“صوتك ده حقي أنا بس اللي أسمعه يا جنة، وقريب أوي مش هيكون لحد غيري. صبرك عليا.”
قال جملته وخرج وتركها تنظر له بصدمة وغيظ.
باك.
كان يسابق الريح كلما تخيل أنها ممكن أن تصبح لغيره.
حسنًا، يوجد حل آخر.
أمسك هاتفه وقال بصرامة:
“عادل الشناوي ابن عم جنة، عايزه يطلع رحلة. عايزه يتبسط أوي.”
أغلق الخط وصدره ما زال يغلي. يكفي أنها كانت لأخيه. فرك وجهه بعنف. أين انتقامه؟ لا والله، فليذهب انتقامه إلى الجحيم، لن يتركها لغيره.
وصل الشركة وترك سيارته مفتوحة ورمى المفاتيح لأحد الأمن وطار للمكتب. وصل لها، كانت ما زالت تبكي. اقترب منها يريد احتضانها، لكنها أشارت بيدها تمنعه وقالت:
“لو سمحت.”
هز رأسه ومسح وجهه يهدئ نفسه، ثم قال بحنان:
“احكيلي كل حاجة، ما تخافيش.”
تنهدت وقالت ببكاء:
“عادل ابن عمي متجوز تنتين، وكل ما يشوفني يقولي هتجوزك. أنا قولتله مستحيل. اليوم سمعته بيحكي لأخويا إنه معاه أسبوع، إن ما جوزنيش هيندمه، وأخويا وعده إنه هيجوزني إياه. وأنا بكره أكتر واحد في الدنيا.”
هز رأسه وقال بهدوء عكس غليان صدره:
“ما تخافيش، مش هيحصل.”
نظرت له وقالت بلهفة:
“هتعمل إيه؟”
ياسين بصرامة:
“هتجوزك.”
نظرت له بصدمة ليتابع هو بجدية:
“عشان أقدر أوقف لأخوكي وابن عمك، لازم يكون في رابط بينا. ساعتها ماحدش هيقدر يقربلك.”
قطبت جبينها وقالت بسخرية:
“يا ترى مدة الجواز يوم ولا شهر؟”
نطق لسانه بما في قلبه:
“طول العمر بعقد شرعي.”
سكتت قليلًا عندما لاحظت الصدق في عينيه، لتهتف باستفسار:
“وإيه اللي يضمنلي حقي؟”
ياسين بجدية:
“اللي إنتِ عايزاه. فيلا باسمك، ومهرك اللي إنتِ عايزاه.”
سكتت قليلًا لتقل بتردد:
“وصل أمانة فاضي عليه إمضتك يثبت حقي.”
حسنًا، قالتها هي بسبب خوفها من أن تكون تجربة كباقي الفتيات، لكنه فهم أنها طمعت، وسيكون كأخيه.
خذلان وهدوء مريب كان يخيم عليه، ليحيي انتقامه من جديد. فهز رأسه وقال بهدوء:
“موافق. يلا بينا نكتب الكتاب.”
أوقفته وقالت:
“لازم وكيل.”
نظر لها وقال:
“بس إنتِ كملتي الـ21 سنة، يعني ينفع نتجوز.”
هزت رأسها بالنفي وقالت:
“لا تنكح البكر إلا بولي.”
رفع حاجبه ونظر لها وقال بسخرية:
“بكر؟”
قطبت جبينها وقالت بضيق:
“عندك شك يا أستاذ ياسين؟”
هز رأسه ببرود:
“تمام. مين هيكون وليك؟ أخوكي؟”
“مش هيوافق.”
سكتت قليلًا وقالت:
“سيدي مسافر. كلمه واطلبني منه، وهو هيكون وليي عن طريق فيديو كول.”
نظر لها ولم يفهم وقال:
“سيدك؟”
هزت رأسها وقالت بخجل:
“قصدي جدي، والد بابا.”
هز رأسه بتفهم وقال بجدية:
“كلمي.”
اتصلت به وشرحت لجدها كل شيء. وافق بسبب خلافه مع عادل، رغم أنه جده.
وبعد نصف ساعة كانت أمام المأذون، وتم الاتصال على جدها وكان وليها. لا ينكر سعادته وكأنه لأول مرة يعيش هذه اللحظة، لكنه كلما تذكر طمعها وأخيه من قبل يعود شعور الانتقام له من جديد.
في مكان آخر كان ينظر لصورة خديجة ودموعه على وجهه. احتضن الصورة وهو يتوعد لكل من حرمه منها بأشد العقاب.
أمسك الهاتف واتصل بمريم لمعرفة آخر الأخبار، ثم بأحد الرجال الذي يتابع ياسين.
ضحك بصخب حينما علم بزواج ياسين من جنة. وخطته مشت كما هي عندما طلب من عادل أن يصمم على زواجها منه.
ابتسم بحقد وقال:
“العد التنازلي بدأ يا ياسين. هتتحرم منها زي ما اتحرمت من خديجة، بس بعدها خديجة هتكون ليا.”
أمسك هاتفه واتصل بأحد الرجال المكلفين بمتابعة حبيبته كظلها، ومئات الصور لها تصله، يتمعن بها بالساعات.
“احم يا باشا، في حد في المول بيفضل يضايقها.”
أصبحت عينيه باللون الداكن وقال بفحيح:
“أظن عارف هتعمل إيه.”
أغلق الخط وابتسامة مرعبة ظهرت على شفتيه، وهو يتوعد لكل من يقترب منها.
فتحت عينيها لتجده يجلس على ركبتيه ينظر لها بحب. ابتسمت وقالت بخجل:
“قاعد هنا من إمتى؟”
قبل عينيها وهمس:
“من ساعة، بس مستعد أقعد العمر كله أبصلك يا دلال.”
أخفضت عينيها بخجل ليهمس بعشق:
“قومي عشان مسافرين.”
نظرت له باستغراب ليهز رأسه:
“عايز أستفرد فيكي أسبوع كامل في شرم. شوفت هناك مكان هيعجبك أوي.”
همست بسعادة:
“وشغلك؟”
ضمها بقوة وقال:
“كل الدنيا قدام فرحتك دي ولا تسوى. ويلا بسرعة، مافيش وقت.”
هزت رأسها بسعادة وقامت تجهز. وعندما هبطت السلالم برفقته وجدت والدته تنظر لهم وقالت بضيق:
“رايح فين؟”
فرك وجهه بضيق وقال:
“مسافر أرفه عن نفسي شوية. تعبت من الشغل.”
نظرت له وقالت بابتسامة:
“وماله. يبقى تاخد عروستك الأولى ودلال تبقى هنا.”
أغمضت عينيها بقهر، ليهمس هز بحدة:
“أنا هاخد حبيبتي، مش مراتي. تفرق.”
فاطمة بحدة:
“وأنا قلتلك إنت هتاخد مريم معاك عشان تعرف تجيبلي العيل اللي نفسي فيه.”
اشتد بكاؤها وتركته وركضت لغرفتها، ليصرخ هو بكل قهر:
“حرام عليكي. إنتِ إيه؟ مش بتحسي؟ ده قضاء ربنا. كان ممكن إنتِ تكوني ما بتخلفيش زيها، يبقى تحمدي ربنا، مش تعايري الناس لأنه ربنا خد منك واحد. بلاش ياخد الباقيين.”
قال جملته وذهب لزوجته التي كانت منهارة بشكل كبير. حملها برفق وسافر، سيعوضها عن كل ذلك.
نظرت مريم لحماتها وقالت بغيظ:
“شوفتي المسهوكة مخلياه زي الخاتم بإصبعها.”
نظرت لها وقالت بهدوء قبل العاصفة:
