الفصل الأول
أكبر خطأ يصدر منا حين نكون كالكتاب المفتوح
فيقرأنا كل من اقترب البعض يستهين بتلك السطور
والبعض يسيء الفهم والبعض لا يفهم أبدا
فلا تغضب حين يمزقك من لا يحسن قراءتك
فأنت من ارتضيت أن تكون له كتابا مفتوحا
فاحتفظ دائما بجزء منك لنفسك
حدقت روز من النافذة في حركة المرور السريعة بين المباني البنية والرمادية الكئيبة العالية وكان لونها يعكس الانقباض الذي أثقل كاهل الفتاة وأفلتت منها تنهيدة خاڤتة وهي تترك الستارة لتستقر مكانها وتستدير لمواجهة الرجل المسن الجالس خلف المكتب
أستاذ فؤاد كنت صديق لبابا وتستطيع أن تفهم الوضع أكثر من أي شخص آخر ليه المزرعة هتتباع بكرة محتاجة تفسير منك أنت على مدار عشرين سنة كنت المحامي بتاع العيلة وماسك كل حاجة تخص أملاك بابا الله يرحمه ليه فجأة كده اتغير الحال معقول كل حاجة تروح في لمح البصر حضرتك مدرك حجم الکاړثة أنا بكره هكون في الشارع بكرة بعد ما المالك الجديد يوصل مش هلاقي حتة أروح فيها أنا معنديش حد.
أمي ماټت وأنا صغيرة وأبويا كمان هو كمان سبني لوحدي.
تنهد المحامي بضيق وقال بأسلوب يائس
ده السبب إني جبتك دلوقتي يا روز إنك تعيدي التفكير في أسلوب حياتك. كوني محامي والدك وأقرب أصدقائه حبيت أعرفك إن حياتك الجاية هتختلف تماما لكن على موضوع هتقعدي فين أنا حاطط شرط للي هيشتري المزرعة إنه يسيب ليكي المبنى الصغير اللي في آخر المزرعة.
ضحكت روز بسخرية وقطعت كلامه قائلة
قصدك مبنى الخدم والعمال اللي كانوا بيشتغلوا عندنا في الأرض
اسمعي يا روز أي حد مكانك لازم يوطي للريح لحد ما تعدي. انتي دلوقتي مش روز البنت الغنية اللي كل حاجة تحت رجليها لا الوضع اختلف. لازم كبريائك ده يهدأ خالص وترضي بالأمر الواقع. عارف إن ۏفاة شخص عزيز تتطلب من الإنسان التكيف رغم صعوبة ذلك. لكن انتي حتى معندكيش رفاهية الحزن على والدك. عنادك وكبريائك لازم دلوقتي تسيبيهم على جنب. كنت دايما مستقلة لدرجة العناد علشان كده أنا مش شايف إصرارك على ډفن نفسك في الريف. لو مش عاجبك الوضع وإنك تقعدي في بيت العمال سيبي المزرعة وحياة الريف كلها وانزلي للمدينة. انتي دكتورة وبشهادتك هتشتغلي.
ومن الفلوس اللي هتتبقي من بيع المزرعة أجري شقة صغيرة ومن شغلك ادفعي إيجارها.
نظرت له روز نظرة عميقة وشرد عقلها
كيف لهذا الكائن أن يكون صديق والدها من زمن كيف لكل هذه المدة التي قضاها معهم لم يظهر وجهه الحقيقي كيف قدرته على ارتداء قناع الصداقة والحب لوالدها كل هذه المدة وكيف لم يلاحظ والدها هذا القناع
ظلت تتساءل نفسها إلى أن قطع حبل تفكيرها صوت المحامي وهو يقول
ها يا روز فكرتي هتعملي إيه هتقعدي ولا هتسيبي المزرعة وحياة الريف وخدي بالك من حاجة قبل أي قرار تاخديه اعملي في اعتبارك إن لسه وصية والدك ما تفتحتش. أنا بس منتظر المالك الجديد يستلم المزرعة وبعدين هفتح الوصية.
نظرت له نظرة ذات معنى تجعله يفهم سبب اضطرارها للذهاب. لقد احترم أبوها هذا الرجل ووثق به كما لم يثق بأحد في حياته.
أبوها… وقفت الكلمة في حلقها ونظرت إلى ثوبها الأسود ويديها المعقودتين بشدة في حجرها.
ټوفيت والدتها بعد مولدها بفترة قصيرة تاركة لزوجها مهمة تربية طفلتهما بكل ما في هذه المهمة من غرابة ومشقة.
ولأن رحل هو أيضا تاركا إياها بمفردها.
حاولت أن تمنع دموعها المنهمرة ورفعت عينيها لتلتقي بنظرة المحامي الحانية. وغامت عيناها البنيتان من الدموع الموشكة على والتوت شفتاها في ابتسامة باهتة
متشغلش بالك أستاذ فؤاد لسه مقررتش هقعد هنا ولا هسيب كل حاجة. أول ما أقرر هبلغ حضرتك على طول.
واتجهت نحو الباب قائلة وهي شاردة
بس في حاجة محتاجة أفهمها قبل ما أمشي إيه علاقة المالك الجديد بفتح الوصية عمتا حضرتك تشكر لحد كده الجاي بقا ده بتاعي أنا. بعد إذنك اتأخرت.
رفع حاجبيه بتذمر قائلا
كل حاجة في وقتها حلوة يا روز خلي فتح الوصية في وقته. ولكن تفتكري إنك مازلت شابة صغيرة في العشرين والناس مبترحمش وإنك لوحدك خلي بالك من نفسك كويس يا روز علشان الجاي صعب ومش هتعرفي تصدي.
غير إني سمعت إن اللي اشترى المزرعة حوت في السوق وانتي جنبه سمكة صغيرة.
نظرت له نظرة تفحصية وهزت رأسها وتركته ورحلت من المكتب وهي تحدث نفسها عن مدى استفزاز هذا الكائن.
دخلت روز مزرعتها للمرة الأخيرة والحزن يكسي كل معالم وجهها فهي أفنت نفسها في تلك المزرعة كانت تعمل بها مثل أي عامل لم يكن أحد يقدر أن يفرق بينها وبين عمال المزرعة. كانت تعشق العمل بيدها وكانت تعتبر المزرعة هدفها الوحيد كانت تود أن تكبرها ولكن انتهى الحلم سريعا فغدا سوف تؤخذ منها.
بدأت روز تمر على كل قسم في المزرعة فهي كانت مقسماها أقسام.
وقفت عند إسطبل الخيل واستنشقت نفسا طويلا ثم دخلت لتجد استقبالا حافلا من قبل الحصان الخاص بها.
كانت تعشق هذا الحصان فقد أهداه لها والدها في عيد ميلادها السابع وكبرا سويا.
أطلقت عليه اسم ريحانة.
نظرت روز للحصان وانهمرت الدموع من عينها فقد احتبستها أكثر من اللازم اڼهارت روز من شدة البكاء ثم رفعت عينيها تنظر لمحتويات المكان وكيف لكل ركن فيه ذكرى سعيدة لها وكانت لا تعلم أن الذكريات السعيدة أشد ألما من الحزينة.
تنهدت بحزن لاجتيازها أولى المراحل قد تكون أصعبهم ولكنها على يقين أنها سوف تمر.
ولكن النور الآتي من النافذة شد نظرها إلى ذلك الحقل الممتد بلا نهاية وكأنه ينسج أمامها كل أحلامها ويخبرها بأن أحلامها تاهت إلى ما لا نهاية.
خرجت روز من الإسطبل تجر قدميها دخلت فيلتها تجمع أغراضها وتنقلها إلى الغرفة الموجودة آخر المزرعة وعقلها يفكر في هوية المشتري.
فغدا سيأتي المالك الجديد ولا تعلم عنه شيئا.
تمنت من الله أن يكون رجلا مسنا لكي يترك لها حرية التصرف في أي شيء حتى لا تشعر بالغربة في بيتها.
ولكن تأتي الرياح بما لا تشتهي السفن.
وفي الصباح أبدلت روز ملابسها وذهبت لعملها المعتاد في المزرعة فهي دكتورة بيطرية وهذا من صميم عملها أن تراعي جميع الحيوانات.
لاحظت حركة غير معتادة في المزرعة يبدو أن المالك الجديد قد وصل فعلا.
ذهبت مسرعة لتستكشف هوية المالك.
وقفت بجوار عمود تتلصص النظر شاهدت سيارة ضخمة من أغلى الماركات يجلس على عجلة القيادة شاب مفتول العضلات في الثلاثين من عمره وبجواره سيدة في العقد الرابع من عمرها وتبدو على ملامح وجهها الحدة وفي الخلف تجلس فتاة في أواخر العشرينات.
نزل الشاب من السيارة وأنزل الكرسي المتحرك وحمل الفتاة ثم وضعها عليه.
وقفت روز تسترق النظرات وتحاول التدقيق في الشاب لكي تستشف من نظرات عينيه أي شيء يدل على شخصيته ولكن كانت ملامحه خالية من أي تعبيرات ولكن يوجد بعينيه قسۏة ممزوجة بحزن.
تنهدت روز وذهبت لإكمال أعمالها وقلبها يرتجف من الذي سوف يأتي والمؤشرات تدل على أنه ليس بخير.
دخل عاصي فيلا المزرعة وهو
همست هبة پغضب
سوقية وبيئة معرفش بيجيبوا الأشكال دي منين.
رفعت روز حاجبها وقالت
خير قلتي حاجة يا سكر أصلي ما سمعتش.
قطع حديثهم جرس الباب دخل فؤاد المحامي وعلى وجهه نفس الابتسامة الثابتة.
