
نعععععععععععم؟ مستحيل! إنت بتقول إيه؟ إنت شارب حاجة يا جدع؟ إنت متوقفش حاجة، فاهم؟
ندى: في إيه يا فهد؟
فهد حكاها اللي قاله المحامي.
ندى: إنت ليه عملت كده؟
فهد: عملت إيه؟
ندى: المفروض تاخد رأيي.
فهد: وإنتي إن شاء الله عندك رأي تاني؟
ندى: لو رفعت القضية هتفضح يا فهد، وهو خرج دلوقتي من قضية حور زي ما إنت شايف، وممكن يخرج من القضية دي برده، وقتها مش هستفيد حاجة.
فهد: إنتي عايزة تتنازلي عن حقك وتسكتي، ولا عايزة إيه بالضبط؟
ندى بتعيط: معرفش، أرجوك سيبني في حالي.
فهد: أنا معاكي، مش هسيبك يا ندى. خليكي قوية أكتر من كده شوية.
ندى: إنت ليه بتعمل كل ده؟ ليه؟
فهد: قولتلك السبب قبل كده، وهأرجع أقوله ليكي تاني. أنا بحبك يا ندى، وعايز أقضي الباقي من عمري معاكي.
ندى: لو سمحت، أنا عايزة أفكر في اللي هيحصل الفترة الجاية في حياتي، وهعمل إيه في اللي جاي.
فهد: إنتي بتفكري في عرض الشخص المعني ولا إيه؟
ندى: ….
فهد: ردي!
ندى: محتاجة أفكر.
فهد بضيق: ماشي يا ندى، إنتي حرة. أنا مش هتعرضلك تاني.
عند حور، دخلت المطبخ تعيط من إن عاصم بيكلم كارما ومخبي عليها. عاصم دخل المطبخ وهي مدياله ضهرها.
عاصم: أنا هخرج شوية، مشوار شغل مهم.
وخرج بسرعة. حور لبست بسرعة ونزلت وراه، وركبت تاكسي، فضلت ماشية وراه لحد ما وصل لمستشفى. دخلت، لقيت ندى وثريا وكارما واقفين.
ثريا: إنتي إيه اللي جابك هنا يا وش الفقر إنتي؟
حور: فين عاصم؟
ندى: عاصم جوه في العمليات.
حور: مين المتبرع؟
ندى: حد جابته مدام كارما.
حور: وعاصم إزاي معرفنيش؟
ندى: مكنش عايز يقلق عليكِ.
حور افتكرت الصبح لما اتخنقوا وندمت.
وبعدين، ٣ ساعات وعاصم في العمليات. الممرضة خرجت بسرعة.
ندى: في إيه؟
الممرضة: ضغط الحالة وقع فجأة وقلبه وقف.
الفصل الرابع والثلاثون والأخير
الكل سمع الخبر، اصطدموا وفي حالة من الذعر. فات ساعة من الخوف والقلق على عاصم، اللي قلبه ماداش أي استجابة، وفجأة النبض رجع تاني وعاصم بدأ يفوق. وفات ساعتين كمان عقبال ما الدكاترة وفَّقوا إن حد يدخل يقعد معاه.
ثريا: أنا اللي هدخل.
ندى: ماما، ما تسيبي حور تدخل، هي حتى مشفتوش قبل ما يدخل العمليات.
ثريا بصت لحور، ولأول مرة قلبها يرق على حالتها. وصدمة الجميع عندما وجدوا ثريا تضم حور وتهديها.
ثريا: اهدي خلاص يا حور، عاصم بقى كويس، اهدي يلا علشان لما تدخلي ميضايقش.
حور: ادخلي إنتي يا طنط.
ثريا: لا، يلا امسحي دموعك واهدِي.
وثريا مسحت وشها ودخلت حور الأوضة. حور جريت قعدت قدام عاصم ومسكت إيده.
حور: عاصم، إنت عامل إيه دلوقتي؟
عاصم: متزعليش مني يا حور، أنا بس مكنتش عايز تقلقي، وإنتي كنتي مصممة إنك تتبرعي، وأنا خايف عليكي.
حور: مش وقته أي حاجة دلوقتي غير إني أطمن عليك.
عاصم: أنا كويس، بقيت أحسن.
حور: الدكتور قال يومين وتخرج من هنا.
عاصم وهو متمسك بيد حور أكتر: أنا بحبك يا حور.
حور: وأنا كمان.
والكل روح بيته، وحور فضلت سهرانة جنب عاصم.
عاصم: ما تيجي تنامي جنبي؟
حور: لا يا حبيبي، علشان ترتاح وإنت نايم.
عاصم: هارتاح أكتر وإنتي في حضني.
وعاصم أخذ حور في حضنه وناموا.
فات يومين. ندى كانت بتحاول توصل لفهد، ولكن هو سافر ورجع بيته تاني. ندى قررت تسافر، لأنها حسيت فعلاً إنها في مشاعر تجاه فهد، وإنها آخر مرة كانت سخيفة معه في التعامل.
ووصلت ندى لبيت فهد ودخلت. وجدت فهد جالساً، ويظهر على ملامحه الحزن، وأول ما شافها ارتسمت على وجهه ابتسامة فرحة ووقف قدامها.
فهد: هو أنا بحلم ولا ده بجد؟
ندى ضحكت: لا، بجد.
فهد: إيه سبب الزيارة؟ أقصد منورة يا دكتورة ندى.
ندى: أصل في ناس اختفت، فجيت أسأل وأطمن عليهم.
فهد: الناس اختفت علشان كنتي عايزة كده.
ندى: بس اكتشفت حاجة لما بعدوا.
فهد: إيه هي؟
ندى: إني مقدرش أبعد عنهم، وإني يعنى… تطلعت.
فهد: طلعتي إيه؟
ندى: بحبك.
فهد: إنتي قولتي إيه؟
ندى: مقدرش أبعد.
فهد: اللي بعدها؟
ندى: بحبك.
فهد: ده أنا اللي عشقتك.
ندى: صحيح، فكرتني، أومال ليه سمعت عكس ده؟
فهد: سمعتي إيه؟
ندى: إنك بتحب حور، وكمان كنت عايز تتجوزها.
فهد: تعرفي إني حمدت ربنا إن حور متجوزة؟
ندى: ليه؟
فهد: علشان ده خلاني أقبلك وأعرفك، ولما حبيتك اكتشفت إن اللي كان بيني وبين حور ده مجرد خوف عليها زي أخوها.
ندى: بجد يا فهد؟
فهد: بجد يا عيون فهد.
ندى: أنا كنت هكمل في القضية، بس…
فهد: بس إيه؟
ندى: ذلك الشخص توفى من يومين.
فهد: لا إله إلا الله، ربنا يغفر له.
ندى: أنا همشي.
فهد: تمشي إيه؟ طيب، اتغدى وأنا هروحك بنفسي.
ندى: مش هينفع، وعايزة أقولك، ابقى اعزمني على فرحك، متنساش.
فهد: إنتي بتقولي إيه؟ أنا هتقدملك، شوفيلي معاد مع عاصم.
ندى: ليه تقبل على نفسك واحدة زيّي؟
فهد: هو أنا أطول أصلًا يا ندى، بطلي هبل، ويلا ادخلي تتغدى، أنا عايزك تتغذي كده علشان فرحنا قرب يا قمر.
وندى اتعرفت على والدة فهد وعائلته، وفهد روحها.
عاصم قام بالسلامة ورجع كويس.
حور: تحب تتغدى إيه النهاردة؟



