Uncategorized

حور بدموع

حور بصتله بصدمة والدموع متحجرة في عينها، ودخلت أوضتها وسابت الأكل.

عاصم لنفسه: غبي، لازم تهدى عليها شوية، ما هي لسه برضه صغيرة.

ندى قاعدة في المستشفى، لقيت فهد دخل عليها أوضة الكشف.

ندى: حضرتك جايلي الشغل ليه؟

فهد: على فكرة أنا دافع كشف بره، يعني الوقت اللي هضيعه منك مش هيروح كده، ممكن نقعد نتكلم طالما مش عايزة تروحي معاي في حتة.

ندى: لا، واتفضل لو سمحت، وهقولهم بره يرجعولك حق الكشف.

فهد: إنتي ليه يا ندى مش عايزة تديني فرصة؟ أنا لو حسيت للحظة إنك موافقة عليا من بكرة، هجيب أهلي وأجي أتقدملك.

ندى: علشان يا فهد كلامك مش منطقي، وأكيد بتقول إنك عايز تقضي يومين وتمشي. محدش هيقبل على نفسه إنه يكون مراته…

فهد قاطعها: مراته! يعنى موافقة أهو؟

ندى: إنت بتقول إيه؟ مش قصدى، لا.

فهد: وبعدين إنتي مقللة من نفسك كده ليه؟ إنتي زي الفل، والف واحد يتمنى نظرة منك، وأنا واحد منهم، ومش هخلي حد غيري يبصلك.

ندى: حضرتك في إيه؟ إنت لسه حتى متعرفش حاجة عني، ليه كل ده؟

فهد: لأني وقعت في حبك يا ندى، ده حاجة من غير سبب، ولو ليها سبب ميبقاش حب.

ندى بدموع: لو سمحت تبعد عني، أنا مش عايزة أظلمك.

فهد: تظلميني في إيه؟ أنا طالب إيدك يا ندى، ليه مش موافقة؟

ندى: إنت ليه عايز كده؟ بتشفق عليا صح؟

فهد: إنتي هبلة! هتجوز واحدة علشان أشفق عليها؟ وأشفق عليكي ليه حضرتك؟ أنا هتزوجك، مش هشحت بيكي لا سمح الله.

ندى: مش هقدر يا فهد، لو سمحت ابعد، وإن شاء الله ربنا يرزقك بالزوجة الصالحة وأحسن مني.

فهد: مفيش أحسن منك، وأنا عايزك تبقى الزوجة الصالحة ليا.

ندى: أنا كنت عارفة إن أحمد هناك وقتها.

فهد: إيه؟ كنتي عارفة وروحتي بمزاجك؟

ندى: …

الفصل الثاني والثلاثون

بقلم ندي أحمد

ندى: أنا كنت عارفة إن أحمد هناك وقتها.

فهد: إيه؟ كنتي عارفة وروحتي بمزاجك؟

ندى: …

فهد: أتكلمي، فهميني.

ندى: أنا عرفت إن أحمد كان هناك وقتها، بس قولت عادي، زميلها، هاخد الورق لحور وأمشي.

فهد: إنتي واحدة غير حكيمة!

وطلع من غرفة الكشف بغضب، وندى فضلت تعيط، لأنها هي كمان مشدودة لفهد، بس هي مش عايزة تظلمه معاها.

عند عاصم وحور، حور دخلت المكتب لعاصم.

عاصم وهو مركز في ورق قدامه.

حور: ممكن نتكلم؟

عاصم: لا، مش فاضي، ورايا شغل، خدي الباب في إيدك واطلعي.

حور قعدت على المكتب وتبصله.
حور: عاصم، أنا عايزة نتكلم.

عاصم رفع وشه وبص لحور.
عاصم: خير، عايزة نتكلم في إيه؟

حور: عاصم، إنت ليه اتغيرت فجأة؟

عاصم: متغيرتش ولا حاجة، مالي أهو.

حور: يعنى إنت طبيعي كده؟

عاصم: أيوه، أنا مولود رخم كده، إذا كان عجبك.

حور: عاصم، إنت في إيه بجد؟ مالك؟

عاصم: حور، إنتي ليه خايفة مني؟ عملت إيه ليكي؟ خوفك مني للدرجة؟

حور: لأني مش جاهزة، مش أكتر.

عاصم: مش جاهزة إزاي؟ مش فاهم.

حور: مش جاهزة يا عاصم، إنت مش جايب واحدة من الشارع يعنى؟

عاصم مسح على وشه بزهق: حور، خلصتي كلام؟

حور: أيوه.

عاصم: طيب، أنا ورايا شغل، اتفضلي، شوية عايز أركز.

حور: لا، مش طالعة، إنت أصلًا النهاردة إجازة، شغل إيه؟

عاصم: حور، أنا على آخري، اطلعي لو سمحتي يا حور.

حور قامت من على المكتب بزعل، ولسه هتفتح الباب.

عاصم: استنى.

حور: أفندم؟

عاصم: أنا آسف، كنت متعصب شوية.

حور ووشها في الأرض: ولا يهمك، أنا هدخل أنام، عايز حاجة؟

عاصم: أيوه.

حور: اتفضل.

عاصم: عايز نقعد سوا شوية، إنتي وحشتيني.

حور بزعل: لا، معلش، شغلك أهم، ركز فيه.

عاصم: مفيش حاجة أهم عندي منك.

حور ابتسمت.

عاصم: تعالى نتفرج على فيلم حلو.

حور: ماشي، هعمل فشار، عقبال ما تشوف فيلم حلو.

عاصم أول ما خرجت حور، قال بصوت واطي: ألو، أيوه يا كارما.

حور بره وسمعته، والدموع في عينيها.

ندى خرجت من الشغل، لقيت فهد ماسك بوكيه ورد وواقف مستنيها.

فهد: ندى، أنا آسف، اتعصبت شوية، بس أنا خايف عليكي، واتضايقت لما قولتي إنك عارفة إن ذلك الشخص كان موجود وروحتي برده.

ندى: مكنتش أعرف إن كل ده هيحصل، مكنتش أعرف يا فهد.

فهد: اهدي طيب، وأنا أصلًا خلاص هذا الشخص في جلسة له الأسبوع الجاي، وإن شاء الله ربنا يجبلك حقك.

ندى: إن شاء الله يا فهد، شكراً.

فهد: مش عايز شكراً، عايزك توافقي على طلبي.

ندى لسه هتتكلم، قطعها صوت مكالمة من تليفون فهد.

فهد: ده المحامي، هشوف هيقول إيه.

المحامي: ….

فهد: نعععععععععععم؟ مستحيل!

بقلم ندي أحمد

فهد: مش عايز شكراً، عايزك توافقي على طلبي.

ندى لسه هتتكلم، قطعها صوت مكالمة من تليفون فهد.

فهد: ده المحامي، هشوف هيقول إيه.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى