“إنتِ فاضل قد إيه وتعملي تحليل حمل؟”
ردت بابتسامة:
“الأسبوع الجاي.”
هزت رأسها وهي تفكر بتخطيط آخر.
وصل بها شرم وقال بابتسامة ألم:
“عشاني، انسي اللي اتقال وتعالي نتبسط.”
همست بصوت مخنوق من أثر بكائها:
“خليني أنام شوية عشان أرتاح.”
هز رأسه ودخل بها إلى مكان الإقامة الخاص حتى ترتاح، وهو ينظر أمامه بقلق. ماذا إن حملت مريم؟ هل ستسامحه دلال؟
قضى برفقتها عشرة أيام أذاقها من السعادة ألوانًا. كان يتفنن في إسعادها، لكن هل تدوم السعادة؟
صلوا على النبي.
“أنا بقول نحدد فرحنا، إيه رأيك؟”
أحيانًا معرفة الأمر الواقع والتعايش معه يكن أصعب من أي ألم.
أغمض عينيه يفكر كيف سيقترب منها، وكيف سيتزوج. همست بضيق:
“مراد، في إيه؟ كل ما نتكلم بموضوع فرحنا بتتسهم كدة.”
رسم الابتسامة على وجهه وقال:
“لا، بس دي خطوة جدية ومسؤولية، عشان كدة بقلق شوية.”
هزت رأسها:
“طيب إيه رأيك آخر الشهر؟”
ابتلع ريقه وقال:
“إحنا آخر الشتاء والدنيا برد أوي، خليها عالربيع. الجو حلو بالربيع للفرح.”
سكتت قليلًا تفكر، ثم قالت بابتسامة وحماس:
“فكرة حلوة أوي. طيب بص، أي قاعة حلوة فيهم؟”
نظر للصور وقال بصوت خافت:
“اختاري إنتِ، أنا واثق في ذوقك.”
ابتسمت بسعادة:
“طبعًا ذوقي حلو، مش اخترتك؟”
شعر بتأنيب ضمير، لكن ليس على العاشق حرج. ليس بيده، يقسم أنه يحاول، لكن قلبه يرفض حتى المحاولة.
خرجت من مكتبه، وبعد قليل دخل صديقه مؤمن الذي همس بابتسامة:
“شكلنا هنبارك قريب.”
ضيق عينيه وقال بغيظ:
“مالك؟ مش باين من الصبح ترذل علينا.”
تنهد وقال بغيظ:
“تصدق جتني بنت ما كملتش 15 سنة، وكان عندها مشكلة صحية، كتبت لها علاج مناسب. البنت صغيرة أوي، لا قد المسؤولية ولا التربية. دي مشكلة كبيرة، إزاي أهلها يرضوا بحاجة زي دي؟”
مراد بضيق:
“فعلاً. أنا جتني خلال الشهر ده 3 بنات صغيرات في ظروف صعبة، وبنت تانية حماتها جاية عايزة تعرف سبب تأخرها في الإنجاب. كنت هتعصب جدًا.”
كان مؤمن لا يزال ساكتًا. ضيق مراد عينيه وقال:
“في إيه؟ حصل حاجة؟”
تنهد مؤمن بضيق وقال:
“كانت معاها أختها، بنت كدة في آخر العشرينات، وأنا تعصبت عليها من غيظي وفضلت تعيط وتعبت جدًا. اتضايقت من نفسي إني كنت سبب في زعل بنت، ومشيت وهي كدة، ولغاية دلوقتي متضايق من نفسي.”
رفع مراد حاجبه وقال بشك:
“أمممم، ويا ترى كانت حلوة؟”
نظر له مؤمن وقال:
“هي مين؟”
ضحك مراد وقال بمكر:
“أختها.”
ابتسم مؤمن حينما تذكر ملامحها وبراءتها، كأنها طفلة في السادسة من عمرها.
وصل فيلا له وهي بجواره، وكل المشاعر تسيطر عليه، لكن شعور العجز هو الشعور الأقوى.
عجز بسبب حب توغل في جسده كالمرض، وهي لا تستحقه، فتاة طمعت به وبأخيه.
دخلت فيلته وهي ترتجف خجلًا وخوفًا، نعم خائفة.
همس بهدوء:
“كلمي مامتك، فهميها إنك مسافرة شغل.”
هزت رأسها واتصلت بها تخبرها بعمل طارئ.
بعد قليل دق الباب، فتحه وأخذ من أحد رجاله أوراقًا وأكياسًا كان بها طعام.
مد لها الورق وقال بهدوء وملامح جامدة:
“ده عقد الفيلا، وده وصل الأمانة، وده شيك فيه مهرك.”
أخذت منه الأوراق وهي ترتعش خوفًا. نظر لها قليلًا يتأملها، ثم همس:
“أنا همشي دلوقتي. إن احتاجتي حاجة كلميني.”
أمسكت يده وقالت بلهفة وقلق:
