وفي بيت أهلي، دخلت وأنا منهارة، فقالت لي أمي بعتاب:
برضه غلط يا أميرة، كنتي جبتي ابنك معاكي! بتاع إيه تسيبي ابنك لحماتك والولد لسه صغير ومحتاجك معاه؟
رديت بوجع:
أنا سيباه لباباه يا ماما، وسيف مابقاش صغير بالعكس، هو فاهم كل حاجة بتحصل حواليه وعارف كمية المشکلات اللي جدته بتعملها على طول.
قالت أمي بجدية:
ولو برضه، إنتي متعودة كل ما تيجي هنا هو يبقي معاكي، تقدري تقولي لي إيه شعوره دلوقتي بعد ما إنتي سبتيه وجيتي هنا لوحده؟ أكيد زمانه رجع من المدرسة وبيعيط!
قلت بضيق:
يوووه يا ماما، ده عيل صغير! وبعدين أنا مشكلتي دلوقتي في عمر، يا رب يشرب المر عشان يعرف قيمتي ويجي يرجعني بنفسه!
قالت أمي وهي بتنفخ:
شوف البت الهبلة بتدعي على ابنها وجوزها! على العموم ادخلي ارتاحي جوه، أختك جاية في الطريق من الشغل وهنتغدى مع بعض.
دخلت بالفعل أوضتي في بيت أبويا، وبعد شوية جات أختي هدى وقعدت جنبي وقالت لي:
بقولك إكي يا أميرة، إنتي متخانقة مع عمر من إمتى بالظبط؟
قلت بتنهيدة:
لا، أنا وعمر حياتنا زي الفل من غير حماتي، لكن أول ما بتدخل حماتي الموضوع بيخرب تماماً! بس إنتي ليه بتسألي؟
قالت هدى بقلق:
لا أبدا، اصل النهارده سيف ابنك طول اليوم كان زعلان، والمدرسين بتوع شكله اخدوا بالهم إن حالته النفسية مش أحسن حاجة خالص.
قالت أمي من بره الأوضة:
هو من قليل؟ ما هو تلاقي قلبه كان حاسس باللي هيحصل ده!
قالت هدى باهتمام:
أنا بقول لو مامته تكلمه، تحاولي تفهمي إيه اللي حصل معاه وليه مدايق كده، لاني حاسة إن في مشكلة كبيرة جواه.
قلت بعصبية:
يا اختي بس أفهم أبوه الأول! مش ناقص غير العيل ده اللي هأشيل همه لوحده! المهم أنا عايزة عمر هو اللي يجي بنفسه ويرجعني، بس أعملها إزي دي وامه هي اللي متحكمة فيه وفي كل خطوة؟
قالت أمي بحكمة قديمة:
أمه مهما حصل أمه يا بنتي، ولو ما خدش صفها وكسب رضاها يبقي مش ابن اصول.
قالت هدى برفض:
وهو عشان يكسب صف أمه يقوم يهين مراته يا ماما؟ ده بأي منطق ده؟!
تاني يوم في المدرسة، كان سيف ابني في الفصل بتاعه، وجات المشرفة نادت على المدرسة وقالت:
بعد إذنك يا ميس نادية، بس سيف خالته عايزاه بره، ممكن أخده دقايق؟
قالت ميس نادية بضيق:
قولي لها بعد الحصة يا عفاف، هي كل يوم تعطله كده عن الحصص بتاعتي ولا إيه؟
قالت المشرفة ببرود:
واحنا مالنا يا ميس نادية؟ وبعدين بلاش تدخلي عشان ما تحصلش مشكلة بينكم، وبعدين إنتي عارفة المديرة هتيجي في صف هدى عشان خطيبة ابنها صح ولا لا!
قالت ميس نادية بسخرية:
آه والله على رأيك، طيب خدي الولد وديه ليها وإن شاء الله حتى ما يتعلم خالص!
أخدت عفاف سيف اللي كان ماشي بدموع وعيون تايهة وقالت له:
إنت كنت فين يا سيف؟ أنا هاخدك معايا واحنا مروحين عشان ماما عايزة تشوفك، إنتي عارف أنها عندنا في البيت.
استغرب سيف وقال بصوت ضعيف:
لا إزاي بقى الكلام ده؟ دي مش عندكم..
قالت بابتسامة مصطنعة:
طيب والله هي قالت لي أخدك معايا وإحنا مروحين.
سابها سيف ومشي بخطوات بطيئة، وهدى وقفت مستغربة وتقول لنفسها:
مال الواد ده؟ وإيه الكلام الكبير اللي هو بيقبله ده؟!
ولما رجع سيف البيت، كان باباه قاعد قدام التلفزيون، وقالت حماتي بصوت عالي:
لا، ده تلاقيه زعلان على أمه أنها مش موجودة في البيت! بقا بالذمة في واحدة يبقا عندها عيل صغير كده وتسيبه وتمشي تروح بيت أهلها؟
قال عمر بضيق:
أرجوكي يا ماما بلاش الكلام ده قدام الولد، وأنا كنت ناوي إني هروح أجبها النهارده.. روح إنت يا سيف يلا مع تيته غير هدومك واتغدى يا حبيبي.
بص سيف لأبوه وقال بصوت واهن:
أنا مش أكل.. أنا هدخل أنام عشان وقعت في المدرسة ودايخ شوية ومش قادر خالص.
قال عمر بلوم:
وقعت إزاي يا سيف؟ أكيد اتشاقيت طبعا، عشان إنت لو بتسمع الكلام ما كنتش وقعت! إنت بتلعب بطريقة وحشة أهو بص شوف شكلك عامل إزاي.. على العموم ادخل نام لك شوية.
قالت حماتي بغل:
آه ما هو العيب مش عليك.. العيب على اللي هي المفروض تربي وتعلم ابنها يعمل إيه وما يعملش إيه!
قال عمر بحدة:
