امي تزوجت وليلة دخلتها كانت

ليلة العمر
عارفين لية سمهوها
ليلة العمر …
لانها ليلة …
اول مرة في كل حاجة
اول شعور بالسكينة …
اول شعور بالاستقرار …
عشان كده
اطلقوا عليها ..
ليلة العمر
وطبعا العادي ان الليلة دي بتترك اثر جميل في النفوس
علي اساس انها بتكون اجمل ليلة في العمر
لكن….
ليلة العمر
الي انا جاية احكيلكم عليها في الرواية بتاعتي
مش كده خالص
بالعكس ….
دي كانت من اسوء اليالي
الي تركت اثر سيئ
في ذاكرتي… علي الاطلاق
شوفتوا الي انا قولتوا في المقدمة عن لية العمر …انسوه
وتعالوا بقي اوصفلكم
ليلة العمر الي في الرواية دي
طبعا انتوا ممكن تكونوا اتسرعتوا و فهمتو…ااني بتكلم عن ليلة زفافي انا
لا لا لا
انا عمري تجاوز ال ولسة محدش اتقدملي
ويبدو اني مش هتجوز خالص
زي ما امي بتقول
اصل لوني اسمر غامق وشكلي مش حلو اوي
انما امي…بيضاء وجمالها صارخ…وتبان اصغر مني في العمر كمان
عشان كده عرسانها كتير
المهم…
ليلة العمر الي جاية اصدمكم بتفاصيلها
تبقي …ليلة العمر بتاعة امي
او…ليلة زفاف امي
علي عريسها
الي معرفش هي اتعرفت علية ازاي …
ولا جابتة منين
في الليلة دي
كنت قاعدة في غرفتي
وانا عارفة ان امي بتحتفل هي وعريسها بليلة العمر
خرجت من غرفتي
بعدما فقدت اعصابي
وقررت اوقف المهزلة الي بتحصل دي
مهو برضوا لازم امي وجوزها يفهموا
انهم مش لوحدهم في البيت
وفعلا…
خرجت من غرفتي وانا في منتهي الغضب
واتوجهت لغرفتهم
لكن…
اول لما خرجت من غرفتي
اتفاجئت بخالتي سعاد
وهي بتتصنت علي الباب بتاع امي من بره
واستغربت من امر خالتي
اصل خالتي سعاد مش عايشة معانا علي الدنيا اصلا
لان حياتها كلها مع الأوهام والخيالات
الي هي بتتكلم معاهم ليل نهار
زي المجانين
لغاية ما بقت كل تصرفاتها كلها جنان في جنان
المهم ..
لما شوفت خالتي سعاد
وهي واقفة ورامية ودانها علي باب امي وعريسها
اتعصبت عليها
وقلتلها..
انتي ازاي تقفي تتلصصي علي امي
يا خالتي
فا تمتمت خالتي وهي بتبص بجانبها وكأنها بتكلم شخص مش موجود
وفضلت تهرتل بكلمات مش مفهومة
وبعدها ..بصتلي
وقالتلي…
لازم الحق الديك قبل ما ينقر الفرخة
فازاد غيظي من خالتي
الي بدات تلخبط في الكلام
وسألتها تاني پغضب
وقلت…
بقولك اية
سيبك بقي من الشويتين الي انتي بتعمليهم دول
وجاوبيني
…
لية بتبصي علي الناس من بعيد
فا ردت خالتي
وقالتلي…هو انتي مش مصدقة…
اني واقفة هنا عشان كنت خائفة علي الفرخة
من الديك
قلت…لا مش مصدقاكي طبعا
ومتأكدة انك كنتي واقفة عشان تبصي عليهم وهما جالسين
في اللحظة دي
قبضت خالتي سعاد علي ايدي بقوة…
وبايدها التانية فتحت الباب علي امي وعريسها
وجرتني غصب عني لداخل الغرفة
