رقيه قامت بخوف من نظراته علشان تفتح باب الأوضة وتخرج، سليم رزع الباب وحوطها بايده. وفجاءة.
سليم: متخافيش قلتلك مش سليم الجارحي اللي يجبر واحدة عليه.
رقيه: طب لو سمحت ابعد وخلينا نتكلم وبطل نظراتك دي.
سليم: ليه بتخافي؟
رقيه بقوة مزيفة: وانا هخاف منك ليه؟ انا أصلاً ماعرفكش وانت هتبعد عني.. امشي من هنا.
سليم بضحكة: ليه وإنتي فاكرة هتمشي من هنا بمزاجك؟ إنتي مش هتخرجي من هنا غير لما أقول.
رقيه: إنت بتحلم أنا مستحيل أخليك تلمسني.
سليم: عارف علشان كده مصمم إني أكسرك.
رقيه: ليه؟ أنا عملتلك إيه؟ أنا مليش ذنب في حاجة.
فجأة رقيه بصت في عيونه لقت النظرات الحادة اتبدلت لنظرات تانية حنونة ودافئة وحزينة وسرحت فيها.
سليم لاحظ نظراتها ورجع لبروده تاني.
سليم: بتبصيلي كده ليه؟ عجبك؟
رقيه: وانا إيه اللي هيعجبني فيك؟ إنت شخص قاسي ومشاعرك غريبة.
سليم بصلها بغضب ومسك دراعها جامد وطلع من الفيلا كلها.
سليم في عربيته: بقا أنا شخص قاسي وميتحبش! وحتة بت زي دي تقولي كده وفي وشي؟ والله لأوريكي.
تاني يوم الصبح.. سليم فاق ونزل على الفيلا، لقى تسنيم في وشه.
سليم بحنية: تسنيم حبيبتي انا اسف على إمبارح بس انا حالياً مش هقدر أقولك اتجوزتها ليه.
تسنيم: ماشي ي أبيه بس اوعي تكون جايبها تأذيها ي سليم دي ملهاش ذنب بالماضي بتاعك.
سليم بصلها ومردش، طلع أوضته وفتح الباب.. لقى رقيه قاعدة على السرير وبتبكي.
رقيه أول ما دخل حاولت تجمع شجاعتها: أنا عايزة أروح البيت أجيب هدومي.
سليم مدهاش اهتمام ومردش، خلص ولبس ونزل.
سليم: دادة سميرة.. طلعي الفطار للمدام رقيه فوق في أوضتي.
دادة سميرة باستغراب: هي مين دي ي سليم ي بني؟
سليم: دي مراتي ي دادة.
سليم راح الشركة، والباب خبط ودخل يزن.
يزن: صباح الخير ي سليم.
سليم: صباح النور ي يزن، في إيه مالك قالب وشك ليه؟
يزن: هي تسنيم مجتش ليه النهاردة؟
سليم: تسنيم سافرت شرم مع صحابها.
يزن قام بغضب طلع من مكتب سليم ومن الشركة ركب عربيته ومشي.
بالليل سليم خلص شغل وراح على الفيلا طلع أوضته بس ملقاش رقيه، فضل يدور عليها لحد ما لقاها قاعدة على المرجيحة في جنينة الفيلا.
سليم بغضب: إنتي إيه اللي نزلك من الأوضة؟
في شرم يزن وصل وفضل يدور على تسنيم لحد ما لمحها قاعدة على شط البحر.
يزن بغضب جذبها من إيدها: أنا مش قلت مفيش سفر؟
تسنيم: وانت مالك أسامر أو لا دي حاجة تخصني!
يزن بغضب: لا متخصكيش إنتي لوحدك ي تسنيم، يلا هترجعي معايا حالاً.
تسنيم بدموع: مش هرجع معاك في حتة ي أبيه.
يزن بغضب: متقوليليش أبيه.. أنا مش أخوكي إنتي فاهمة؟
تسنيم: أمال انت مين ومالك بيا؟
يزن: عايزة تعرفي ليه؟ لما نرجع هقولك.
عند رقيه وسليم.. سليم جذبها بغضب من على المرجيحة.
رقيه: سيبني قلتلك كنت زهقانة ونزلت.. هو أنا عملت جريمة؟
سليم قرب منها أكتر وحوطها من خصرها.. رقيه حطت إيدها على بوقه.
