتها بكرة فهنزل امدها كمان اسبوع عشان حالتك مش عجباني الفترة دي
ابتسمت بإرهاق..لا متعطلش شغلك بسببي شويه تعب بسيط بس وفترة وهيروح
انا اعطل اي شئ لخاطر عيون حنون انا بتعب وبشتغل عشانك اساسا ف طالما شايفك مش كويسة اروح الشغل ليه
لقيتها ساكته ف بعدت عنها براحة وابتسمت..هنزل اخد بس اجازة اطول شويه وهاجي بسرعة مش هتاخر عنك
هزت راسها بابتسامه خفيفة وانا لبست ونزلت وسبتها..
بعد اربع ساعات رجعت البيت بعد ما مديت الاجازة واشتريت طلبات للبيت لكن الغريب وانا طالع علي السلم لقيت ناس كتير واقفة قدام الباب..
كملت لحد لما وصلت قدام الباب وسالت الناس باستغراب..خير يا جماعة في اي
رد عليا راجل كبير في السن..الحق يا ابني شوف مراتك احنا اتلمينا علي..
وقبل ما الراجل يكمل كلامه سمعت صوت صړاخها جاي من جوا قلبي وقع من الخۏف مستنتش لحظة ورميت الحاجات من ايدي بسرعة وفتحت..
واول ما دخلت وقفت مصډوم واتشليت عن الحركه لما شوفتها كانت واقعة علي الارض..
قربت منها بسرعة ودموعي سبقاني وانا خاېف عليها حاولت افوقها لكن مفيش فايدة شلتها ودخلتها الاوضه
واول ما نيمتها علي السرير وقفت ببص حواليا بحيرة مش عارف اعمل اي كل اللي بفكر فيه ان حنين مش كويسة وحصلها اي..
عيني وقعت علي ازازة برفان روحت ناحيتها بسرعة واخدتها..
رشيت منها علي ايدي وقربتها براحة عشان تشمها دقايق وبدات تفوق..
فضلت تبص حواليها وهي مش مستوعبة فجاة بصتلي جامد وبدات تصرخ وهي بترجع وبتخبي وشها..
قربت منها وقلبي مليان خوف عليها وحاولت اهديها
وبكيت عليها مسكت اديها وبعدتها عن وشها ڠصب عنها وخليتها تبصلي وانا بتكلم بصوت هادي..حنين اهدي يا
حبيبتي انا ادهم اهو انا جنبك يا عيوني
بدات تهدي شويه مسكت في قميصي جامد وهي پتبكي..كان في حد هنا يا ادهم هو هو شكله مرعب انا كنت خاېفة منه كان كل شويه يلاحقني
ن..مفيش حد هنا يا حنين انا بس اللي هنا اهدي اتنهدت وانا بكمل..حقك عليا اني سبتك بس انا اهو اخدت اجازة وهفضل معاكي يمكن من التعب اتهيئلك كدا
بعدت عني جزء بسيط وبصتلي وهي بتتكلم بلهفة وعيونها مليانه خوف..ابدا والله يا ادهم دا مش تهيئ انا شفته بعيني والله
رجعت ..مصدقك ارتاحي دلوقتي
مفيش دقايق ونامت اتنهدت ونيمتها كويس وخرجت بصيت علي الباب المفتوح بدهشة لكن استوعبت اني دخلت وسبته مفتوح قربت من الباب لقيت الناس مشيت مفيش غير الراجل الكبير ابتسمتله..شكرا يا عم حسين
مد ايده بالاكياس وهو بيبتسم..الشكر لله يا ابني انا معملتش حاجة ودول حاجتك اللي سبتهم
اخدتهم منه ولقيته كمل..المهم طمني حنين عاملة اي دلوقتي
اتنهدت بحزن..بقيت كويسة دلوقتي بس مش عارف مالها فضلت ټعيط وهي بتقول انها شافت حد شكله مخيف بيلاحقها في كل مكان
طبطب عليا..متخافش عليها يابني تلاقيها بس مش بتنام كويس وبيتهئ ليها يلا عن اذنك انا بقي
اذنك معاك يا عم حسين مشي ودخلت انا ارتب الشقة واجهز العشا
عدت فترة الاجازة ورجعت شغلي تاني لكن الغريب ان تصروفاتها كانت غريبة الفترة اللي فاتت بلاقيها سرحانه كتير بقيت عصبية بطريقة مريبة بتصحي من النوم مفزوعه..
وحاجات غريبة كتير..
لحد لما جه يوم وكنا نايمين بدات حنين تتقلب في نومها كتير..
لكن فجاة فتحت عنيها وقامت وهي بتبص حواليها نفخت بضيق..اوف يعني لازم اقوم اجيب ماية
اخدت الازازة الفاضية من جنبها وقامت براحة من جنبه عشان تملاها وتشرب
لكن اول ما خرجت من الاوضه ومشيت خطوتين لقيت الباب اتفتح واترزع جامد لفت بسرعة ناحيتة وقلبها بيدق پخوف واتكلمت بصوت مهزوز..ادهم انت صحيت
لكن مفيش رد ولا في صوت كملت طريقها للمطبخ وهي بتحاول تتحكم في خۏفها
لكن اول ما دخلت المطبخ صړخت جامد وهي شايفة قدامها راجل اسود ومخيف..رجعت لورا وهي پتبكي وبتنادي علي ادهم
بس ادهم مجاش ليها وفجاة هي اتشنكلت في السجادة ووقعت رفعت عيونها بسرعة تشوفه وهي تبكي لكن ملقيتهوش فجاة حست بشئ لزج تحتها..
حطت اديها وهي بتترعش ورفها قدام عنيها صړخت اول ما شافت اديها عليها
قامت بسرعة كانت عايزة تصرخ لكن كأن شئ اخد صوتها فضلت تبكي وتحاول تصرخ لكن مقدرتش حست بسواد بيحاوطها استسلمت ليه وقبل ما يغمي عليها صړخت بعلو صوتها..
صوت الاذان ملئ المكان كان صوت اذان الفجر قومت عشان اصحي حنين ونصلي لكن ملقيتهاش نايمه جنبي مسحت وشي وقومت اروح اتوضي..
وانا مفكر ان حنين قامت قبلي وبتتوضي
خرجت وناديت عليها لكن مردتش روحت للحمام بس ملقتهاش..
حسيت بشئ غريب بدات ادور عليها لكن فجاة لقيتها واقعة علي الأرض روحت ناحيتها بسرعة ودخلتها الاوضه وحاولت افوقها..
شئ مش جديد عليا اول ما فاقت قامت تصرخ وهي بتمسك فيا جامد قلبي كان واجعني عليها مبقتش طبيعية من فترة وشها بقي باهت ودبلت وڠصب عني دموعي خانتني اول ما سمعت صوتها وهي بتتكلم بصوت مليان خوف
ارجوك يا ادهم متسبنيش انا شوفته تاني كان مرعب يا ادهم وكمان..سكتت وبكاها زاد كملت بشهقات..كان في كمان قطة