وفي الاخر…
دفعتني بكل قوتها
بداخل غرفة العرسان
وبعدما بقينا انا وخالتي في الغرفة
اشارت خالتي سعاد علي سرير العرايس
ولقيتها
بتقولي ..
اهو يا ستي عريس امك
ولما بصيت علي السرير استغربت
اصل العريس مكنش علي السرير
وكل الي شوفتة في الغرفة
وعلي السرير….
هي ماما فقط
لكن لاحظت ان ماما كانت ماسكة في ايديها طير ساكن
والطير كان من الطيور الي بتتربي في البيت
و تحديدا كان ديك بعرف احمر
واول ما امي بصت علي الديك
الي في ايديها واتاكدت انه سكن
رمته علي خالتي
وفضل الديك الساكن بحوزة خالتي
فا فضلت ادور بعنيا في الاوضة علي العريس عشان اعتذرلة
لكن …ملقتوش
فا قلت لنفسي
يمكن العريس في الحمام..
وبسرعة اعتذرت لماما
وقلتلها…
معلش يا ماما
اصل خالتي هي الي فتحت الباب عليكم
فجائة ….
عموما …
انا هاخد خالتي وهنخرج حالا
وانتي ابقي اعتذري لجوزك علي الي حصل ده
فا بصت امي للديك الي كان ساكن علي ايد خالتي
وقالت…
ويفيد باية الاعتذار
ما خلاص سكن
فا وقفت ابص لامي وانا مستغربة
وقلت…هو مين الي سكن
انتي بتتكلمي عن مين
فا ردت ماما
وقالتلي
بتكلم عن العريس الي سكن
فا فضلت واقفة بدون ما تكلم
وكنت بحاول اركز يمكن افهم حاجة
فسالتها
تاني
و قلتلها ..
انتي بتتكلمي جد
يعني جوزك الي كان معاكي من شوية سكن فعلا
طب هو فين
فا ردت خالتي سعاد
وهي بتشاوعلي الديك الي في ايديها
وقالتلي..
جرالك اية يا بت
مهو العريس في ايدي اهوه
في اللحظة دي
زادت دهشتي
وقلت..ماما هو في ايه
ما تقولوا كلام عاقل بس عشان اقدر استوعبة
وبدل ما ماما ترد عليا
وتفهمني الالغاز الي بسمعها…
لقيتها صرخت وهي بتبص لخالتي سعاد
وفضلت تلطم
فا حاولت اهدي امي عشان تفهمني الي بيحصل
وفعلا…
بمرور الوقت هديت امي
تماما
وبعدما امي اتمالكت اعصابها
قعدتني جنبها
و فهمتني حقيقة الجنان الي احنا فيه دا كلة
وبمجرد ما سمعت منها الحقيقة البشعة
ارتعبت وخرجت اجري علي غرفتي
واتدفست في سريري
لكن…حتي وانا في سريري كنت مرعوبة وجسمي كلة كان بيتنفض
فا خرجت من غرفتي
وحاولت اهرب من جو البيت المرعب
فا نزلت تحت علي الجنينة الكبيرة
الي محاوطة بيتنا
وبجانب اقرب شجرة قعدت افكر
في البلاوي المفزعة الي عرفتها الليلة دي
واشوف هعمل اية وهتصرف ازاي
طبعا انتوا كده تهتوا مني ..
وزمانكم مش فاهمين حاجة
وعايزين تعرفوا امي قالتلي اية
ثواني..
هسردلكم قصتي كلها
بالتفصيل
وهعرفكم السر الي امي قالتهولي
بس خلوني اعرفكم بنفسي
في الاول
انا اسمي الحقيقي ريم
بس بينادوني
بحسنة البيت
ببلغ من العمر 25 سنة
شكلا..
عادية وجسمي حلو
لكن سمرة لدرجة السواد
عايشة في القاهرة
معايا مؤهل متوسط

ابا مطلق امي من زمان ومعرفش عنة حاجة
عايشة حاليا مع امي
واتنين من الخالات .
ودلوقتي بقي اقدر اسردلكم
روايتي بالتفصيل
حكايتي بتبدء
من يوم ما جدتي المؤمنة بالخرافات
ام امي
قررت تجذب خالتي سعاد لعالم الوهم و العفاريت
وتعلمها الشغلانة علي اصولها
اصل جدتي
كانت
متعمقة في المجال ده
وتقدروا تقولوا كانت بتتكسب منه
او..بتاكل منة عيش
المهم…
خالتي سعاد دخلت فعلا للمجال واتمكنت منه
وبقت تقدر علي ترديد كلام غريب
في الوقت ده …
كانت امي اتطلقت من ابويا بعدما خلفتني بكتير
وكمان كانت جدتي كبرت في السن وعقلها بدء يخف
وبدات جدتي تؤذي الجميع حتي بناتها
ولما خالتي سعاد شافت ان جدتي بتتصرف بدون وعي… وهتأذي الجميع
حاولت تسيطر علي تصرفاتها
و تقنعها بانها كبرت ولازم تعتزل المجال
فا رفضت جدتي طلبها رفضا قاطعا
فما كان من خالتي سعاد الا …انها اتفقت مع اخواتها البنات الاتنين
انهم يواجهوا امهم وېهددوها بانهم
هيحجروا عليها
وفعلا ..وقفوا الثلاث بنات امام الام
وهددوها با اقامة دعوي الحجر عليها او ايداعها مصحة أمراض
لكن ده مخلاش جدتي تتراجع
بالعكس موقفهم ده جننها اكتر
وخلاها تبيع كل ما تملك في السر … وتاخد مالها الي شقيت بية طول عمرها وتختفي
عشان بناتها يعلنوا افلاسهن
ويموتوا من الجوع
وياريت جدتي اكتفت بكده وبس
لا…
دا جدتي قررت تستعين بجميع خدامها من الوهم
عشان تعاقب بناتها
قبل ما تختفي
وفعلا صب الوهم غضبها
علي بناتها الثلاثة
امي واخواتها الاتنين
والمشكلة كانت بتتمثل
في …
حرمان بناتها الثلاثة من الزواج
طول العمر
واي عريس هيرتبط بواحدة فيهن هيتحول لديك
قبل ما ينقر الفرخة
زي ما خالتي سعاد قالتلي
والمشكلة دي هتفضل تلاحقهم طول العمر
و اي واحدة من بناتها هتفكر تتجوز
هتكون بتحكم علي العريس بالرحيل
فا في الحالة دي
الثلاث اخوات هيتقلبوا لثلاث فرخات وينتهي امرهن
يعني الي هتتهور وتعمل حاجة كده ولا كده
هتكون سبب في رحيل الاتنين التانين
بصراحة خالاتي الاتنين سلموا بالامر الواقع
وامتنعوا عن الجواز
انما امي…
قالت تستثمر الموقف لصالحها
فا لما عرفت بان جوازها من اي عريس هيتسبب في رحيله
قررت امي انها تستغل الوضع ده
لجني المال
وخصوصا اننا مكنش عندنا مصدر دخل
فا بدات امي تبحث عن
اي شخص يكون غني
ثري
و ترمي شباكها علية
لغاية ما يتعلق بيها وبعدها تتجوزة
واول ما يرحل ترثه
وبعد عدتها ما تخلص تشوف حد غيرة وهاكذا
ومن الميراث الي امي بتطلع بيه
بقينا من الاثرياء
وانا طبعا مكنتش فاهمة الصدفة الي بتوقع امي في عرسان اثرياء علي مشارف الرحيل
لكن فهمت كل حاجة لما امي صارحتني بالحقيقة
المهم ..
دلوقتي احنا كلنا ساكنين في برج
في مكان راقي وحوالية جناين
والحالة متيسرة
وبالنسبة لخالتي سعاد
فا كانت بتعترض علي زواج امي …
عشان تطمن بنفسها
وبصراحة معرفش خالتي جهاد مجتش لية من المستشفي
عشان تطمن هي كمان
ولا يمكن عشان خالتي بتختلف

