البارت 7
سليم خلص شغل في الشركه وطول الوقت مكنش مبطل تفكير في رقيه ومش عارف ليه، وبعدها راح على الفيلا وطلع أوضته. رقيه كانت نايمه علي الكنبة وحست بحركة فقامت. رقيه باستغراب: سليم مالك؟ سليم قرب منها وكان هيقع وهي سندته، مسك وشها بين إيديه برقة وبص في عيونها. سليم بدون وعي: انتي جميله اوى ي رقيه وبريئه.. هو انتي ممكن تحبيني؟ رقيه قلبها دق من كلامه ومتعرفش ليه، وأكيد مش عارف هو بيقول إيه. رقيه: انت شكلك تقلت في الشرب ي سليم. سليم: اول مره تناديني بأسمي.. بس اي الحلاوه دي! رقيه بخجل: سليم.. رقيه اخدت سليم وحطت راسه تحت الميه علشان يفوق، وطلع قعدته علي السرير وجابت فوطة وابتدت تنشف شعره وسليم كان مركز مع كل حركه بتعملها، فجأة جذبها قعدها علي رجليه وحوط خصرها بايده. سليم: كملي.. وقفتي ليه؟ رقيه بخوف: ممكن تسبني ي سليم؟ سليم: تؤ تؤ مش هسيبك ي رقيه كملي. رقيه بتوتر: انا خلصت ممكن تسبني. سليم بحنيه: ليه عايزاني اسيبك.. خايفه؟ رقيه: ي سليم انت كل تصرفاتك تخوف. سليم مسك وشها بحنيه: قلتلك متخفيش ي رقيه. سليم قرب وشه منها اكتر وباسها برقه لاول مره، رقيه حاولت تبعده عنها وسليم اتمسك بيها اكتر، وسابها لما حاس أنها مش قادره تاخد نفسها. رقيه دفنت وشها في حضنه من الكسوف لأنها كمان تجاوبت معه. سليم: يعني مكسوفه مني ومستخبيه في حضني؟ رقيه بخجل: انا عايزه انام. سليم فرد جسمه علي السرير وشدها لحضنه وناموا. تاني يوم الصبح… كالعاده سليم قام اخد شاور وغير لبس بدله سودا وتحتها قميص ابيض وسرح شعره ورش برفانه، رقيه كانت صاحيه وبتبص عليه وفاكره انه مش واخد باله. سليم: شايفك على فكرة. رقيه بارتباك: افندم.. انا نايمه. سليم بضحك: نايمه ازاي وانتي بتردي؟ قومي. رقيه قامت وكانت مكسوفه. سليم: احم هو اي اللي حصل امبارح؟ اصل تقلت في الشرب. رقيه افتكرت انه مش فاكر اي حاجه من اللي حصلت وحمدت ربنا، بس في نفس الوقت حست بحزن ان كل اللي حصل عمله وهو مش في وعيه وماتعرفش ليه زعلت. سليم: سرحتي في اي؟ انا فعلًا مش فاكر حاجه ممكن اكون ضايقتك. رقيه: لا محصلش حاجه عادي انت نمت علطول. سليم: تمام انا نازل. في الشركه في مكتب تسنيم يزن خبط ودخل. تسنيم: اي اللي دخلك مكتبي انا اصلا مقولتلكش تدخل. يزن بغضب: تسنيم لمي لسانك احسنلك وتكلمي كويس، انا كلمت سليم وجاي علشان اطلبك منه النهارده وانتي هتوافقي والا متلوميش الا نفسك. تسنيم بغضب: انت بتهددني وانا مش موافقه ي يزن وريني هتعمل اي. يزن ببرود: جهزي نفسك ي عروسه، وبصلها وخرج. تسنيم بغيظ: هتشوف ي يزن، مش معني بحبك هسيبك تتحكم فيا. بالليل سليم روح من الشركه بدري طلع اوضته وكانت رقيه بتاخد شاور في الحمام، رقيه مكنتش تعرف انه موجود لانه دخل المكان اللي بيغير فيه داخل اوضته، طلعت وكانت لافه فوطه حوالين جسمها وفوطه صغيره بتنشف بيها شعرها. سليم غير وطلع وهي كانت واقفه سرحانه وبتنشف شعرها قدام المرايه، سليم قرب منها بدون وعي وقف وراها وحوطها من خصرها ودفن راسه في رقبتها. وفجأة.