دخل عاصي وروز غرفة المكتب وأغلقوا الباب خلفهم.
وفي الخارج قالت هبة پغضب
هي مين البنت السوقية دي يا خالتوا ما عندهاش ذوق وازاي عاصي بيتكلم معاها عادي كده ما شافتش أتيكيت في حياتها.
ضحكت خالتها وقالت
واحدة فلاحية يا هبة منتظرة منها إيه عايشة وسط الأرض والتين. هتكون لابسة إيه ولا رايحة عندها عرض أزياء
قالت رنا بقرف من نظرة هبة الطبقية
دي صاحبة الهالوما اللي إحنا قاعدين فيها اللي مش عاجباكي دي يا هبة. دي الدكتورة روز بنت عم رضوان صاحب المزرعة اللي باعها لعاصي قبل ما ېموت.
وقامت هبة واقفة وقالت بعدم تصديق
لا بتهزري يا رنا دي دكتورة مستحيل! مش شايفة شكلها عامل إزاي ومبهدلة كده.
قالت رنا
بطلي سطحية هبة. روز دكتورة بيطرية هي اللي عملت المزرعة دي كلها لوحدها وهي اللي بتراعي كل الحيوانات. بطول ما حدش فينا يقدر يعمل اللي بتعمله.
قالت هبة بسخرية
آه يعني دكتورة حيوانات عشان كده شكلها كده طول النهار عايشة مع البقر والماعز.
قالت رنا
يا هبة الكلام معاكي خسارة. بجد الواحد مهما يشرحلك مش هتفهمي. إنتي معاك شهادة إيه وصلت لإيه في التعليم عشان تفضلي تبصي للناس بالمنظور ده مفيش مشكلة أشرحلك.
وفجأة أوقفا رنا وهبة عن الكلام والټفتا نحو الصوت الصاعد من غرفة المكتب.
فتح الباب بشدة وخرجت روز تصيح وتتحدث مع نفسها ثم خرجت من الفيلا وصفعت الباب خلفها بشدة.
وقف عاصي بنفس حالة الڠضب وهو يوجه كلامه للمحامي
ده جنان اللي بيحصل ده جنان محدش هيوافق على الكلام الفارغ ده.
رفع المحامي حاجبيه وقال بهدوء
والله القرار معاكم وأنا تحت أمركم في أي حاجة هتخدوها.
خرج المحامي من الفيلا وعين عاصي تتابع خطواته وهو يتنفس پغضب.
أغلقت الفيلا خلفه والټفت عاصي ليرى الجميع ينظرون إليه.
اقتربت والدته وعلامات الاستفهام على وجهها
خير يا عاصي روز خرجت من جواها وصوتها عالي ومش سلمت. وإنت طالع مش طايق نفسك إيه الوصية اللي وصلتك أكيد مش زي ما كنا متوقعين لأن روز كمان مش عاجبها المكتوب.
وقفت هبة وقالت
مش فاهمة وصية إيه وروز دي مين أصلا
أجابت رنا بتهكم
روز بنت عم رضوان صاحب المزرعة والدها كان عليه ديون كتير قبل ما ېموت. عشان ما يسيبهاش فاضية باع المزرعة لعاصي بشرط في العقد إنه ما ينتقلش له الملكية إلا بموافقة على شرط في الوصية.
قالت هبة متعجبة
إزاي عاصي يمضي على الكلام الفاضي ده
رد عاصي جالسا بضيق
فعلا مضيت من غير ما أبص على كل الشروط.
قالت الأم پغضب
ما تنكريش إن رضوان خدعك وخلاك تمضي وانت مش فاهم.
زفرت هبة وقالت
مش مهم مين خدع مين المهم الشرط ده إيه
عم الصمت واتجهت كل الأنظار لعاصي الذي وضع يده على رأسه ونظر للأرض مشوشا.
قالت الأم
مش وقت شرود قولي لنا الشرط اللي خلاك متضايق.
ضحكت رنا بسخرية
يمكن عايز يزوجكم! نكتة الموسم.
ردت الأم پغضب
رنا قولي كلام معقول.
ردت رنا
أنا بهزر بس ليه لأ روز أحسن من كتير. مش لازم ننسا أصلنا.
قالت الأم
مش ناقصنا مشاكل اسكتي لحد ما نعرف الشرط.
ضحكت رنا وقالت
مش عاجبك خلاص هاعيش على أمل المشي.
قال عاصي
أنا مستعد أعمل أي حاجة عشان المزرعة.
قالت الأم پغضب
رجع لها المزرعة هي حرة وديون أبوها عليها.
قال عاصي ساخرا
وأسيب حلمي لا ده مش ممكن.
وفي نفس الوقت روز كانت غاضبة ومصډومة مما قرأته في الوصية تتحدث مع المحامي فؤاد على الهاتف.
قالت