عن اخواتها الاتنين
فعلا صدق الي قال…
ان البطن قلابة
اصل الثلاث اخوات
عكس بعض تماما
فا مثلا
الشيخة سعاد
…عايشة مع الأوهام والخيالات الكثيرة جدا
وموضوع الجواز مش في دماغها
انما بقي خالتي الدكتورة جهاد
فا كانت بتستنشق العلم وبتعيش من خلالة
يعني العلم والطب كل حياتها
وافنت عمرها كلة في الدراسات العليا والدكتوراه وخلافة
وتقدروا تقولوا وهبت نفسها للعلم لغاية ما كبرت
ومبقاش حد بيتقدملها
يعني برضوا موضوع الجواز مش في حسابتها
وبصراحة خالتي الدكتورة
مش راضية علي تصرفات اخواتها …
وديما علي خلاف مع خالتي الكبيرة
دي كمان بتحاول تعتزلهن وتبعد عنهن
عشان كدة لازم استعين بخالتي جهاد
واطلب منها انها تمنع امي ع
واكيد هي هتقبل تساعدني او او علي الاقل هتقولي اتصرف ازاي
وبمجرد ما جتني الفكرة
قومت بسرعة من مكاني في الجنينة
وكنت ناوية اتوجه لبيت خالتي الدكتورة
لكن…قبل ما اخرج من حديقة المنزل
اتفاجئت با اتنين من الرجال بيوقفوني
وواحد فيهم سألني
وقالي…انتي ساكنة هنا في البرج ده
قلت ..ايوه
قال…معلش مش هينفع تخرجي من هنا قبل ما نلاقي شنطة الفلوس
قلت…فلوس اية
قال…شنطة عابد بية ضاعت…
وفيها مبلغ كبير من الدولارات واوراق مهمة
قلت ..يطلع مين عابد بية ده
قال…عابد بيه ده يبقي
صاحب البرج الي حضرتك واقفة في الجنينة بتاعتة
دلوقتي
والبية كان هنا في الجنينة بيعمل مكالمة
ومعاه الشنطة الي فيها الفلوس…
وللاسف خرج ونسي الشنطة في الجنينة
فا هزيت كتافي
وقلت..طب وانا مالي بشنطة البية بتاعك
فا رد عليا ..الرجل
بقلة زوق
وقالي….