رقيه بدموع: ارجوك سيبني امشي من هنا.
سليم: وأنا جاوبتك كتير أوي على نفس السؤال وانتي عارفة.
رقيه: طب انا ممكن اشتغل واسددلك كل الفلوس اللي بابا اخدها، بس ارجوك سيبني امشي.
سليم: مش هتمشي من هنا نهائي ي رقيه.. ومتجيبش سيرة انك تمشي تاني.
رقيه ببكاء زقته بعيد عنها: انت بجد مش هتبطل طريقتك دي!
سليم جذبها من خصرها تاني وقرب منها جامد وشالها وطلع على الأوضة.
سليم بجمود: انا مش هعملك حاجة.. بس لسانك لو طول تاني هتشوفي أنا هعمل إيه.
يزن وتسنيم وصلوا قصاد الفيلا، تسنيم نزلت ورزعت الباب بعصبية، ويزن نزل وراها وماسكها من إيدها قبل ما تدخل.
يزن: اللي حصل النهاردة لو اتكرر تاني متلوميش إلا نفسك ي تسنيم.
تسنيم شدت إيدها وبصتله بغضب: مش من حقك تدخل في حياتي!
يزن: لا من حقي ي تسنيم.
تسنيم: وده ليه بقا إن شاء الله؟
يزن: علشان هتبقي مراتي مثلاً.
تسنيم: نجوم السما أقربلك ي يزن! اتجوزك علشان تتحكم في حياتي؟ مستحيل.
عند سليم ورقيه.. سليم سابها وقال: غيري هدومك وانزلي كلي.
تاني يوم الصبح.. سليم غير ونزل على الشركة، ورقيه نزلت تحت لقت تسنيم بتفطر.
رقيه بابتسامة: صباح الخير ي تسنيم.
تسنيم: صباح النور ي حبيبتي اقعدي افطري يلا.
رقيه: تسنيم.. أنا كنت عايزة أسألك، سليم عنده إيه وليه دايماً قاسي كده؟
تسنيم: أنا عارفة إن من حقك تعرفي بس أنا مقدرش أقولك ي رقيه.. بس اللي أعرفه إن أبيه سليم محتاجك، متسيبهوش.
في الشركة سليم كان في مكتبه والباب خبط ودخل يزن.
يزن: سليم.. أنا عايز أتجوز تسنيم.
سليم بصدمة: تسنيم مين؟! أختي؟!
يزن: ايوة ي سليم، إيه رأيك؟
سليم: انا كنت فاكر انك بتعتبرها اختك ي يزن.
يزن: سليم متصعبش الموضوع علي انا عمري ما اعتبرت تسنيم أختي.
سليم: انا لازم أخذ رأيها الأول ي يزن.
يزن: تمام ي سليم.. بس على فكرة هتجوزها برضاها أو غصب عنها لأنها مستحيل تبقا لغيري.
سليم بغضب: يزن لاحظ انك بتكلم عن أختي!
يزن: ماشي ي سليم.. عملت إيه مع رقيه؟ هتسيبها تمشي؟
سليم: لا، مش هسمح لها تمشي.
يزن بخبث: ليه؟ بتحبها مثلاً؟
سليم بغضب: يزن إيه اللي بتقوله ده! أكيد مبحبهاش.
في مكان تاني مجهول، شخصين بيتكلموا:
مجهول 1: ايوة انا عرفت إن سليم الجارحي اتجوز.. كده هنقدر نكسره بمراته طالما اتجوزها يبقى بيهتم بيها.
مجهول 2: بس دي هنخطفها إزاي؟
إليك القصة بعد حذف العبارات المخالفة وتنقيتها لتتوافق مع سياسات النشر:
عند سليم بعد ما يزن طلع كان حاطط راسه بين ايديه هو فعلًا متجوزهاش علشان الفلوس بس مش عارف برضو اتجوزها ليه. عند رقيه قامت اخدت دوش وغيرت هدومها وسرحت شعرها. رقيه: طالما مش هيعملي حاجه مضطره البس من الهدوم اللي هو جايبها لحد ما اجيب هدومي. سليم خلص شغل في الشركه وطول الوقت مكنش مبطل تفكير في رقيه ومش عارف ليه، راح للمكان اللي دايماً بيقعد فيه.
