زوجي منعني من فيسبوك

وخرجت من المحكمة وهي فرحانة
حاسة إنها أخيرا اتخلصت من حياة ما كانتش بتناسبها ومستنية تبدأ من أول السطر مع حب حياتها… اللي عمرها ما شافته على الحقيقة.
لكن كانت الصدمة قربت توصل صدمة العمر.
بعد ما تم الطلاق رسميا خرجت نرمين من المحكمة والفرحة مش سايعاها.
حاسة إنها أخيرا اتحررت من زواج كانت شايفاه خانق وإنها على وشك تبدأ من جديد مع حبيبها اللي بقاله شهور بيغمرها بكلام حب وغزل على فيسبوك.
أول ما وصلت البيت مسكت موبايلها وكتبتله رسالة طويلة
خلاص تم الطلاق… وبقيت حرة.
مستنياك نعيش الحياة اللي وعدتني بيها وننسى اللي فات.
مفيش رد…
عدى يوم… ثم اتنين… ثم تلاتة.
بدأ القلق يدخل قلبها وبعتت له
إنت فين ليه مختفي
أنا طلقته خلاص… كل ده علشانك.
وأخيرا وبعد 4 أيام من الصمت جاتها رسالة منه
أنا آسف عندي شوية ظروف كام يوم وهتفرج.
استحملي شوية وأنا هجيلك وهبدأ معاك حياة جديدة زي ما وعدتك.
لكن الحقيقة
هو ما كانش مشغول…
كان في الساحل بيقضي شهر العسل مع مراته الجديدة اللي خطبتها له نرمين واللي جهزتلها البيت من فلوسها وأثثته بأغراضها واللي وافقت على الزواج ده بإيديها!
سامح كان بيعيش أسعد أيام حياته والمسكينة كانت عايشة في خيال بتستناه.
وبعد ما رجع من رحلته وبكل برود بعتلها رسالة تانية
إزيك يا قمر
عاملة إيه
كنت في بالي طول الوقت…
ردت بحماس
أنا كويسة مستنياك… مشتاقتلك أوي نفسي أشوفك نفسي نعيش اللي حلمنا بيه.
وبكل هدوء قالها
أنا أصلا قريب… أقرب مما تتخيلي.
أنا جوزك يا مدام!
سكتت مش فاهمة.
كتبتله
جوزي!
إنت بتقول إيه
إنت بتضحك
رد عليها بكلمات زي السكاكين
آه أنا سامح… جوزك اللي كنتي عايشة معاه تحت سقف واحد
وأنا اللي كنت بتكلمي معاه على فيسبوك كل يوم
أنا اللي بعتيلي صورتك وكلميني عن أحلامك وخنتيني بالكلام وانت مش واخدة بالك.
الصورة اللي كنتي بتحبيها دي صورة صاحبي
كنت باختبرك
ووقعت يا نرمين… ووقعت سقوط كبير.
كانت صدمة أقوى من كل الخناقات والشتايم اللي مرت بينهم قبل كده.
نرمين بدأت تتنفس بصعوبة إيدها بترتعش والدنيا بقت سودة في عنيها…
صدمة عمرها… وصلت.
نرمين ماقدرتش ترد… حرفيا لسانها اتعقد.
حست إنها بتغرق في بئر عميق من الذهول والندم والخجل.
أول كلمة كتبتها كانت
مش ممكن…
يعني أنت كنت بتضحك عليا طول الوقت
كنت بتراقبني وأنا… وأنا…
سامح رد بكل برود
كنت بتراقبك لا يا نرمين
أنا كنت بشوفك على حقيقتك.
الست اللي تبيع بيتها وزوجها وأولادها علشان واحد ما شافتهوش
وتتنازل عن كل حقوقها علشان كلام غرام على فيسبوك
مش ست… دي طفلة بتلعب بالنار.
حاولت نرمين تدافع عن نفسها