طب معلش بقي مش هينفع تخرجي من الجنينة قبل ما عابد بية يجي
في اللحظة دي
انا كنت في قمة الغضب
وكان فيا الي مكفيني
فا انفجرت في الرجل
وقلتلة…شنطة مين يا ابو شنطة
انت اتهبلت يا جدع انت ولا
هبت منك
انا هخرج من الجنينة
ولو اعترضت طريقي قسما عظما
لا امسح بكرامتك الارض
انت والسيد الي مشغلك
ولما لقيت الراجل خاف من صوتي وتراجع للخلف
تعمدت اني اعلي في الاداء
ونزلت قلعت الي في رجلي وكنت رايحةاضربة بال…..
لولا اني سمعت صوت حنين

بيتسال بحسم
وبيقول…في اية يا بدير
اية الي بيحصل هنا ده
في اللحظة دي
بصيت با اتجاه الصوت

وشوفت ادامي شخص جديد
والشخص ده كان شاب زي القمر
شياكة اية… ووسامة اية

اول ما شوفتة… افتكرت بطل فيلم تايتنك
الي كان اسمة جاك
بس الفرق الوحيد
ان الشاب ده كان ملتحي ولابس طاقية من بتاعة الصلاة
يظهر انة متدين
فسالتة پغضب
وقلت…انت مين
انت كمان
فا رد الشاب
وقال…انا السيد الي مشغلة
فا رد بدير
وقال…مفيش حاجة يا عابد بية
قلت…عابد بية
يعني الموضوع كده كبر
بصراحة اول ما شوفتة …
جاي وبيزعق
افتكرتة جاية يمسخرني علي الي عملتة في رجالتة
فا اتسمرت في مكاني
وانا بفكر ازاي هتخانق مع شخص بالشكل دا
لكن الغريبة…
اني اتفاجئت بالشخص
القمر ده
وهو
جاي يعتذرلي عن الي رجالتة عملوه معايا
ولقيتة جاي بيلقي عليا التحية بايدة
وبيقولي ..
السلام عليكم
انا عابد الجوهري
جارك هنا في البرج
ساكن في الدور الخامس
وبعتذر عن الي حصل من رجالتي
فا بصتلة بتأمل
وانا بفكر بيني وبين نفسي
وقلت…الدور الخامس ده نفس الدور الي انا ساكنة فيه
معقولة الكائن ده ساكن قصادي وانا معرفش
وبسرعة فوقت لنفسي
وقلت..جري اية يا ريم
انتي هتاكلي من الرقة المصطنعة دي ولا اية
دا رجل اعمال…
يعني اكيد بيلعب بالبيضة والحجر
واكيد لقي الشنطة الي اتهموني فيها…
ومحرج من الي عملوه رجالتة
معايا
عشان كده خائف لاعملة فضيحة
فا جاي يعتذر
فا اقتربت منه
و سالتة…
قلت..انت لقيت الشنطة
قال..لا
قلت..امال بتعتذر لي لية
اقصد…..
اقصد ..لية رجالتك مش متربين… وزوق زي حضرتك
فا ابتسم عابد
وقالي.. اوعدك انها مش هتتكرر تاني
ومحدش منهم هيدايقك بعد كده
وارجوكي تقبلي الاعتذار
فا هزيت راسي
وقلت…تمام …
خلاص مش زعلانة
في اللحظة دي
اصدر عابد بية لرجالة امر بالانصراف
وبعدما اخد رجالة وانصرف
فضلت واقفة لوحدي في الجنينة وانا بفكر في جارنا القمر الي طلعلي فجاءة
وفي عز ما كنت سرحانة سمعت
رنين موبيلي
فا بصيت علي رقم المتصل
لقيتها خالتي الدكتورة جهاد
فا رديت وقلت
ايوه يا خالتوا
فا ردت خالتو جهاد
وقالتلي ..تعالي حالا يا حسنة البيت عشان عايزاكي
قلت…حاضر هجيلك حالا
انا اصلا كنت جايالك
وفعلا روحت لخالتي جهاد
وسردتلها كل الي عرفتة من امي
فا طبطبت عليا خالتي
وقالتلي…امك قالتلي انها صارحتك بالحقيقة
وعشان كده انا طلبتك دلوقتي
قلت…خير
قالت…اسمعي يا حسنة البيت
انا مش عايزاكي تشيلي هم اكبر منك
انتي ملكيش ذنب في دا كلة
قلت…ايوه بس احنا هنسيب امي تستمر كده
فا طبطبت خالتي علي ظهري
وقالتلي
انتي بتثقي فيا وفي معالجتي للامور ولا لا
قلت…ايوه طبعا
فا ردت خالتي
وقالت…خلاص..انسي الي الي انتي عرفتية وكانك مسمعتيش حاجة
و سيبيني افكر في حل
وانا مؤكد هوصل لحل يخرجنا من المصيبة دي
قلت…ياريت
وبعدما ودعت خالتي
رجعت لبيتنا
وفضلت
اتابع الشقة الي قصادنا…با اهتمام
الصبح اتابع الباب الي قصادنا
من خلال العين السحرية
وهو بيتفتح وبيخرج منة عابد لشغلة
وباليل…اتابع البلكونة الي قصادنا عشان اشوف عابد وهو واقف فيها
وكان حالي زي الي داخل علي حب من طرف واحد
وفضلت علي الحال ده كده شهور
لغاية ما امي شافتني في مره وانا ببص من العين السحرية
وسالتني
مين الي ساكن ادامنا ده
قلت ..ده واحد اسمة عابد
وبيشتغل رجل اعمال
قالت…عرفتي اسمة منين
قلت…مفيش دا حصل بينا سؤ تفاهم
قبل كده …وسردتلها الي حصل
وبعدها
اقسمتلها بان مفيش بيني وبينة اي حاجة
فا ابتسمت امي وطبطبت عليا
وقالتلي
منا عارفة طبعا ان مفيش بينكم حاجة
هو معقولة شاب بالمركز ده
هيبص لحسنة البيت
بعدما سمعت كلامها الي وجعني
سالتها پغضب
وقلت …يعني اية
قالت…
يعني استحالة شاب زي جارنا
يبص لبت وحيدة سمراء وضعيفة زيك
قلت…حرام عليكي بقي
انا مش ضعيفة

انتي واخواتك الي كسرتوا ثقتي بنفسي
لانكم ديما بتتنمروا عليا بسبب لوني
لكن انا مش دميمة ولا وحشة زي ما انتوا بتقولوا
فا ضحكت امي
وقالت بسخرية
يا بت دا احنا مسمينك حسنة البيت
لانك سمراء زي الحسنة الي في الجسم
وتركتني امي ومشيت
بعدما دمرت حتي الحلم الي كنت بحلمة بيني وبين نفسي
لكن..ده ممنعش اني استمر في حلمي
باني اعيش احساس الحب
حتي لو كان الحب من طرف واحد
وفضلت اتابع عابد من بعيد با اهتمام زي منا
وفي يوم
وانا بتابع عابد

