قبل ما احكي ليكم حكايتي

برضه يا ماما كلامك ده! روح إنت دلوقتي يا سيف وادخل على أوضتك.

دخل سيف أوضته وهو بيعيط في سكون تام، وعمر بص لأمه وقال بحدة:

يا ماما أنا قلت لك كذا مرة بلاش كلامك ده قدام الولد! أنا مش فاهم إنتي عايزة تكرهيه في أمه وخلاص ولا إيه؟
قالت ببرود:

أنا يا بني هاكون عايزة أكرهه في أمه؟ ده الواد هو اللي كارهها منه لنفسه بسبب تصرفاتها معاه، الواد حزين يا عمر بس هو اللي مش عايز يتكلم!
قال عمر بتنهيدة:

خلاص يا ماما، على العموم أنا هروح أجيب له مامته وخلصنا بقى!

وبالليل، راح عمر لأهلي وقعد مع أميرة وقالها بصوت هادئ:

خلاص بقى يا أميرة، قلت لك حقك عليا، ويلا نرجع البيت بقى عشان ابنك عايزك ومتأثر بفرقتك.
قالت بتمنع ودلع مصطنع:

ليه بقى يا عمر؟ وهي مامَتُك زهقت منكم وقالت تمشي عشان كده إنت جاي ترجعني البيت مش كده برضه؟
رد بسرعة:

وأنا مالي بأمي؟ أنا ليا دعوة بمراتي، ورايح أرجع مراتي بيتها عشان اللي بيحصل ده غلط.. ولا إيه يا حماتي؟ ما تقولي لها حاجة، أنا عارف إنك مش بتحبي الغلط.
قالت أمي باهتمام:

عداك العيب يا ابني، قومي يا أميرة مع جوزك يلا.
قالت أميرة بشروط:

ماشي هقوم يا عمر، بس بشرط! تقبل بالوظيفة اللي كانت جاية لك في السويس، ونروح نعيش هناك أنا وإنت وابننا لوحدنا بعيد عن أي توتر.
قالت عمر بتفكير:

برضه يا أميرة هنتكلم تاني في الموضوع ده؟ وبعدين إحنا حياتنا هنا، أهلنا ومعارفنا وأصحابنا، حتى مدرسة سيف هنخليه يسيب المدرسة ويروح مكان تاني هيتعب لحد ما يتعود، وممكن ده يأثر على مستواه.
قالت بإصرار:

لو على سيف، أنا كده كده كنت هغيرله المدرسة عشان مستواه مش كويس فيها، وبعدين أنا مش فارق معايا أهل ولا معارف ولا صحاب، والمثل بيقول: “خليك بعيد تبقي حبيب”!
قال باستسلام:

ماشي يا أميرة أنا موافق.. في حاجة تاني؟
قالت بابتسامة رضا:

لا، خلاص هقوم بقي أجب حاجتي وأرجع معاك يا حبيبي.
ورجعت أميرة بيتها.

وفي المدرسة، كان سيف قاعد في الفصل لوحده وشكله متبدل، وجات مدرسة سألت عنه ولحظت تغييره، وبعد بكام يوم رجع سيف البيت وشكله تعبان جداً ودايخ.
قالت أميرة بقلق وهي بتقرب منه:

إنت جيت يا حبيب ماما؟ مالك يا حبيبي؟ هو إنت حد بيزعلك في المدرسة ولا إيه؟ شكلك عامل كده ليه؟
سألت بلهفة:

إنت اتخانقت مع حد في المدرسة ومد إيده عليك من صحابك؟ قولي في إيه بالظبط؟
قال سيف بصوت يملؤه الخوف:

هو أنا هسيب المدرسة يا ماما وهروح مدرية تانية صح؟ مش إنتي قلت لي كده؟
طلع عمر من أوضته وقال باستغراب:

أيوه يا سيف إنت هتجوز مدرسة تانية.. بس في إيه؟ إنت مالك كده؟
قالت أميرة بقلق شديد:

في إيه أنا مش فاهمة حاجة! ماله سيف يا عمر وقالك إيه؟ ما تفهمني إيه اللي بيحصل بالظبط؟
قال عمر بحدة وهو بينظر لابنه:

اتفضل يا هانم، شوفي بيحصل مع ابنك إيه عشان تهملي فيه قوي وتسبيه وتروحي عند مامتك ولا تروحي تسألي في المدرسة على اللي بيحصل ولا حاجة!
قالت أميرة بانهيار:

يا عمر في إيه؟ مالك طايح فيا كده وأنا مش فاهمة حاجة خالص؟ أرجوك يا عمر بلاش كلامك ده وقولي في إيه، أنا مش مستحمله بقى أرجوك!
بصلها عمر بدموع وقال بصوت مخنوق:

أميرة.. ابني.. ابني تعبان ومش قادرة أقولك اللي عرفته..
قالت بصدمة وذعر:

إيييه! إنت بتقول إيه يا عمر؟ معقولة الكلام ده يا سيف؟ طيب هو كان بيعمل معاك إيه يا حبيبي قولي!
سيف ببكاء وخوف شديد:

مش عارف.. مش عايز أتكلم..
صرخت أميرة بلطم وقالت:

يا لهوي يا لهوي! إزاي الكلام ده؟ يلا بينا يا عمر نروح نبلغ عن المدرسة دي كلها، لازم تتقفل فوراً!
قال عمر بغضب عارم:

الأول نروح بالولد للدكتور ونطمن عليه ونشوف في إيه، وبعدين حسابهم معايا هيكون عسير، كل اللي في المدرسة دي هندفعهم الثمن غالي!

وراحت أميرة وعمر المدرسة وفضلت تزعق وعمر كمان في حالة جنون، وقات المديرة باستنكار:

هو إيه يا جماعة؟ ممكن أعرف في إيه؟ أرجوكم تفهموني بس إيه اللي حصل لكل ده؟
قال عمر بصوت كالرعد:

عايزة تفهمي؟ أنا هفهمك يا أستاذة دلوقتي.. إنتو فين من ده كله؟! الولد مش هيتكلم غير قدام النيابة، إنتي سامعة ولا لا؟ أنا هوديكم كلكم في داهية!

جات هدى أخت أميرة وقالت لهم بقلق:

في إيه يا أميرة؟ في إيه يا عمر؟ صوتكم عالي في المدرسة ليه كده؟ خير إيه اللي حصل؟
قالت أميرة ببكاء:

وإنتي كل ده ما خدتيش بالك يا هدى؟!
قالت هدى بذهول:

إزاي الكلام ده بس يا أميرة؟ وهو مقالش لي ليه بس يعني؟!

وفعلاً، النيابة جات المدرسة والدنيا اتقلبت، وراحت الجهات المعنية واتخذت الإجراءات القانونية اللازمة للتحقيق في الواقعة بكل حزم. وفي نفس الوقت، قال عمر لأميرة بقرار حاسم:

أنا هنقل شغلي بعيد عن هنا خالص، عشان كمان الولد يقدر ينسى اللي حصل معاه، لأنه محتاج فترة رعاية ودعم نفسي كبير.
قالت أميرة بيقين:

وأنا معاك يا عمر، نروح في أي مكان المهم راحة ابننا وسلامته النفسية.

وبعدها مشيوا عمر وأميرة وسيف، وراحوا بلد تانية هادئة، وبدا سيف يتابع مع دكتور متخصص عشان يتخطى المرحلة الصعبة دي وترجع له ضحكته وبراءته، وبكده تكون خلصت حكايتي اللي علمتني إن أحياناً الابتعاد عن المشكلات والتركيز على حماية أولادنا هو أغلى حاجة ممكن نقدمها في حياتنا.

“هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”