البارت 8
سليم بتوهان: اي اللي مطلعك كده.. مش معني اني وعدتك اني مش هقربلك تبقا تعذبيني. رقيه بخوف: سليم انا معرفش انك هنا. سليم: تمام قدامك خمس ثواني وتختفي من قدامي والا مش ضامن نفسي الصراحه. رقيه زقته واخدت هدومها ودخلت لبست وطلعت. سليم بغضب: انتي هتنزلي كده قدام يزن؟ رقيه: ليه مالي ي سليم؟ سليم حاول يمسك اعصابه: الهدوم دي ضايقه.. روحي غيري. رقيه: انا مش شايفه في لبسي حاجه ي سليم مش هغير. سليم قرب منها وبصلها نظرة رعبتها وبدون وعي قرب وباسها، وبعد عنها وهو بيلهث ورقيه كانت مكسوفه جدا. سليم بغضب: تحبي انا اغيرلك ي رقيه تعالي. شالها سليم. رقيه بصريخ: خلاص والله هغير بس نزلني.. نزلها وبعدين متعملش فيها جوزي احنا هنطلق. سليم مسكها من دراعها بغضب. سليم بنبرة تحذير: بعد كده لما اقول الكلمة تتسمع ي رقيه انتي فاهمه. وموضوع انا جوزك ولا لا ده هنتكلم فيه بعدين. رقيه هزت راسها بخوف. تحت كان يزن وصل وسليم نزل، وتسنيم ورقيه نزلو مع بعض. سليم بحنيه: تعالي ي تسنيم ي حبيبتي، يزن جاي يطلب ايدك.. اي رايك؟ تسنيم: وانا مش موافقه ي ابيه. سليم: احم تسنيم ي حبيبتي انا برأي انك تاخدي وقت الاول تفكري في الموضوع. يزن بهدوء: لو سمحت ي سليم عايز اكلم تسنيم خمس دقايق بس. سليم: ماشي ي يزن. سليم ورقيه قامو ومفضلش غير يزن وتسنيم. يزن: ممكن اعرف انتي مش موافقه عليا ليه؟ تسنيم: انت اخويا ي يزن مقدرش اعتبرك اكتر من كده. يزن بغضب: انا مش اخوكي ي تسنيم انتي فاهمه وهتوافقي عليا احسنلك. تسنيم: انا قولت اللي عندي مش موافقه.. وبعدين انت فجاءه كده جاي تتقدملي ليه؟ يزن بصلها وكان نفسه يصرخ ويقولها علشان بحبك بس كرامته كانت فوق اي حاجه.. يزن: علشان انا مش شايفك اختي ي تسنيم. تسنيم: امال شايفني اي؟ يزن بصلها بحزن: بعدين هقولك.. قدامك لبكره بليل ويكون الجواب عندي. سلام. تسنيم بصتله بحزن وهو ماشي. تسنيم: ده حتي مش عايز يقولي بحبك.. ماشي ي يزن لازم تتربي. في مكان تاني.. مجهول 1: اعمل حسابك هنفذ بكره. مجهول 2: طب ازاي ده الفيلا كلها حراسه. مجهول 1: انت مش هتدخل الفيلا اصلا استني مني التعليمات. مجهول 2: اوامرك ي بيه بس سليم لما يعرف اننا خطفنا مراته مش هيسبنا. مجهول 1: مين قالك انه هيفضل عايش اصلا.. هقتله. عند سليم ورقيه.. سليم بخبث قرب منها وحوطها من خصرها. سليم: كنتي بتقوليلي اي بقا مش جوزك وهطلقك صح؟ رقيه بخوف: لا لا انا مقولتش كده. سليم حاول يمسك ضحكته علي شكلها: لا قولتي ي رقيه ولازم تتعاقبي. رقيه عيونها دمعت: سليم ارجوك والله ما هعمل حاجه تاني. سليم: تؤتؤ ابدا هتتعاقبي.. قرب وقبلها برقه وحنيه وبعدين بعد عنها: كل ما هعملي حاجه هو ده عقابك. رقيه بصتله بخجل: على فكرة انت قليل الأدب. سليم: تحبي اوريكي بجد؟ رقيه: لالا خلاص سكت انا اسفه. سليم ضحك عليها وقرب منها وشالها طلع السرير وضمها لحضنه بحنان ونام. تاني يوم الصبح.. سليم راح الشركه ورقيه قامت بعده، لقيت موبيلها بيرن برقم غريب ردت.
البارت 9
رقيه بخوف: بابا ماله.. انا جايه حالا. رقيه نزلت جري، تسنيم مكنتش لسه مشيت ندهت عليها ورقيه مردتش وتسنيم طلعت وراها. بعيد عن الفيلا بشويه وقفت عربيه سودا ونزل اتنين واخدوا رقيه. تسنيم طلعت بسرعه ندهت الحراس بس كانو خدوا رقيه. في الشركه عند سليم كان تلفونه بيرن، وفجأة سليم قام اتنفض من علي مكتبه. سليم بغضب: يعني اي اتخطفت وانتو كنتو فين ي شويه بهايم؟ سليم قفل واخد المفاتيح بتاعة العربيه وطلع، يزن كان طالع من مكتبه شاف سليم طالع يجري. يزن: سليم استني.. في اي بتجري كده ليه؟ سليم نزل ركب عربيته ويزن ركب جنبه. يزن: سليم في اي ي بني سوق براحه هنعمل حادثه. سليم بغضب جحيمي: رقيه اتخطفت.. مفيش غيره شهاب الكلب اكيد هو اللي خاطفها. يزن: طب احنا دلوقتي هنروح فين؟ سليم: هروح اجيب مراتي من عنده. سليم كمل طريقه وصل قدام فيلا شهاب ونزل، دخل لقى شهاب قاعد ببرود بيشرب، راحله ومسكه من تلابيب قميصه. سليم بغضب جحيمي: وديت مراتي فين ي شهاب؟ شهاب ببرود: هو انت اتجوزت؟ الف مبروك.. مراتك مين بقا؟ سليم ضربه بوكس ونزل فيه ضرب ويزن حاول يسلك شهاب منه ومعرفش. سليم بغضب: والله لو مقولت مراتي فين لقتلك. شهاب: قولتلك معرفش.. وعلي فكره انا ممكن اقدم فيك بلاغ انك اتهجمت عليا في بيتي. سليم سابه وطلع من الفيلا هو ويزن. يزن: سليم انت لازم تهدا وتفكر طول مانت متعصب كده مش هنلاقي حل. سليم بمراره: اهدي ازاي ومراتي مخطوفه معرفش عنها حاجه.. انا هراقب شهاب اكيد هو اللي عاملها. في اوضه معتمه ابتدت رقيه تفتح عينيها، لقت واحد واقف باصصلها. رقيه برعب: انا فين؟ يا اهلا بمرات الغالي.. لا عرف ينقي سليم. رقيه ببكاء: انت مين وعايز مني اي؟
انا عايز من جوزك مش منك.. الشخص قرب منها ومسك وشها بايده وكمل: اصل بينا طار قديم وهخلصه منه فيكي. رقيه حاولت تفلت بس كانت مربوطه ومش عارفه.
تؤ تؤ متعيطيش.. احنا لسه بنبتدي، بس مش هعملك حاجه غير قدام سليم علشان احرق قلبه عليكي وبعدين هقتله. رقيه تفّت في وشه: مش هتقدر تعمله حاجه. شهاب قرب منها وجذبها من شعرها: مش شهاب اللي واحده زيك تف عليه.. هدفعك تمن اللي انتي عملتيه ده. شهاب زقها ، وبص عليها بقسوة: هذلك انتي وسليم، وطلع من الاوضه.
“هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”