عشان احظي برؤيتة وهو راجع من شغلة اخر النهار
من خلال العين السحرية كا العادة
استغربت انه متوجهش لشقتة
واتفاجئت انه جاي ناحية شقتنا ومعاه ورد في ايده
وبعد لحظات
لقيتة بيدوس علي الجرس بتاعنا
ايوه انا سمعت الجرس بالفعل
يعني مش بحلم
فا استجمعت شجاعتي وفتحت الباب
ووقفت امامة وانا ببصلة بشوق الدنيا كلها
وقبل ما اسالة
واقولة عايز اية
لقيتة بيطلب مني حاجة لا يمكن تتوقعوها ……
عارفين عابد كان جاي لي

و عايز باقي احداث الروايةصلي علي رسول الله
الجزء الثاني
من رواية ليلة العمر
وبدأت اركز مع عابد جارنا
وكنت بتابعة من بعيد
وبكتفي اني اشوفة واملي عيني منه
بدون ما هو يعرف
وفضل الحال علي كده
لغاية ما في يوم
لقيت عابد بيرن الجرس علي شقتنا
فا فتحت بسرعة
وقابلتة بعيوني الي مليانة لهفة
وقبل ما اسألة عن سبب حضورة
لقيتة بيسألني
وبيقولي . …
انتي حسنة البيت …صح
فا هزيت راسي بتعجب
وانا بفكر بيني وبين نفسي
وبقول ..
هو عرف الاسم ده ازاي
لكن رديت علية عادي
وقلت…
ايوه ده اسمي فعلا
فا رجع سألني تاني
وقالي…
ياتري ماما موجودة
وقبل ما ارد عليه

سمعت صوت ماما الي جاي من ورايا
وسمعتها وهي بترحب بعابد
وبتقولة…
اهلا يا عابد اتفضل
فا التفتت لماما
لقيتها لابسة الي علي الحبل وشكلها زي القمر
المهم…
بعدما دخل عابد
انا وقفت مندهشة
ونفسي افهم
هو ازاي عابد عرف انهم بيندهولي با الاسم المنيل ده
واية الي جايية عندنا اصلا
ولية ماما لابسة ومتشيكة
اوي كده
واية الي لم الشامي علي المغربي
ولما شعرت بان فضولي هيقتلني
بسرعة دخلت عشان اعرف اية الحكاية بالظبط
لكن…
وانا داخلة علي الصالون
افتكرت اني بالبيجامة
فا رجعت علي غرفتي
عشان البس حاجة تليق بمقابلة عابد
واثناء ما كنت بغير هدومي
سمعت زغروطة
فا اتعجبت
لان سعدية الشغالة كانت هي الي بتزغرط
فا لبست بسرعة وخرجت من غرفتي
و روحت علي الصالون
وفي

للحظة دي
لقيت عابد بيستأذن عشان يمشي
بحجة انه جالة تليفون مهم
فا خرجت امي تودعة علي الباب
وبعدما عابد غادر بيتنا
اخدت امي علي جنب
وسالتها…
قلت…في اية
والبت سعدية كانت بتزغرط لية
فا ردت امي

وقالتلي..
اصل عابد
كان جاي عشان
يحدد ميعاد …كتب الكتاب
واسترسلت امي في كلامها
وقالتلي..
اه بالمناسبة…
اعملي حسابك …
ان كتب الكتاب هيتم بكرة في الجامع …
فا لازم تيجي معايا نشتري فستان محتشم
عشان احضر بيه كتب كتابي
في اللحظة دي
انا فقدت استيعابي تماما
وحواسي كلها هنجت
وبعد شوية
رجعت سالت امي تاني
وقلت…
لا معلش وضحي اكتر
عشان انا مش فاهمة حاجة
كتب كتاب مين
علي مين
فا ردت امي
وقالت…كتب كتابي انا
علي عابد جارنا
فهمتي ولا لسة يا ابنتي العزيزة
قلت…يا خبر
انتي عايزة تتجوزي عابد
لية ….حرام عليكي
هو عملك اية
عشان تتجوزية
وتقضي علي حياتة
دا شاب صغير ولسة في عز شبابة
في اللحظة دي
قبضت امي بكل قوتها علي شعري
وقالتلي…بت انتي
اياكي اسمعك بتعترضي علي اي قرار انا باخده
والا هتشوفي مني رد فعل قاس
يخليكي تتمني الرحيل
انتي سامعة ولا لا
في اللحظة دي
قررت اصارح امي بحقيقة شعوري
يمكن تعفو عن عابد
وتطرد فكرة الزواج من دماغها
فا قلتلها…
علي فكرة يا ماما
انا بحب عابد…
وهو بالنسبالي الهواء الي بتنفسة
ارجوكي يا ماما
تخرجي فكرة الجواز من دماغك
فا ابتسمت امي بسخرية
وقالتلي…
يعني انتي يا غبية…
عايزاني اصرف نظر
عن الثروة
الي
هورثها من ورا عابد
عشان لعب العيال بتاعك ده
امشي يا بت من ادامي قبل أغضب فيكي
وفعلا…تركت امي ورجعت لغرفتي
بعدما اتأكدت ان مفيش فايدة من توسلاتي لها
وروحت علي اوضتي
وانا بعيط
وفضلت طول الليل افكر في اي وسيلة
امنع بيها جواز عابد من امي
وفكرت اني اصارح عابد بالحقيقة كلها عشان احذرة من الجوازة دي
لكن..
ورجعت افكر في حل تاني
واخيرا
جتني فكرة ذكية
وهي…
اني اتبع الحيلة مع خالتي سعاد
لغاية ما تساعدني
وتمنع امي من الجوازة دي
وبسرعة مسحت دموعي
و اتسللت من غرفتي
وروحت علي شقة خالتي سعاد
واول ما شافتني
سالتني
وقالتلي…مالك يا بت عنيكي متورمة لية
قلت…اصلي خائفة علي امي اوي وحاسة انها هتفارق الحياة قريب
فا ردت خالتي سعاد
وقالتلي…لية بتقولي كده
قلت.. اصل امي اليومين دول بتحب
وحبيبها اتقدملها عشان يتجوزها
وهي دايبة دوب في العريس الجديد
فا ردت سعاد بتعجب
وقالتلي..
واية الي يخوف في كده
قلت…
هو مش انتوا بتقولوا
ان لو امي تمت …
اوغلطت غلطة كده ولا كده
ممكن تفقد حياتها
فا ردت خالتي سعاد
وقالت ….ايوه طبعا
امك ساعتها سترحل
و هتتسبب في موتنا انا واختها كمان
فا بصيت لخالتلي
وقلتلها…
انا بقي دخلت علي امي من شوية
لقيت عريسها عندها والموضوع كان هيتطور
والديك كان قرب ينقر الفرخة
لولا دخولي عليهم فجاءة
خلي العريس اتكسف ومشي
فا اتعصبت خالتي سعاد
وسالتني
وقالت…لية يعني هي امك فقدت عقلها ولا اية
قلت…

يظهر ان الحب خلي امي نسيت نفسها
في اللحظة دي
مسكت خالتي اللئيمة الموبيل بتاعها
واتصلت بسعدية الشغالة
وسألتها
وقالتلها…
هو العريس جه النهاردة يا سعدية
فا ردت سعدية
وقالت…ايوه كان هنا من شوية… ومشي
فا قفلت خالتي موبيلها
وهي بتقولي …
دا باين امك ناوية تؤذينا بدري
فا استغليت الفرصة
وقلت ..اشعللها اكتر
وقلت ..
امال هتعملي اية يا خالتي
لما اقولك علي الي سمعتة عن العريس
قالت..سمعتي اية
قلت ….
بيقولوا ان العريس الجديد
علية قضايا واحكام
ومن ضمن الاحكام دي
يعني الراجل مش مظبوط وملوش امان اصلا
يعني الوضع كده يقلق
عرفتي لية بقي بقولك اني خائفة علي امي
فا ردت خالتي
وقالت..
طيب والحل
قلت
الحل دلوقتي يا خالتي
انك تقنعيها انها تفكها من العريس الهم ده….
وتنسي موضوع جوازها منه خالص
فا ردت خالتي
وقالتلي..

امك عنيدة ومش هتسمع لحد
قلت..خلاص بقي ..
خليها تتجوزة …
ونهايتكم كلكم تيجي علي ايدة
فا بصتلي خالتي
وقالتلي…اسمعي يا بت
مفيش حد يقدر يمنع الجوازة دي…. غيرك انتي
قلت…ازاي
قالت…تتجوزية
قلت….نعم
فا كررت خالتي كلامها مع التوضيح
وقالت…
احسن حل انك تتجوزي العريس
وساعتها امك هتتحرم علية تحريم ابدي
لان عريسها هيبقي زوج بنت