تحركت حبيبة بتعب بعد أن أنهت عملها بأحد محلات ملابس المحجبات في أحد المولات الشهيرة، وهي تنظر إلى ساعة يدها التي تشير إلى الحادية عشرة مساءً. تنهدت بضيق وهي تغلق المحل، لتلتفت إليها زميلتها بالعمل التي تساعدها في إغلاقه، قائلة بجدية: "مالك يا حبيبة، في إيه؟" قالت حبيبة بضيق: "اتأخرت يا منال، اتأخرت. وعلى ما أوصل البيت هتكون الساعة عدت 12، وصاحبة البيت هتسمعني موشح عن الأدب والأخلاق، وإن المفروض الواحدة المحترمة تتأخرش برا البيت لوقت متأخر كده، وطبعاً هتقعد تهدد إنها تطردني برا البيت وترميني في الشارع. أنا خلاص أعصابي مبقتش متحمله." قالت منال بهدوء وهي تتوجه مع حبيبة إلى الباب الخلفي: "معلش يا حبيبة، إن شاء الله ربنا هيرزقك بابن الحلال اللي هيريحك من الهم ده كله، وبكره تقولي منال قالت." قالت حبيبة بحسرة: "وده هايجي إزاي وأي واحد يعرف إن أنا متربية في ملجأ بعد ما عمي رماني فيه بعد ما أبويا وأمي ماتوا ويهرب وميرجعش تاني؟" ربتت منال على كتفها بتعاطف: "ولا يهمك، أكيد ربنا شايلك الأحسن، بس خلي أملك في ربنا كبير." قالت حبيبة بابتسامة مرتعشة: "ونعم بالله، يوه كفاية كلام ويلا بينا علشان منتأخرش. أيوه كده يا ساتر، أخيراً رجليا كانت هتبوبني، ربنا يتوب عليا بقى." ثم ودعت صديقتها وهي تتوجه سريعاً نحو الدرج الكهربائي في طريقها إلى الخارج، عندما استوقفها صوت رنين هاتفها القديم. عقدت حاجبيها بتعب وهي تنظر لشاشة هاتفها الذي ظهر عليه اسم شريف، ابن عمها والذي تعده بمثابة شقيقها. فهو على الرغم من معاملة والدته السيئة والقاسية معها ورفضها أن تقيم معها وإجبار زوجها الراحل على وضعها في ملجأ للأيتام، كان على عكسها تماماً، كان يعاملها بود وحنان. تنهدت بتعب وهي تقوم بالرد عليه بمرح: "أيوه يا إسم على مسمى، عايز إيه؟!" وقبل ما تتكلم، "أنا لسه مقبضش وممعييش فلوس، وقدامي يومين على ما أقبض." إلا أن شريف قاطعها وهو يهمس بصوت جاد لم تعتاد عليه منه: "حبيبه، اسمعيني كويس عشان مفيش قدامي وقت. أنا عايزك لو جرالي حاجة تاخدي بالك من ماما، ومهما حصل متسيبهاش لوحدها." ليكمل وهو يتنهد بتعب: "أنا عارف إن ماما كانت قاسية عليكي وبتعاملك وحش، بس علشان خاطري وخاطر بابا الله يرحمه، تاخدي بالك منها في غيابي." قالت حبيبة بتوجس وهي تشعر بانقباض قلبها بخوف: "في إيه يا شريف، إنت بتتكلم كده ليه؟ وغياب إيه اللي بتتكلم عنه؟ في إيه؟ انطق، وقعت قلبي." صاح شريف بغضب شديد: "أنا رايح دلوقتي للشخص اللي عايز ياخد حبيبتي مني ويتجوزها غصب عنها، هخلص عليه وهعرفه إن مش كل حاجة يقدر يشتريها بفلوسه، وإن فيه واحدة تمنها مش فلوس. هنهي حياته وكل ملايينه ونفوذه مش هينفعوه." هتفت حبيبة برعب، ثم تابعت بارتعاش وهي تجري باتجاه الطريق العام تحاول إيقاف سيارة توصلها لمكانه الذي مازالت تجهله: "إنت فين يا شريف؟ وغلاوة أمك عندك، تقول إنت فين؟!" صاح شريف بغضب: "..." ابتلعت حبيبة ريقها قائلة بخوف: "..." قال شريف بغضب وكراهية: "..." قالت حبيبة بارتجاف: "إنت بتتكلم عن مين؟ أنا مش فاهمه حاجه!!" قال شريف بغضب: "بتكلم عن الشخص اللي اسمه عمر الرشيدي." قالت حبيبة بتوتر: "عمر الرشيدي مين؟ ده صاحبك ولا حد بتشتغل معاه؟!" ثم شهقت برعب واستيعاب: "أوعى يكون قصدك عمر الرشيدي بتاع مصانع الحديد والصلب، صاحب المصانع اللي إنت شغال فيها؟" قال شريف بكراهية شديدة: "أيوه، هو اللي فاكر إنه ملك الدنيا كلها بماله ونفوذه، واللي نهايته هتكون النهارده على إيدي." نظرت حبيبه حولها برعب وهي لا تستوعب طريقته الغريبة في الحديث لتصيح بخوف: "أنا مش فاهمه حاجة! واحد زي ده هيأذيك ليه؟ إيه اللي هيخليه يعمل كده؟ وإيه اللي عرفه بيك أساساً؟ ده إنت واحد شغال من الألوف اللي شغالين عنده." قال شريف بغضب: "بعد ما عرف علاقتي بمي، طردني من شغلي وخلا رجالته يرموني برا الشركة وخلاهم يمشوا ورايا ويراقبوني من غير ما أحس. وفجأة لقيت نفسي متكتف ومرمي في جراج قديم، وهو واقف قدامي بكل جبروت: 'ده جزاء اللي يبص لحاجة ملك عمر الرشيدي.' لحد ما أغمى عليا ومحستش بنفسي إلا وأنا مرمي في الشارع. ومش بس كده، لا ده منعها إنها تكلمني وخلاها تغير نمرة تليفونها علشان معرفش أوصلها. ولكن والله مش هسيبه حتى لو عمل إيه، ولازم أجعله يندم على اللي عمله فيا." قالت حبيبه بذهول: "يا مصيبتي السودا! إنت بتتكلم على مين؟ أوعى يكون قصدك على البنت اللي كنت بتخرج وتسهر معاها كل ليلة في الديسكوهات؟ هي دي تبقى خطيبته؟!" ثم صرخت بغضب وهي تستوعب معنى كلماته لتتابع بخوف وغضب: "ده إنت تحمد ربنا إنه سابك لسه عايش!" ثم ابتلعت ريقها قائلة بخوف وتوتر: "اسمعني كويس، إنت مش في وعيك، وأكيد اللي حصلك مأثر عليك. تعالى على البيت، واحنا هنفكر سوا وهنشوف حل." صاح شريف بغضب، ثم انفعل غاضباً: "وبعدين، إنتي معايا ولا معاه؟ أنا غلطان إني اتصلت بيكي وكلمتك. إنتي طول عمرك ضعيفة وكرامتك متداسة من الكل، وعايزة الكل يبقى زيك." ليتابع بغضب: "بس أنا مش زيك، وهعرف أدافع عن كرامتي كويس." قالت حبيبة: "إنت عندك حق، بس أنا كلامي ده من خوفي عليك." ثم تابعت برجاء وهي تحاول أن تقنعه أنها تريد مساعدته: "على الأقل قولي إنت فين، وأنا هاجي أساعدك. إنت عندك حق، اللي زي ده ميستهلش إنه يعيش، ولازم نجيب حقك منه." قال شريف بتوتر وهو يشعر بالندم على كلماته المهينة والقاسية لها: "لا، خليكي إنتي بعيد، أنا مش عايز أورطك، ده تاري وأنا اللي هاخده." قالت حبيبه بمهادنة وهي تحاول إقناعه: "ناوي على إيه؟" ثم تابعت بارتعاش وهي مازالت تحاول إقناعه: "قولي إنت بس على مكانك، وأنا زي ما قلتلك هاراقبلك الطريق وهساعدك تمشي بسرعة قبل ما حد يشوفك." ابتلع شريف ريقه بتوتر وهو يحاول تقرير ما سيفعله، وذهنه المشتت لا يساعده على اتخاذ القرار الصحيح، إلا أن إلحاح حبيبه عليه جعله يرضخ في النهاية ويعطيها عنوان إحدى المطاعم المشهورة في أحد شوارع القاهرة الراقية، قائلاً بتوتر: "أنا مستنيه في الجراج، أول ما يخرج هخلص عليه." صعدت حبيبه إلى إحدى سيارات الأجرة وهي تعطيه العنوان بلهفة، قائلة لشريف بخوف: "شريف، متعملش حاجة لحد ما أجيلك. إحنا هنعمل كل اللي إنت عاوزه، بس اصبر لحد ما أوصلك." إلا أنه أغلق الهاتف دون أن يجيبها. صرخت حبيبه بغضب وخوف في سائق السيارة: "بسرعة يا أسطى، بسرعة، الله يخليك." فزاد السائق من سرعة السيارة، وهي تجلس تتساقط دموعها من شدة الرعب، وهي تدعو الله أن تستطيع اللحاق به قبل أن يرتكب حماقة تقضي عليه وعلى مستقبله. بعد مرور بضع دقائق، تفاجأت بسماع صوت خطوات هادئة تقترب من السيارة، وبصوت خصمه عمر الرشيدي وهو يتحدث في الهاتف مع أحد الأشخاص، قائلاً بجدية: "أنا عايز كل الترتيبات بتاعة الفرح والجواز تخلص على نهاية الأسبوع، مش عايز عطلة." ليتابع بملل: "عايز أخلص علشان أفوق للي ورايا، هبقي أخلي مي وعصمت هانم يتواصلوا معاكم علشان تخلصوا الترتيبات كلها مع بعض." رفع عمر حاجبيه بسخرية وهو ينظر ببرود لشريف الذي ينظر إليه بتوتر والعرق البارد يغرق وجهه. قال عمر بسخرية وبرود: "شريف بيه الحرامي والمختلس، هنا إيه اللي موقفك زي الفيران في الضلمة كده؟ ومدخلتش ليه المطعم جوه؟ إيه الفلوس اللي سرقتها من خزنة الشغل خلصت؟ طب كنت على الأقل تدخل عشان تشوفني أنا ومي هانم واحنا بنجهز لترتيبات فرحنا." ثم تابع بسخرية شديدة: "يمكن تعقل وتبطل الأوهام اللي ماليه عقلك." ضحك عمر بصوت عالٍ بارد مستفز، وهو ينظر إليه بسخرية ومازال يقترب منه بتحدي: "إرمي يا شاطر اللي إنت ماسكه في إيدك ده، بدل ما تتأذى وتئذي نفسك. الحاجات دي مش مناسبة للتعامل، سيبها للي يقدر يتعامل معاها." ثم في معدته حركه قوية أرضته. "مش قلتلك متلعبش بحاجات ممكن تئذيك. أنا دلوقتي هوريك اللي إنت كنت ماسكه ده بيتعمل بيه إيه." قبل لحظات، دخلت حبيبه إلى مرفأ السيارات التابع للفندق الشهير، وهي تتلفت حولها بخوف وتعدل بارتباك من وضع حجابها الذي يكاد يسقط من فوق رأسها، وعينيها تدور في المكان شبه المظلم بتوتر، تحاول الوصول إلى مكان شريف سريعاً قبل أن يتسبب في حماقة تنهي بحياته ومستقبله. ليلفت انتباهها صوت جلبة ضعيفة تأتي من بعيد، جعلها تبتلع ريقها بتوتر وهي تدعو الله أن تجد شريف قد غادر المكان دون أن يرتكب الحماقة التي أخبرها عنها، ثم توجهت سريعاً إلى مصدر الصوت وهي تتشبث بحقيبتها الكبيرة بخوف، محاولة ألا تحدث أي صوت يلفت الانتباه إليها. تسمرت حبيبه في مكانها لا تستطيع الحركة، وهي تنتفض وتزيح عنها رعبها، فتقوم بالبحث حولها عن أي شيء تستطيع به رد الهجوم عن ابن عمها، إلا أنها لم تجد، فكل ما حولها هو بضع سيارات مصفوفة بترتيب وأرض مصقولة نظيفة. اندفعت الدموع من عينيها وهي تقول بغضب: "يا..." ثم صرخت بقوة وهي تلطم خديها وتبكي بجانبه على الأرض، ودموعها تسيل بقوة: "أنا..." لتتفاجأ بشريف يحاول رفعها وهو يقول بتعب: "قومي، قومي يا حبيبة، خلينا نمشي من هنا قبل ما حد يشوفنا." لتقول بهستيريا وهي تبكي وتلطم خديها. صاح شريف بغضب وهو يحاول إبعادها عن المكان: "أنا عارف إنه مكنش قصدك، بس خلينا نمشي من هنا قبل ما حد يجي ونروح في داهية." إلا أنها صرخت فجأة بأمل: "استنى، دا شكله لسه عايش، أنا شفته بيحرك راسه." صاح شريف بغضب: "إنتي مجنونة؟ يلا بينا من هنا قبل الحراس بتوعه ما ييجوا، وادعي ربنا إنه يكون مات، لأنه لو عاش مش هيسبنا على وش الدنيا ولا حتى ليوم واحد." إلا أنها تجاهلت حديثه وهي تقترب من عمر بأمل، وهي جاثية تبكي وتقول بخوف: "إنت عايش، مش كده؟ أنا والله مكنش قصدي، مكنش قصدي، صدقني." ثم مسحت دموعها وهي تنظر إليه وتقول بارتعاش: "استنى، استنى، متخافش." وشريف يصرخ بها بغضب: "بتعملي إيه يا مجنونة؟ إنتي أكيد مخك جراله حاجة! قومي، قومي، هنروح في داهية." إلا أن يده تسمرت وهو يشاهد جفون عمر التي ارتفعت بضعف وتركزت على وجه حبيبه الباكي لثواني معدودة، ثم أغلق عينيه وراح مرة أخرى في غيبوبة ثقيلة. وشريف يصرخ بجنون هستيري: "قومي يا غبية، قومي! ارتحتي أهو، مات وشاف وشك، إنتي كمان كده، خلاص، خلاص، أنا وإنتي انتهينا." قالت حبيبه: "حتى لو فيها موتي، مش همشي قبل ما نطلب له الإسعاف." قال شريف: "إسعاف إيه؟ إنتي اتجننتي؟ يلا بينا، هنروح في داهية." دفعته حبيبه وهي تصرخ بغضب: "إنت إيه يا أخي؟ ده إنسان وهيموت لو سبناه. أنا مش همشي قبل ما نطلب له الإسعاف، واللي يحصل يحصل." تنهد شريف قائلاً بقلة حيلة: "طيب، تعالي تعالي نطلب الإسعاف من أي تليفون بره، لو اتصلنا من تليفوننا هيجيبونا عن طريقها بسهولة." هزت حبيبه رأسها موافقة بتوتر وهي تستوعب حديثه: "ماشي، في محل قريب من هنا أنا شوفته وأنا داخله، نروح نتصل منه." قال شريف بمهادنة: "ماشي، بس خلينا نخرج من هنا الأول." تبعته حبيبه ودموعها تتساقط وهي تنظر بندم وحزن لجسد عمر الملقي أرضاً وهو ينزف بين الحياة والموت. وهي تشعر أنها مغيبة عن الواقع، وكأنها تعيش كابوساً بشعاً يمنع عنها الهواء. تسير على قدميها تتبع ابن عمها، وهي تشعر بارتخاء عجيب، وكأن روحها تصعد ببطء إلى السماء، حتى وجدت نفسها في الخارج، وشريف يسحبها إلى إحدى السيارات القديمة والمركونة في شارع جانبي بعيداً عن الأنظار، وهو يقوم بقيادة السيارة بعيداً عن المكان. نظرت حبيبة حولها برعب وهي تقول بغضب: "أخدني ورايح على فين؟ إحنا مش اتفقنا هنطلب الإسعاف الأول؟" قال شريف بغضب وحقد: "..." قالت حبيبة برعب: "شريف، إنت اتجننت؟ الراجل لو سيبناه هيموت." انطلقت ضحكة بشعة ساخرة من بين شفتيه: "ما يموت ولا يروح في داهية. زعلانه عليه ليه أوي كده؟" نظرت له حبيبة بدون تصديق. وقبل أن تعارضه، ارتفع فجأة رنين هاتفه، وسحبه وهو يقول بهدوء غريب وهو يبتسم: "أيوه يا حياتي، المهمة تمت زي ما كنا مخططين. مبروك يا قلبي." وضعت حبيبة يدها على فمها برعب، وهي تستمع بذهول لضحكاته ترتفع وهو يتابع بهدوء: "أهم حاجة متخليش حد من رجالته يروح عند العربية بتاعته دلوقتي، لحد ما السر يطلع ونرتاح كلنا." ثم ارتفعت ضحكاته وهو يقول بتسلية: "لا يا قلبي، متخافيش، محدش شافنا، وكاميرات المراقبة كلها عطلانة، هكرتها قبل ما أدخل الجراج. يعني كله في السليم. أنا كده خلصت دوري، دورك إنتي بقى تبشريني إنه خلاص غار في داهية." ثم أغلق معها الهاتف وهو يبتسم بسعادة، وحبيبة تنظر إليه قائلة بذهول ودموعها تتساقط دون إرادتها. ضحك شريف بسخرية: "تصدقي إنك عبيطة وغبية؟ لحظة جنون إيه اللي بتتكلمي عنها؟ وهي لو لحظة جنون زي ما بتقولي، يبقى جبتها منين؟" ثم ارتفعت ضحكاته عالياً وهو يقول بمرح: "إيه، لقيته جنب الحيط مثلاً؟" قالت حبيبة وهي تكاد تنهار من شدة الرعب. قال شريف بمرح: "وإنت إيه اللي مخليك متأكد كده إني مش هروح للبوليس دلوقتي وأبلغ عنك؟" قال شريف بجدية: "براحتك، اعملي اللي إنتي عايزاه. أنا أمي هتشهد إني كنت معاها طول اليوم، وإنك بتكرهينا وبتتبلي علينا علشان بتحبيني وأنا رفضت أتجوزك. وانتِ ولا مؤاخذه، تربية ملاجئ وعايشة لوحدك من غير راجل، يعني بالبلدي كده عايشة على حل شعرك، وإنك كنتي على علاقة بالمرحوم اللي بالمناسبة الكل عارف إنه عنده علاقات بعدد شعر راسه. يعني مش هيكون غريب عليه إنه يكون ماشي مع واحدة زيك، انتقمت منه وقبلته بعد ما سابها وخطب واحدة تانية. ومي روح قلبي هتأكد على كلامي. ها، حلو السيناريو ده ولا أعملك سيناريو تاني؟" ثم ارتفعت ضحكاته تشق المكان بسخرية، وحبيبة تتأمله بذهول ودموعها تتساقط وهي تستوعب كلامه المهين والمشكلة التي وجدت نفسها متورطة بها. بعد مرور شهر، وقفت حبيبة خلف باب غرفتها في المنزل الذي استأجره شريف وحرص أن يكون في مكان آمن بعيداً عن العيون. وقفت تستمع إلى صوته وهو يتحدث في الهاتف بانفعال، واقتربت أكثر من الباب تحاول معرفة سبب انفعاله الشديد، ولكنها فشلت. قال شريف بغضب: "بنت الكلب، فكراني لقمة سهلة بعد ده؟ كله قافلة تليفونتها ومش راضيه ترد عليا، لا هي ولا الحيزبونه أمها." تراجعت حبيبة للخلف وهي تتأمله بغضب: "مستني منها إيه يعني؟ واحدة باعت خطيبها وابن خالتها واتفقت معاك، طبيعي تعمل معاك كده وأكتر كمان." ثم جلست على طرف فراشها وهي تشعر بالدوار يكتنف رأسها، وهي تتابع بدهشة وغضب: "اللي أنا مش فاهماه، هي وأمها يعملوا كده ليه؟ ده ابن خالتها وخطيبها وشكله بيحبها أوي، إزاي جالها قلب تعمل فيه كده؟" نظر لها شريف بدهشة، ثم انطلقت ضحكاته بسخرية: "إنتي مجنونة يا حبيبه، إيه فاكرة نفسك عايشة في فيلم كارتون وجو سندريلا؟ مقصر عليكي وبيحبها وبتحبه والجو ده؟" ثم تابع بجدية: "فوقي يا حبيبه، حب إيه وكلام فارغ إيه اللي بتتكلمي عنهم؟ الفلوس هي كل حاجة دلوقتي. معاكي قرش تساوي قرش، ودول مش قروش، دول ملايين وقصور ومصانع تطير علشانهم رقاب مش رقبة واحدة." ثم تابع بغضب مكتوم: "بس لو كانت كل حاجة مشيت صح، كان زماني مكانه دلوقتي، وكل اللي ملكه ده بطرفة عين بقى ملكي." شعرت حبيبة بالكراهية والغثيان من كلماته الجشعة، وهي تقول بغضب: "طيب إنت وفهمنا، كنت عايز تتخلص منه علشان طمعان بفلوسه. لكن خطيبته تعمل كده ليه؟ ماهي لما تتجوزه كل حاجة هتبقى بتاعتها وملكها. يبقى عملت كده ليه؟" ابتسم شريف بسخرية: "ببساطة لأنها مش عارفة تعيش حياتها ولا تستمتع بها. عمر الرشيدي قافل عليها وبيتحكم فيها، كل حاجة بحساب، مفيش خروج، مفيش فسح، مفيش سفر، مفيش حفلات إلا بأمره ومعرفته، وهي مش قادرة تكمل حياتها بالشكل ده." قالت حبيبه بغضب: "تقوم تتفق على أنه يتركها وتقول إنها مش عايزاه! وتصرف هي وامها منين؟ وتعيش العيشة اللي عيشاها دي منين؟ بالساهل كده تفتقر وتسيب الملايين دي كلها تضيع من إيديها وتسيبيها تروح لواحدة تانية ليه؟ وفي حل أسهل من كده ومش هيكلفهم حاجة." قال شريف بسخرية: "أيوه، عليكي نور. لو كان الحد ده هو إنتي يا حبيبه، فاهمه؟ فوقي لنفسك وافهمي الوضع اللي إنتي فيه. البوليس لو قبض عليكي واتسجنتي هيبقى أهون مية مرة من لو إن عمر الرشيدي اللي صعبان عليكي ده عرف يوصلك، ساعتها هتتمني الموت مش هتلاقيه." ارتعشت حبيبه وهي تقول بخوف: "ولما إنت عارف كده، ورطتني معاك ليه؟ أنا ذنبي إيه في كل ده؟" ثم انهارت في البكاء وهي تقول بخوف: "أنا ذنبي إيه في كل ده يا شريف؟ أنا كنت بعتبرك زي أخويا، ومن خوفي عليك مشيت وراك من غير ما أفكر، ووديت نفسي في داهية، ومبقاش قدامي غير طريق نهايته واحدة: السجن أو الموت." جلس شريف بجانبها وهو يقول بدهاء وهو يدعي الطيبة: "إسمعي يا حبيبه، أنا وإنتي دلوقتي في مركب واحد. أما إحنا الإتنين نمشي المركب ونوصل لبر الأمان، أو المركب تتقلب بينا ونغرق ونموت، وساعتها مش هيكون لينا مفر." قالت حبيبه من وسط دموعها التي تغمر وجهها: "تقصد إيه؟ أنا مش فاهمه." قال شريف بهدوء: "أقصد إننا بالنسبه للناس دول نكرة، منسواش حاجه، ممكن يطأونا بأقدامهم وكأننا حشرات ولا لنا قيمة. وعشان كده لازم أنا وإنتي نبقى إيد واحدة، نخاف على بعض ونحافظ على مصالح بعض." قالت حبيبه بدهشة ودموعها تتساقط: "مصالح إيه وإيد واحدة إيه اللي بتتكلم عنهم؟ فوق يا شريف، إحنا لازم نمشي من هنا ونحاول نهرب ونخرج بره البلد قبل ما عمر ده يوصل لنا أو يقبضوا علينا." قال شريف وهو يشعل سيجارته بهدوء: "إنتي معاكي حق، أنا فعلاً لو لقيت الأمور اتعقدت هسافر، هسافر بس لوحدي." انتفضت حبيبه واقفة برعب: "إيه؟ عايز تسافر لوحدك؟ طيب وأنا هتسيبني هنا أتسجن وأتبهدل؟" قال شريف بحنان زائف: "وده برضه معقول؟ أنا بقول لو الدنيا اتعقدت يعني مش دلوقتي خالص. وبعدين أنا قبل ما أفكر في حل لنفسي، أكيد فكرت في حل ليكي إنتي كمان." نظرت إليه حبيبه بتوتر وهي تعدل من وضع حجابها: "حل، حل إيه؟" ابتسم شريف بمكر وهو يلقي قنبلته الأخيرة عليها: "بصي يا ستي، أنا هبعتك تشتغلي عند ناس معرفة." ثم تابع وهو يراقب انفعالاتها بهدوء: "ناس أغنياء ومحترمين، هتاخدي منهم مرتب كويس وتلاقي مكان تعيشي فيه بدل الشقة اللي اتطردتي منها، بس بشرط." قالت حبيبه وهي تنظر إليه بتوجس: "شرط، شرط إيه؟" ابتسم شريف بقسوة: "..." ارتعشت حبيبه بخوف وهي تسمعه يتابع بهدوء: "بس لو سمعتي كلامي، هخليكي تخرجي منها زي الشعرة من العجين، وأنا بنفسي هخرجك بره البلد، تبتدي حياة جديدة ونضيفة من غير بهذلة ولا قلة." ثم تغيرت نبرة صوته إلى القسوة الشديدة وهو يتابع بتهديد: "لكن لو رفضتي، أنا بنفسي اللي هبلغ عنك، ومش هكتفي بكده، لا، ده أنا هبلغ عمر الرشيدي بمكانك، وأتأكد إنه هيوصل لك." قالت حبيبه بخوف: "بقى دي آخرتها يا شريف؟ عايز تبلغ عني؟ وبعدين تمن إيه اللي عايزني أدفعه؟ مش كفاية كل اللي أنا فيه ده كان بسببك؟" تجاهل شريف حديثها وهو يقف أمامها يتطلع إليها بقسوة وجبروت: "إنتي هتروحي تشتغلي عند عمر الرشيدي في القصر بتاعه." تراجعت حبيبه للخلف بصدمة والدموع تقفز من عينيها برعب: "إنت اتجننت؟ إنت عارف إنت بتقول إيه؟ عايزني أروح أشتغل عند عمر الرشيدي؟ إنت عايز تسلمني له؟ إنت عارف لو شافني هيعمل فيا إيه؟" لتتابع بخوف هستيري: "أنا مستحيل أعمل كده، فاهم؟ حتى لو بلغت عني البوليس، هيبقى أهون عندي من إني أسلم نفسي له." قال شريف بقسوة: "اهدى يا حبيبه، واسمعيني كويس. طول ما إنتي بتسمعي كلامي وتنفذيه، استحالة أبلغ عنك أو أئذيكي." ثم تابع بثقة: "عمر الرشيدي مش هيعمل فيكي حاجه، لأنه ببساطة مش فاكر أي حاجه." قالت حبيبه بدهشة: "إيه يعني إيه مش فاكر أي حاجه؟" ثم شهقت وهي تولول بخوف وانهيار: "قصدك الخبطه عملتله حاجه في عقله؟ يا نهار أسود، يا نهار أسود، أنا كنت عارفه الخبطه كانت شديدة قوي، وأكيد مكنش هيقوم منها بالساهل كده." صرخ فيها شريف يسكتها بغضب: "اخرسي بقى وابطلي ولولة. عمر الرشيدي كويس وزي الحصان، رجع لشغله وحياته وصفقاته." ابتلعت حبيبه ريقها بخوف وهي تستمع إليه يبتسم بمكر. ثم تابع بتهكم: "أو زي ما الدكاترة بيقولوا، عنده فقدان ذاكرة جزئي." صرخت حبيبه باستنكار: "فقدان إيه؟ إيه الكلام الفارغ اللي إنت بتقوله ده؟ إنت فاكرني هبلة وهتضحك عليا بالكلام الفارغ ده؟" جذبها شريف فجأة بقسوة من ذراعها وهو يقول بغضب: "اسمعي، علشان أنا جبت آخري معاكي. قدامك حل من اتنين: إما تستعدي علشان تقضي بقية حياتك في السجن، وده طبعاً لو عمر ما حطش إيده عليكي الأول وخلص على اللي باقي من عمرك، أو تسمعي كلامي وتروحي تشتغلي عنده في فيلته، وكل حاجة تحصل هناك تبلغيني بها." ثم تابع بتأكيد وهو يشد على ذراعها بقسوة شديدة: "إنتي هتبقي هناك عيني اللي بشوف بها، وأذني اللي بسمع بها، وقبل ده كله هتبقي إيدي اللي بنفذ بها." ثم تابع وهو يحاول إقناعها: "وقصاد اللي هتعمليه، هتضمني حريتك، ههربك بره البلد، هديكي فلوس تبتدي بها حياتك. والموضوع مش هياخد كام شهر، أنا وإنتي نتحملهم، وفي الآخر كل واحد فينا هياخد اللي هو عايزه، ونتفارق أصحاب وأخوات زي ما كنا، وأحسن كمان." قالت حبيبه ودموعها تتساقط بخوف: "أنا خايفة يا شريف، أفرض اتعرف عليا؟" قال شريف بتأكيد: "أنا متأكد إنه مش هيتعرف عليكي. وعشان تتأكدي، أنا روحت له المستشفى وقابلته وعملت نفسي بطمن عليه، وهو قابلني عادي ورجعني الشغل كمان. وده بعد طبعاً ما تحججت له إني سرقت فلوس من الخزنة عشان أعالج أمي واعتذرت وتذللت له، فوافق وأمر لي بفلوس مساعدة كمان. أظن إنه لو كان فاكر حاجه، كان زماني مرمي في السجن أو رجالته خلصوا عليا." ثم ترك يدها وهو يشعل سيجارة أخرى: "شوفتي، أنا خاطرت بنفسي علشان أتأكد إن حوار فقدانه للذاكرة صحيح، ومش لعبة منه. ها، أظن كده اطمنتي." قالت حبيبه بتردد: "بس أقصد، يعني إنت هتستفاد إيه من كل ده كمان؟ أنا خلاص مبقتش عايزه أتورط في مشاكلك أكتر من كده، كفاية اللي جرالي بسببك." قال شريف وهو يقترب من باب الغرفة مغادراً: "هستفاد..." إني هبقى مسيطر على كل حاجه، إنتي هتبقي عنيا في بيته، وأنا رجعت لشغلي تاني، وهراقب كل حاجه من تاني، ومش هدي فرصة لا لمي ولا لأمها إنهم يلعبوا بديلهم من ورايا ويحفروا لي مشكلة عشان يتخلصوا مني ويكونوا هما على كل حاجه. أنا حاسس من نحيتهم بالغدر بعد كل حاجه ما باظت، عايزين يخلعوا ويتمموا الجوازه ويبقوا مخسروش حاجه. بس أنا مش لقمه سهله، وفيها لا أخفيها وأطبقها فوق دماغهم. ثم نظر لارتجافها الواضح بتهكم، ثم تركها وغادر، لترتمي أرضاً وهي تنهار في نوبة من البكاء الشديد. بعد مرور يومين، جلست حبيبه مساءً بداخل الغرفة الصغيرة المخصصة لها بجناح جدة عمر، دولت هانم الشويحي، والتي تحتل جانباً كبيراً من الناحية الغربية للطابق الأرضي بقصر عمر الرشيدي. وهي تحاول النوم ولكنها لا تستطيع من شدة شعورها بالتوتر والقلق، فقد استلمت عملها من يومين وتفاجأت بمعاملة جدة عمر الطيبة لها، واكتشفت أنها سيدة رقيقة وعطوفة تتعامل معها بكل رقة وطيبة، تشركها بذكرياتها وأحاديثها المرحة الطيبة، مما يجعل وقت العمل يمر سريعاً وكأنها في نزهة ممتعة. ولكن ما يثير حنقها ورعبها هو مكالمات شريف المستمرة لها واستفساره عن كل كبيرة وصغيرة تحدث بداخل القصر، واضطرارها لإجابته عن أسئلته التي لا تنتهي، بالإضافة لقرب وصول عمر الرشيدي للقصر، فهو قد أخفى عن جدته. تقلبت في الفراش بأرق وهي تشعر بعدم رغبتها في النوم، وعقلها يبحث عن مخرج من الكارثة التي أحلت بها، لتنهض فجأة وهي تحدث نفسها بغضب: "فاكر إني هصدقه تاني وأورط نفسي في طريق الاجرام اللي عايز يمشيني فيه؟ بس ده مستحيل. أنا هطاوعه وهحسسه إني موافقه على كل اللي بيطلبه لحد ما يطمن، وآخد مرتب الشهر ده وأسافر بعيد، شرم أو الغردقة أو حتى أسوان، أشتغل هناك في مكان بعيد عنه وعن القرف ده كله." لتتابع برجاء: "بس أتأكد إن عمر ده فعلاً مش فاكرني ولا فاكر اللي عملته فيه، ههرب منهم لآخر مكان في العالم وأختفي بعيد عنهم كلهم." ثم تنهدت براحة بعد قرارها الأخير، وهي تجمع شعرها في عقدة فوق رأسها غير مرتبة، وتسحب حجاباً صغيراً وضعته فوق رأسها دون أن تهتم بإحكام وضعه، وهي تقول بعدم صبر: "طيب كده خلاص، عرفت هعمل إيه. واللي اسمه عمر ده أكيد مش هيجي هنا دلوقتي، يبقى أنا قلقانه ومش عارفه أنام ليه؟" ثم تنهدت بفروغ صبر وهي تتأمل الفراش بقلة صبر: "يوه، أنا هروح أجيب حاجه دافيه أشربها يمكن أعرف أنام." ثم نظرت بانتقاد للبيجاما الوردية القديمة التي يزينها صور لطيفة لبعض شخصيات الكرتون، وهي تقول بتعب: "أنا لسه هغير، زمان الكل نام ومش مستهلة تغيير. أنا هجيب حاجه دافيه أشربها وأرجع جري من غير ما حد يحس." ثم خرجت بهدوء وهي تتلفت حولها بقلق، خوفاً من أن يراها أحد بملابس النوم، ليواجهها القصر الغارق في الظلام والهدوء الشديد. فتوجهت سريعاً للمطبخ وقامت بتحضير كوب من اللبن الدافئ وحملته للخارج، إلا أنها توقفت فجأة وهي تسمع صوت خطوات مريبة بالخارج. فنظرت بقلق لساعة يدها التي تعدت الثانية بعد منتصف الليل: "معقول لسه فيه حد صاحي لحد دلوقتي؟" إلا أنها عادت وتذكرت أن الخدم ينامون في مبنى مستقل في حديقة القصر، كما أنه من المستحيل أن تكون عصمت هانم مازالت مستيقظة، فمواعيد نومها واستيقاظها شيء مقدس بالنسبة لها، كما أن مي تسهر كل يوم بالخارج حتى الصباح. ليزداد الصوت وضوحاً وهي تتلفت حولها بارتباك وقلق: "استر يارب، ليكون حرامي!" ثم تابعت بخوف وهي تتسلل على أطراف أصابعها إلى الخارج: "يا حظي، ده إيه النحس ده؟ هو أنا كل ما أروح مكان لازم تحصل فيه مشكلة؟" كتمت أنفاسها بخوف وهي تتلفت يميناً ويساراً وتتمسك بقوة بالكوب الممتلئ بالحليب الساخن، لتجد الهدوء والصمت والظلام يخيمان على المكان ولا يوجد ما يثير الريبة أو الشك. لتتنهد براحة وهي تضع يدها على موضع قلبها وتلتقط أنفاسها وهي تتمتم: "الحمد لله، مفيش حاجه، دي أكيد تهيؤات من كتر الضغط النفسي اللي أنا فيه." ثم استدارت وهي تنوي العودة إلى غرفتها، إلا أنها لمحت بطرف عينيها خيالاً ضخماً لشخص يتحرك بخفة من خلفها ويتجه إليها. شهقت برعب واستدارت سريعاً تحاول الهرب إلى غرفتها، وعقلها الخائف والمرتبك يصور لها أشياء مخيفة ومرعبة، فحاولت الهروب سريعاً إلا أنها... "الحقوني، حرامي!" وتحرك بها إلى أقرب زر إضاءة أناره. بعد قليل من الوقت، فتحت حبيبه عينيها ببطء وهي تتأوه بألم، لتجد نفسها مستلقية على إحدى الأرائك الكبيرة في بهو القصر. فرفعت وجهها ببطء وهي تحاول التذكر لم هي مستلقية هنا، لتشهق برعب وهي تحاول النهوض بفزع وقد تذكرت ما حدث. وطالعها وجه عمر الصارم الذي وقف أمامها يتأملها بصمت. ابتلعت حبيبه ريقها برعب وهي على وشك الصراخ مجدداً من شدة خوفها، إلا أن عمر وضع يده على فمها وهو يقول بصرامة وغضب شديد: "عارفه لو سمعت صوتك بتصرخي تاني، اللي عامل زي صفارة الإنذار ده؟" هزت حبيبه رأسها بطاعة وعينيها تتجمع بها دموع الرهبة، وهو يتابع بغضب وعينيه تتأمل ملامحها المذعورة بدقة: "أنا هشيل إيدي، وإوعي تصرخي، والا صوتك يعلى، مفهوم؟" هزت حبيبه رأسها موافقة بخوف، فرفع يده ببطء وهو يحذرها بصرامة بعينيه، ويتابع بصوت هادئ: "إنتي مين؟ أنا أول مرة أشوفك هنا." التقطت حبيبه أنفاسها وهي تغلق عينيها براحة تستمع لكلماته التي أعادت الطمأنينة لها، ونهضت سريعاً عن الأريكة وهي تكاد أن تتعثر وتقع مرة أخرى، لتلتقطها ذراعاه تمنعها من السقوط وهو يقول بغضب وقد أساء فهم دوافعها: "اهدى وبطلي حركة شوية، ومتخافيش، أنا مش حرامي زي ما إنتي فاكره، أنا عمر الرشيدي صاحب القصر ده." ليتابع بغضب: "يعني مفيش داعي للجنان اللي بتعمليه، وردي عليا، علشان أنا خلاص جبت آخري. إنتي مين وبتعملي إيه هنا في الوقت المتأخر ده؟" تراجعت حبيبه للخلف وهي تقول بتقطع: "أنا... أنا شغالة هنا، شغالة، شغالة." لتنتفض برعب وهو يقاطعها ببرود وقد بدت عليه إمارات الغضب: "شغالة إيه؟ انطقي!" أشارت حبيبه للخلف وهي تقول بارتباك: "شغالة عند نازلي هانم، يعني أقصد شغالة مرافقة ليها." قال عمر ببرود وقد راق له ملاعبتها: "وبتعملي إيه هنا في وقت زي ده وباللبس اللي إنتي لابساه ده؟ إنتي مش عارفه إنه ممنوع تخرجي من أوضتك في ساعة متأخرة زي دي، ومن غير اليونيفورم بتاعك؟" استمعت له حبيبه بدهشة وعينيها تتسع برعب، ونظرت إلى منامتها الضيقة والطفولية التي ترتديها بعدم تصديق، وارتفعت يدها إلى رأسها تتحسس شعرها المكشوف والمفرود خلفها بصدمة، لتتفاجأ بها تنظر في كل اتجاه وكأنها تبحث عن شيء ضائع، ثم تندفع فجأة للأمام تزيحه بعنف وتلتقط حجابها الملقى بجانب قدمه، تضعه على رأسها بسرعة شديدة تحاول به مدارة شعرها المنساب بغزارة حول وجهها، إلا أنها تفشل بسبب ارتباكها الشديد. إلا أن صوته الغاضب ارتفع يستوقفها: "إنتي رايحة فين؟ تعالي هنا حالاً، أنا لسه مخلصتش كلامي معاكي." ابتلعت حبيبه ريقها بخوف وهي تعود إليه صاغرة ويدها تطبق على الحجاب تغلقه حول وجهها بطريقة مضحكة. قال عمر بصرامة وهو يدرك ارتباكها الشديد: "إسمك إيه؟" قالت حبيبه بهمس: "حبيبه." رفع عمر حاجبيه بتساؤل وهو يدعي عدم سماعها جيداً: "بيبا، إسمك بيبا؟" هزت حبيبه رأسها بارتباك وهي تقول: "لا، لا، ح... حبيبه." هز عمر رأسه وهو يتابع ببرود: "هممم، بيبا. طيب يا بيبا، مجاوبتيش عليا، بتعملي إيه هنا في وقت زي ده؟" أشارت حبيبه لنفسها بارتباك: "حبيبه، اسمي حبيبه مش بيبا." قال عمر ببرود وقد راق له إرباكها: "حبيبه، بيبا، مش مهم. المهم إيه اللي مخرجك من أوضتك في ساعة زي دي وباللبس ده؟" توهج وجه حبيبه باللون الأحمر وهي تشير للمطبخ بارتباك: "أصلي... أصلي كنت مش عارفة أنام، فقلت أجيب حاجة سخنة أشربها، ومعرفش إن يعني حضرتك يعني موجود." قال عمر وهو يقصد إرباكها: "أه، حاجة سخنة، قصدك اللبن اللي لسه مغرقاني بيه؟" قالت حبيبه: "أنا... أنا آسفة، بس أصل أنا كنت خايفة وفكرتك يعني... آسفة، حرامي." قال عمر بسخرية: "حرامي هنا في القصر مع كل الحراسة اللي بره دي، وفكرتي إن في حرامي يقدر يدخل هنا؟" توهج وجه حبيبه من الغضب من تهكمه الواضح عليها لترد بدون تفكير: "وفيها إيه يعني؟ ماعادي ممكن أي حرامي يدخل هنا، يعني هو قصر ولا وزارة الدفاع علشان ميقدرش يدخله؟" قال عمر بتحذير بارد: "بقى كده؟" قالت حبيبه باندفاع: "أيوه، وبعدين حضرتك اللي غلطان، كنت واقف في الضلمة وكتفتني بطريقة خوفتني، طبيعي يعني إن أفتكرك حرامي." قال عمر ببرود: "كده يعني أنا اللي غلطان؟" تراجعت حبيبه بتوتر للخلف من نبرته الباردة: "أيوه، بس أكيد متقصدش." قال عمر بتهكم: "مقصدش، لا، كتر خيرك." قالت حبيبه وهي تتراجع للخلف أكثر: "أنا... أنا هروح على أوضتي، تصبح على خير." قال عمر بصرامة: "استني عندك، أنا أذنتلك تمشي؟" نظرت حبيبه حولها بتوتر: "هو حضرتك لسه عايزني في حاجه؟" قال عمر وهو يتجه إلى الدرج المؤدي للطابق العلوي الموجود به جناحه الخاص: "أه، حضريلي العشا وهاتيه على الجناح بتاعي." حاولت حبيبه التحكم في غضبها إلا أنها لم تستطع، وهي تقول بتسرع: "حضرتك، أنا مرافقة لنازلي هانم، مش خدامة، وماليش دعوة بأمور المطبخ خالص. تحب أصحيلك حد من الخدم؟" قال عمر ببرود وهو يزيد من استفزازها: "أنا لو كنت عايز حد من الخدم كنت استدعيته. أنا بطلب منك إنتي، وياريت طول ما إنتي هنا تتعلمي إني مبحبش أسمع غير تلات كلمات: نعم، وطيب، وحاضر." ثم تجاهلها وصعد للأعلى، وهي تنظر إليه بحقد وغضب، ثم استدارت في طريقها للمطبخ، إلا أن صوته البارد استوقفها ليتابع ببرود مستفز: "بيبا، متنسيش وإنتي بتحضري العشا تجيبي معاه كوباية لبن كبيرة." ثم تابع صعوده وهو يبتسم، وهي تقول بغيظ: "حبيبه، اسمي حبيبه! أعلق يافطة كبيرة باسمي علشان يصدق!" ثم دخلت إلى المطبخ وهي تكاد تصرخ من شدة الغيظ: "أبو شكلك بارد!" ثم تابعت بغيظ وهي تعيد لملمة خصلات شعرها وإعادة ضبط الحجاب مرة أخرى بطريقة جيدة، ثم شرعت في تحضير طعام العشاء وهي تتمتم بغضب: "أنا كده فهمت، الواد شريف مجنون وعمل اللي عمله فيه ليه، أكيد قعد يغيظ فيه لحد ما إختل وعمل عملته السودة." ثم تنهدت بغضب وهي تحمل صينية الطعام وتتجه بها إلى الأعلى: "ربنا يسامحك يا شريف، إنت السبب في كل المصائب اللي أنا فيها دي." وصلت حبيبه إلى جناح عمر وطرقت الباب عدة مرات وهي تكاد تنفجر من الغيظ، حتى سمعت صوته يأذن لها بالدخول. فتحت الباب بتردد وهي تنظر لداخل الغرفة، لتجده يخرج من باب الحمام الداخلي وهو يجفف شعره وقد ارتدى منامة رجالية أنيقة عبارة عن بنطال قطني أسود وتيشرت رمادي بدون أكمام. ابتلعت حبيبه ريقها بتوتر وهي تضع سريعاً صينية الطعام على الطاولة وتتراجع للخلف بتوتر وهي تنوي مغادرة الغرفة، إلا أن عمر استوقفها وهو يتجه إلى صينية الطعام وهو يقول ببرود: "بيبا، استني." انفجرت حبيبه فيه وقد وصلت إلى أقصى طاقة لتحملها: "حبيبه، اسمي حبيبه! في حرف ح قبل بيبا، تحب أجيب لحضرتك البطاقة علشان تتأكد؟" تناول عمر زيتونة صغيرة وضعها في فمه وهو يمط شفتيه باستفزاز: "حبيبه، بيبا، مش فارقه، إيه هنقعد نتناقش كتير؟" في اسمك وعدد حروفه. ثم تابع ببرود: "اتفضلي انزلي على أوضتك، أظن ميصحش تكوني هنا في وقت متأخر زي ده." نظرت إليه حبيبه بعدم تصديق وهي تقول بصدمة: "مش حضرتك... اللي..." قال عمر ببرود وهو يمعن في استفزازها: "حضرتي اللي إيه؟ اتفضلي انزلي أوضتك، ميصحش كده، لو حد شافك هنا في وقت زي ده هيقول إيه." توهج وجه حبيبه باللون الأحمر من شدة الغضب وهي تكاد تنفجر فيه، ثم توجهت إلى باب الغرفة سريعاً، إلا أن عمر استوقفها: "بيبا، استني." استدارت حبيبه تنظر إليه بغضب: "نعم، في حاجة تاني؟" إلا أنها تفاجأت به يضع كوب الحليب الساخن في يدها وهو يقول بتسلية: "خدي كوباية اللبن دي معاكي، إشربيها بدل اللي اتكبت، أنا مبشربش لبن." ثم أشار للباب: "اتفضلي، مستنية إيه، وإقفلي الباب وراكي." تمسكت حبيبه بكوب اللبن بشدة وهي تخرج وتغلق باب الغرفة بغيظ، تتبعها ضحكات عمر القوية والمستفزة، وهي تتمتم: "أبو شكلك بارد، يا رب عدي الأيام دي بسرعة، خليني أغور من هنا." وفي نفس التوقيت، راقبت عصمت هانم، خالة عمر، خروج حبيبه من غرفة عمر بغضب حارق، وهي تقول بحقد: "وده لحق يعرفها إمتى علشان ياخدها الأوضة عنده؟" لتتابع بغيظ: "بس الحق مش عليه، الحق على الغبية بنتي اللي هتضيعه من إيدها بالتصرفات الغبية اللي بتعملها." ثم تناولت الهاتف وقامت بالاتصال بابنتها، ليأتيها صوت ابنتها المختلط بأصوات الموسيقى العالية والصاخبة. قالت مي بصوت أشبه بالصراخ: "أيوه يا ماما، في حاجة بتتصلي ليه؟ في حاجه؟" قالت عصمت هانم بغضب: "إنتي لسه عندك؟ بتعملي إيه؟ إحنا بقينا وش الصبح." قالت مي بضيق: "يوه، لسه بدري يا ماما، الحفلة لسه في أولها، وأصحابي كلهم لسه موجودين." ضغطت عصمت هانم على الهاتف بغضب: "حفلة إيه اللي بتتكلمي عنها؟ ارجعي بسرعة، عمر وصل، ولو عرف إنك لسه بره، هيتعب الدنيا فوق دماغنا." شهقت مي بخوف وضيق: "وده إيه اللي رجعه؟ بس ما كنا مرتاحين! خلاص يا ماما، أنا هودع صحابي، ونص ساعة وهكون عندك، بس افتحيلي باب القصر الصغير علشان أدخل منه ومحدش يحس بيا." قالت عصمت بتأكيد: "أنا هفتحلك الباب، وإنتي متغيبيش، وربنا يستر." ثم أغلقت الهاتف وهي تقول بارتياح: "كده كويس، نص ساعة بالكتير ومي تبقى هنا. الباقي بقى عليا، لازم بكره أفاتحه في إننا لازم نتمم جوازته من مي اللي اتأجلت بسبب اللي حصله." ثم تابعت بتفكير وهي تتذكر مشهد خروج حبيبه من غرفة عمر: "لا، البنت دي مش خطر، زيها زي غيرها، أكيد لعبة وبيسلي نفسه بيها، بس لما ينوي يتجوز هيتجوز بنت خالته مي هانم، مندور دا تربية إيدي، وأنا حفظاه كويس." ثم ابتسمت بثقة وهي تتجه للأسفل لمساعدة ابنتها في الدخول للقصر دون أن يراها أحد. استيقظت حبيبه مبكراً واغتسلت، ثم ارتدت ملابس العمل ووقفت تحدث نفسها في المرآة بعد أن تأكدت من إحكام حجابها: "خلاص كده يا حبيبه، اتأكدتي إنه مش فاكرك ولا فاكر أي حاجة حصلت في اليوم المشؤوم ده. يعني لو مشيتي واختفيتي، مفيش حد هيدور عليكي إلا الشخص اللي اسمه شريف. بس حتى شريف مش هيضيع وقته في إنه يدور عليا، أكيد بعد ما أخرج من هنا مش هيبقى ليا فائدة عنده، وأكيد مش هيبلغ عني زي ما كان بيهددني، لأنه هيخاف أتكلم ورجله تيجي في السكة، وأكيد ساعتها عمر مش هيرحمه." لتتابع بتأنيب ضمير: "طيب مش هيبقى حرام عليا لو مشيت من هنا من غير ما أنبهه للتعابين اللي محاوطينه وهو مش حاسس بيهم؟" ثم جلست على طرف الفراش وهي تتابع بقلق، ثم تنهدت بعدم تصديق: "أنا مش مصدقة إن واحدة ممكن تعمل كده في خطيبها وابن خالتها. أنا بجد مش فاهمه، عملت كده إزاي؟ يعني هتعوز إيه أكتر من كده؟" لتتابع بهيام: "وسيم وزي القمر، وراجل كده في نفسه طول بعرض، تحسه هيبة. هو صحيح بارد أوي، بس أكيد هو مش هيعاملها زي ما بيعاملني، ده أكيد بيحبها أوي، وعشان كده عايز يتجوزها." ثم عقدت حاجبيها بغضب وهي تنهض عن الفراش وتتجه إلى الباب في طريقها للخروج: "غبية ومجرمة، حد ربنا يرزقه بواحد زي ده ويضيعه من إيده ويعمل اللي هي عملته." ثم تنهدت بتعب: "فوقي يا حبيبه، وخليكي في نفسك، إنتي لوحدك في الدنيا، ولو وقعتي تحت إيده أو إيدهم مش هيرحموكي. يبقى الصح إني أمشي من هنا وبسرعة، قبل الشخص اللي اسمه شريف ما يورطني في مشكلة جديدة من مشاكله، أو عمر يفتكر اللي حصله ويفتكرني، وتبقى مشكلة أكبر. وعشان أريح ضميري، لما أبقى في الأمان هبعت له جواب أحكيله فيه على كل حاجه." ثم تابعت وهي تحدث نفسها بتشجيع: "صح يا حبيبه، برافو عليكي. أنا هقدم استقالتي لدولت هانم النهارده، وأتحجج لها بأي حجة، وأمشي من هنا لأي مكان تاني. بلاد الله واسعة، وأكيد مش هغلب وهلاقي شغل." ثم اندفعت لحقيبتها تسحب ملابسها القليلة ووضعتهم فيها، وهي تتأكد من وجود بطاقتها الشخصية ودفتر التوفير الخاص بها المحتوي على مبلغ بسيط من المال ولكن كافٍ لشراء تذكرة قطار لإحدى مدن مصر السياحية البعيدة. ثم توجهت إلى الجناح الخاص بدولت هانم، لتجدها تجلس في شرفة الغرفة التي تطل على الحديقة الداخلية الرائعة للقصر، وهي تقرأ جرائد الصباح، وقد ارتدت فستاناً رمادياً أنيقاً وعقصت شعرها الأبيض الموشي بخيوط رمادية في عقدة أنيقة خلف رأسها. تأملتها حبيبه وهي تشعر بالحزن والندم يتملكها، وهي تتذكر أن عليها مغادرة هذه السيدة الحنونة الطيبة، التي أشعرتها في الأيام القليلة التي قضتها معها بالحنان والدفء في معاملتها معها، فهي لا تعاملها كمجرد مرافقة لها بل تعاملها بود وحنان شديد كأنها ابنتها أو حفيدتها الصغيرة. أخذت حبيبه الأدوية الخاصة بدولت هانم وتوجهت إليها وهي تقول بهدوء: "صباح الخير يا دولت هانم، عاملة إيه النهارده؟" ابتسمت دولت هانم بسعادة: "صباح الخير يا حبيبه، كويسة جداً الحمد لله، وحاسة كده إني كلي نشاط، ونفسي مفتوحة على الدنيا." ثم تابعت بسعادة: "عمر، عمر حفيدي رجع. متعرفيش أنا كنت قلقانه عليه قد إيه، بقاله شهر غايب ومش عارفه عنه حاجه، ولا حد كان بيطمني عليه، وقلبي كان حاسس إن فيه حاجة وحشة حصلت له، بس طلع ده كله وهم من شدة قلقي عليه." لتتنهد براحة: "الحمد لله إنه سليم وكويس، ربنا يباركلي في عمره." وضعت حبيبه حبات الدواء برفقة كوب من الماء على المائدة، وهي تشعر بتأنيب ضمير رهيب، وهي تقول بتوتر: "طيب، الحمد لله إنك اطمنتي عليه. اتفضلي خدي الدوا علشان ميعاده ميفوتش." ثم تابعت بتوتر: "دولت هانم، أنا كنت عايزة أطلب من حضرتك طلب." قالت دولت هانم: "اطلبي يا حبيبه، ولو في مقدرتي أكيد هنفذهولك." قالت حبيبه بارتباك: "أنا كنت عايزة أسيب الشغل هنا... أصل..." ليقاطعها صوت عمر الذي ارتفع من خلفها وهو يقول بجدية: "أصل إيه؟ إزيك يا دوللي، عاملة إيه من غيري؟ أكيد ارتحتي مني ومن تحكماتي، مش كده؟" مررت جدته يدها على رأسه بحنان وهي تقول بحب: "يا حبيبي، ربنا ميحرمنيش منك ولا من تحكماتك، وتفضل منور حياتنا. بس أنا زعلانه منك، تغيب شهر بحاله من غير ما أعرف فيه حاجه عنك." قال عمر: "غصب عني يا ست الكل، كان عندي شغل مهم ومكنتش أقدر أسيب إلا لما أخلصه، وأول ما خلصته جيت جري عليكي." راقبتهم حبيبه وعينيها تترققان بالدموع، فحاولت الانسحاب بهدوء، إلا أن صوت عمر استوقفها وهو يقول بجدية: "استني عندك، رايحة فين؟" قالت حبيبه بارتباك: "رايحة أجيب الفطار لدولت هانم." هز عمر رأسه وهو يقول بجدية: "وإيه اللي موقفك هنا كل ده؟ أظن الفطار والدوا ليهم مواعيد، ولازم تلتزمي بيهم، والا دول مش من اختصاصك هما كمان." احمر وجه حبيبه وهي تقول بغضب مكبوت: "لسه ربع ساعه على ميعاد فطار دولت هانم، وأحب أطمن حضرتك أنا عارفه مهام شغلي واختصاصاته كويس وملتزمه بيهم، بس ياريت غيري هو اللي يلتزم بيهم." تراجع عمر للخلف وهو يضع ساقاً فوق ساق، وهو يتأملها من أعلى إلى أسفل بعينيه وهو يقول ببرود: "ولما إنتي عارفه شغلك وحافظه اختصاصاتك كويس أوي كده، طالبه تسيبي الشغل من غير ما تنفذي شروط العقد اللي إنتي مضياه؟" شحب وجه حبيبه وهي تقول بارتباك: "شروط... شروط إيه اللي حضرتك بتتكلم عليها؟" قال عمر ببرود: "إيه، مش عارفه؟ إنتي مضيتي على إيه؟ مش عارفه إن في شرط في العقد إنك لازم تبلغينا إنك عايزة تستقيلي وتسيبي الشغل قبل تنفيذ الاستقالة بشهرين، وفي حالة موافقتنا على استقالتك، ممكن تمشي بعد شهر واحد." شهقت حبيبه بخوف: "يعني لسه هستنى شهر؟" ابتسم عمر ببرود: "قصدك شهرين." قالت حبيبه بدهشة: "إيه؟" قال عمر ببرود: "إيه ودانك تعبانه؟ مش سمعاني كويس؟ بقولك لسه قدامك شهرين، وده لأني مش موافق على استقالتك. إحنا مش بنلعب هنا، وتحت أمرك تشتغلي وقت ما تحبي وتسيبي الشغل وقت ما تحبي." نظرت إليه جدته بطرف عينيها وهي تبتسم بمكر: "وانتي عايزة تسيبينا ليه؟ حد دايقك في حاجه؟" قالت حبيبه بارتباك: "لا، بس... أصل..." قالت دولت هانم بحنان: "أصل إيه يا حبيبتي؟ أنا كنت فاكره إنك مرتاحه معانا هنا." قالت حبيبه بارتباك وهي تحاول العثور على كذبة مقبولة: "أيوه، بس أصل... خطيبي مش موافق على شغلي هنا." ضيق عمر عينيه وهو يتأمل يدها الخالية من أي شيء يشير لارتباطها، ليهب فجأة واقفاً وهو يقول بصرامة أخافتها: "وإحنا مالنا ومال خطيبك؟ هو إنتي اللي بتشتغلي عندنا والا هو؟" ثم أشار بيده بغضب أثار حيرة جدته: "في عقد ما بينا وإنتي مضيتيه، ولازم تحترميه. قدامك شهرين هتشتغلي هنا فيهم، وبعدها إنتي حرة تعملي اللي إنت عايزاه. وقبل المدة دي ماتخلص، مش عايز أسمع كلام عن استقالتك دي مرة تانية." ثم تركهم وغادر المكان، وجدته تقول بدهشة: "استنى يا عمر، رايح فين؟ مش هتفطر معايا؟" إلا أنه كان قد غادر بالفعل دون أن يستمع إليها. إن على عمر هنخليه فاكر إنك مخطوبة، علشان لو حبيتي تمشي بعد الشهرين ما يخلصوا، أما لو غيرتي رأيك وحبيتي تكملي، نبقى نعرفه إن مفيش خطوبة ولا حاجة. قالت حبيبه بثقة: "بس أنا متأكدة إني مش هغير رأيي." ابتسمت دولت هانم وهي تشير للطعام: "متبقيش واثقة أوي كده، سيبي كل حاجة لوقتها. كلي يا حبيبتي، خلينا نخرج للجنينة نشم هوى، النهارده يوم جميل يستحق إننا نقضيه في مكان جميل." في وقت متأخر من المساء وبعد مرور أسبوع، وقفت حبيبه في حديقة القصر وهي تتكلم مع شريف في الهاتف بصوت خافت منفعل: "اسمع يا شريف، انساني خالص، وانسى إن أنا شغالة هنا. وأنا أول ما أقدر أسيب المكان من غير ما حد يشك فيا، همشي، ومحدش هيعرف مكاني." قال شريف بغضب: "اسمعي يا بت، الشويتين بتوع الملاجئ دول تعمليهم على حد غيري؟ إيه، فاكره إنك بعيد عن إيدي؟ لا، فوقي، إنتي لو منفذتيش اللي أنا عايزه، بمكالمة تليفون صغيرة هيكون عمر الرشيدي عارف كل حاجة إنتي عملتيها، وشوفي بقى هيعمل فيكي إيه." قالت حبيبه بغضب: "طظ طظ فيك وطظ في عمر الرشيدي، طظ فيكم كلكم، وأعلى ما في خيلك اركبه. أنا خلاص مش باقيه على حاجه، هي موتي ولا أكتر." ثم أغلقت الهاتف في وجهه دون انتظار رده، واستندت على إحدى الأشجار القريبة منها وهي تشعر بدوار شديد. فانتظرت قليلاً حتى هدأت، ثم تنهدت بتوتر وهي تتذكر معاملة عمر الحادة معها، فهو ولسبب لا تعرفه لا يطيق التواجد معها في مكان واحد، فهو ما إن يراه حتى يبدأ في معايرتها بالكلمات بطريقة تخرجها عن شعورها. تنهدت حبيبه وهي تقول بغضب: "أنا خلاص مبقتش متحمله، هلاقيها منين والا منين؟" ثم اتجهت إلى داخل القصر وهي تنوي الذهاب إلى غرفتها ومحاولة النوم الذي تعلم أنه سيجافيها بعد تهديد شريف لها. دخلت إلى بهو القصر لتتفاجأ بعصمت هانم مازالت مستيقظة وتقف في الظلام، وهي على غير عاداتها تفرك يدها بتوتر شديد. قالت حبيبه بتوتر: "عصمت هانم، في حاجة؟ حضرتك واقفة في الضلمة ليه؟" صرخت فيها عصمت بغضب: "وانتي مالك؟ أقف في الضلمة والا في النور؟ معدش غير الخدامين كمان اللي يحشروا نفسهم في اللي ملهمش فيه." رفعت حبيبه رأسها وهي تقول بكبرياء: "أنا مش خدامة يا عصمت هانم، وأسفه إني اتدخلت في حاجة مليش فيها." نظرت لها عصمت باحتقار، في حين تجاهلتها حبيبه واستدارت للذهاب إلى غرفتها. قالت عصمت بلهفة: "استني يا حبيبه." استدارت لها حبيبه بدهشة وهي تسمعها تتابع برجاء: "إنتي بتعرفي تسوقي؟" نظرت حبيبه لها بدهشة من تبدل لهجتها، فقالت: "أيوه، بعرف، بس مش أوي." قالت عصمت بلهفة: "طيب، اسمعيني كويس. أنا هديكي عنوان مكان مي هانم بتسهر فيه، هي يعني مش في وعيها، أقصد تعبانة شوية ومش فايقة، فعشان كده محتاجة حد يروح يجبها من هناك. وأنا مش هقدر أروح أجيبها علشان المفروض هنسهر بره أنا وهي وعمر في مكان مهم، وخلاص معدش وقت وعايزة الحق أستعد." ثم تابعت بأمر: "عايزاكي تروحي تجيبيها وترجعي بسرعة من غير ما حد يحس بيكي." ثم تابعت بتوتر: "مش عايزة دولت هانم أو عمر بيه ياخدوا خبر باللي هتعمليه، مفهوم؟ وليكي عليا، أديكي مكافأة كبيرة قصاد الخدمة دي." قالت حبيبه بتوتر: "أنا طبعاً عايزة أساعدك، بس المشكلة إني فعلاً مبعرفش أسوق كويس، دول مرتين تلاتة اللي سوقت فيهم وكنت بتدرب علشان وظيفة كنت متقدمالها محتاجة رخصة قيادة." صرخت فيها عصمت مقاطعة: "إنتي هتحكيلي تاريخ حياتك؟ بقولك عمر زمانه على وصول، ولو ملقهاش هنا هتبقى مشكلة كبيرة. روحي، هاتيها عشان ألحق أفوقها وتروح السهرة مع خطيبها." ثم انهارت جالسة بتعب، ثم نظرت لحبيبه برجاء: "روحي هاتيها، وأنا هستنى مكالمة منك، وهفتحلك باب القصر الصغير تدخلوا منه من غير ما حد يحس بيكم." ثم أخذت هاتف حبيبه بلهفة وسجلت عليه رقم هاتفها وعنوان الملهى الليلي الذي تتواجد به مي ابنتها، ثم ردته إليها بالإضافة إلى مفاتيح السيارة الخاصة بها: "روحي، يلا، مستنية إيه؟ العربية لونها فضي، خديها وروحي على طول." أخذت حبيبه الهاتف ومفاتيح السيارة منها، ثم توجهت سريعاً إلى المرفأ الخاص بالقصر، وهي تحاول قيادة السيارة بتوتر حتى استجابت لها: "يلا يا حبيبه، متخافيش، هتقدري توصلي بها، بس إنتي متخافيش." في نفس التوقيت، وصل عمر الذي يجلس في سيارة يقودها بنفسه إلى الشارع المؤدي إلى القصر، ليلفت نظره سيارة خالته وهي تخرج من القصر بطريقة غريبة تدل على أن من يقودها فاشل في القيادة، فالسيارة تتمايل يميناً ويساراً بطريقة غريبة. قال عمر باستغراب وهو يلمح حبيبه تقود السيارة: "مش دي حبيبه؟ بتعمل إيه في عربية عصمت؟ ورايحة بها على فين؟" استدار عمر بسيارته يقودها خلف السيارة التي تقودها حبيبه دون أن تراه، حتى تفاجأ بها تتوقف بتوتر أمام ملهى ليلي وتدخل بتردد إلى المكان وهي تعدل من وضع حجابها بارتباك وخوف. نزل عمر من سيارته وهو يشعر بغضب شديد يشتعل كالحريق بداخله، وعقله لا يصدق ما يراه. هل من المعقول إنه خدع فيها، وخلف تلك الواجهة الرقيقة المحتشمة تختفي حقيقتها المخزية؟ اقتحم عمر الملهى وعينيه تشتعل بنيران الغضب وهي تبحث عنها في المكان الذي يمتلئ بالرقص، لتقع عينيه عليها وهي تحاول الابتعاد بتوتر وخوف عن شابين يحاولون الاحتكاك بها وهم يضحكون بعد أن سحبوا الحجاب عن رأسها وألقوه أرضاً، في حين انساب شعرها خلفها في موجات حول وجهها، وإحدى يدها الأخرى تحاول جذبها إلى باحة الرقص وإجبارها على الرقص معهم. قال عمر بغضب شديد وهو يدفعهم بعيداً عنها بخشونة: "خلاص يا بيبه، أنا معاكي، متخافيش." تمسكت حبيبه به بخوف وكأنه أمانها الوحيد في الحياة. قالت حبيبه ببكاء: "أنا آسفة، بس أنا كنت هنا عشان..." قال عمر: "لمي الفاقدة الوعي من شدة تأثرها من الخمور التي تناولتها. أنا عارف إنتي هنا بتعملي إيه، متخافيش، أنا معاكي." ثم رفع مي وحملها فوق كتفه بإهمال، وركبت حبيبه سيارة عمر وجلست في المقعد الخلفي بجانب مي التي مازالت غائبة عن الوعي، وهي تبكي بصمت دون أن تتحدث، وعين عمر تتابعها بصمت وغضب، فهو يشعر بحريق يشتعل بداخله وهو يتخيل ما الذي كان سيحدث لها إن لم يتتبعها إلى هذا المكان المشؤوم. توقف عمر بسيارته أمام الباب الداخلي للقصر، ثم توجه سريعاً إلى باب السيارة وقام بمساعدة حبيبه التي مازالت تبكي على النزول، وهو يحمل مي الغائبة عن الوعي على كتفه بإهمال، ويده الأخرى تدعم بتملك حبيبه شبه المنهارة بجانبه. وصل عمر إلى بهو القصر الداخلي ليجد خالته تنزل على الدرج بارتباك وخوف، وهي تشاهد عمر الغاضب يحمل ابنتها التي أفقدتها الخمر وعيها، ويجلس حبيبه على أحد المقاعد وهو يقول باهتمام: "خليكي هنا، أنا جاييك حالاً." هزت حبيبه رأسها بموافقة وهي مازالت تبكي مما حدث لها، وخوفاً من ردة فعل عمر التي بالتأكيد لن تكون هينة. ثم نادى بصوت عالٍ غاضب: "فين الخدم اللي هنا؟ إيه كلهم اختفوا؟" هرعت خادمتان على الفور إليه وهم يشعرون بالخوف والارتباك من نبرته الغاضبة، وهو يشير لحبيبه باهتمام: "ساعدوها تاخد حمام وتغير هدومها، واعملوا لها حاجة سخنة تشربها." هرعت الخادمتان تنفذان أوامره وهما يأخذان حبيبه شبه المنهارة للداخل. في حين قالت عصمت بارتباك وهي تدعي عدم معرفتها بما حدث: "هو فيه إيه عمر؟ هي مي مالها؟ وحبيبه بتعيط ليه؟" أزاحها عمر عن طريقه بخشونة وهو يصعد للأعلى في طريقه إلى غرفة مي، ثم وضعها على الفراش بإهمال وهو يقول بغضب شديد: "مش عايز أسمع كلام كتير وتمثيل بايخ ملوش لزوم، وفري مجهودك أحسن لبنتك وفوقيها من الزفت اللي هي شرباه." قالت عصمت بخوف: "قصدك إيه يا عمر؟ أنا مش فاهمه حاجه." قال عمر بغضب: "أنا مش غبي يا عصمت هانم، فبلاش تعامليني على أساس كده. بس عمومًا، حسابنا يجمع." ثم تركها وتوجه سريعاً للأسفل ليقف بقلق خارج غرفة حبيبه، وهو ينتظر بعدم صبر حتى انتهت الخادمتان من مساعدتها ومغادرة الغرفة، ثم طلب منهم كوباً من الحليب الدافئ حمله، وقام بطرق باب غرفتها عدة مرات حتى أذنت له بالدخول. قال عمر: "خليكي بلاش تتحركي." ثم ابتسم بمداعبة: "أنا كنت جايبلك كوباية اللبن دي علشان تعرفي تنامي." هزت حبيبه رأسها ودموعها تتساقط بالرغم من ذلك، فقال عمر: "خلاص يا بيبه، محصلش حاجه، بس ده يعلمك تحكمي عقلك قبل أي تصرف تعمليه." ليتوتر صوته وهو يقول بغضب مكبوت: "إزاي تعرضي نفسك لخطر كبير زي ده؟ مكان عمرك!" انهمرت دموع حبيبه وهي تهمس بندم: "أنا... أنا آسفة، أنا مكنتش أعرف إن كل ده هيحصل، ومتشكرة على كل اللي عملته معايا النهارده. مش عارفة من غيرك كان ممكن يحصلي إيه." قال عمر: "ششش، خلاص، اشربي اللبن ونامي، وبكره الصبح هنتكلم. بيبه، إذا كان في حد ممكن يشكر حد، فالحد ده هو أنا. أنا متشكر ليكي إنك حاولتي تنقذي مي، بنت خالتي اللي تعتبر شرفي وعرضي، وحاولتي ترجعيها البيت، وجازفتي بنفسك علشانها. متشكر جداً يا بيبه. بس ده ميمنعش إن فيه عقاب كبير مستنيكي علشان تبقي تفكري كويس أوي قبل ما تتصرفي." ثم حاول النهوض والمغادرة، إلا أن حبيبه منعته وهي تقول بصوت خائف مرتعش: "ممكن... ممكن تفضل هنا لحد ما أنام، وبعدين تبقى تخرج. أصل حاسه إني خايفة أوي." ابتسم عمر بحنان وهو يتفهم خوفها ومشاعرها المضطربة: "نامي يا بيبه، ومتخافيش، مش همشي إلا لما تنامي وتكوني في سابع نومة." في حين أغلقت حبيبه عيونها واستسلمت للنوم بأمان لا تشعر به إلا بجانبه. في نفس التوقيت، أغلقت عصمت هانم باب غرفة حبيبه بهدوء شديد بعد أن وقفت قليلاً وشاهدت معاملة عمر الرقيقة لحبيبه، لتقول بغضب شديد: "يا بنت... أكيد إنتي اتصلتي بعمر وعرفتيه على المكان اللي مي سهرانه فيه علشان يشوفها وهي سكرانه، ويشوفك وإنتي عاملة نفسك بطلة وبتنقذيها. بس لا، مبقاش أنا عصمت هانم إن مخليته يرميكي في الشارع اللي إنتي جايه منه، وأعمل منك عبرة لكل واحدة تبص لأسيادها." الفصل الرابع: سيد القمر الأسود بعد مرور شهر، وقفت حبيبه بعد انتهاء موعد عملها وخلود دولت هانم إلى النوم، تتابع بانبهار عشاء العمل المقام في القصر والذي ضم بعض أكبر رجال الأعمال وزوجاتهم الذين يرفلون في ثياب غالية أنيقة ويتحلون بمجوهرات ثمينة وغالية. بالإضافة إلى عمر الذي ارتدى بدلة تكسيدو سوداء أنيقة تبرز وسامته وقامته الرجولية القوية، وخالته عصمت هانم التي قامت بدور المضيفة وهي ترتدي فستاناً أزرق طويلاً راقياً وتحلت بقطع مجوهرات ثمينة، ومي ابنتها التي ارتدت فستاناً زهبياً ذو حمالات رفيعة وحذاءً زهبياً مرتفع الكعبين ذو سيور متقاطعة يصل لأعلى قدميها، وقد تحلت هي الأخرى ببعض من المجوهرات الثمينة وهي تلف يدها بتملك حول ذراع عمر الذي كان يتحدث بجدية في بعض الأعمال مع ضيوفه. تابعت حبيبه بغيرة لم تستطع السيطرة عليها أو تفسيرها، يد عمر التي كانت تلف حول ذراع مي. انتبهت حبيبه على يد إحدى الخادمات وهي تقول لها بدهشة: "حبيبه، مالك؟ مش سمعاني والا إيه؟ بقالي كتير بكلمك." قالت حبيبه بارتباك: "ليه، في حاجه؟" قالت الخادمة: "بقولك العشاء بتاعك جاهز على الصنيه أهوه." ابتسمت حبيبه بارتباك وهي تمتم بالشكر، وحملت صينية العشاء وتوجهت بها إلى غرفتها بعد انتهاء موعد عملها وخلود دولت هانم إلى النوم. في نفس التوقيت، مالت عصمت هانم على أذن مي بعد أن اختلت بها جانباً: "عملتي اللي قلتلك عليه؟" قالت مي وهي تبتسم بتوتر وترد بهمس: "أيوه، حطيت لها الدوا في العصير من غير ما... حد يحس، ورميت بخاخة الربو تحت السرير من جوه خالص زي ما قلتيلي. ابتسمت عصمت: "كويس، وبكده دي هتبقى آخر ليلة للشخصية اللي اسمها حبيبه." قالت مي بتوتر: "أنا مش فاهمه حاجه، إنتي خلتيني أعمل كده ليه؟ والدوا اللي خلتيني أحطه لدولت هانم ده لازمته إيه؟" ابتسمت عصمت بمكر: "أبداً، ده دوا قابض للشعب الهوائية، وبما إنها عندها ربو، فهيعمل لها أزمة ربو. وبما إنك رميتي البخاخة تحت السرير، فالأزمة هتكبر، وممكن يعني دولت تروح فيها. وساعتها مين هيكون المسؤول والمهمل قدام عمر اللي ضيع بخاخة الربو ورماها بإهمال تحت السرير؟" ابتسمت مي بتفهم: "حبيبه المرافقه بتاعتها." ثم مطت شفتيها باحتقار: "بس برضه مش فاهمه، إنتي تعبة نفسك ومهتمه كده ليه؟ دي طلعت أو نزلت، حتة مرافقه." عقدت عصمت حاجبيها وهي تقول بتوعد: "اسكتي إنتي، أنا عارفه أنا بعمل إيه." ثم ابتسمت برقة وهي تنضم إلى طاولة الطعام بأناقة شديدة. في نفس التوقيت، أغلقت حبيبه باب غرفتها عليها ودموعها تسيل بالرغم عنها، وهي تقول بغضب من نفسها: "طيب، أنا بعيط ليه دلوقتي؟ عمر إيه اللي بفكر فيه؟ أنا أكيد اتجننت! عمر إيه يا حبيبه اللي بتفكري فيه؟ إنتي فين وهو فين؟ وألا عشان بيعاملك كويس خلاص هتتجنني وتفكري فيه؟ لا، فوقي، وبلاش تعيشي في الوهم ده. حتى لو مكنتيش متورطه في المشكلة اللي حصلتله، برضه كان هيبقى مستحيل يبصلك أو يفكر فيكي." ثم وقفت تتأمل نفسها بانتقاد في المرآة، وقد شعرت بطعم الغيرة المر يتملكها وهي تقول بحزن: "يعني هيسيب مي اللي مال وجمال ونسب، وكل الستات اللي زي القمر اللي يعرفهم دول، وهيبصلك إنتي؟" ثم شعرت بالغضب وتملكتها غيرة غير مبررة، وهي تسحب العقدة التي تجمع شعرها فينساب خلف ظهرها في تموجات رائعة، وهي تقول بتحدي: "جرى إيه يا حبيبه؟ ما إنتي كمان حلوه وزي القمر، بس تحطي شوية مكياج وتلبسي زيهم، وهتبقي زي القمر وأجمل منهم كمان." ثم اتبعت كلامها بسحب حقيبتها وإخراج فستان أسود ضيق ذو حمالات عريضة يصل لقبل ركبتيها بقليل كانت ترتديه وترتدي معه بنطال وجاكيت قصير: "هو حلو، بس بقى ضيق عليا أوي، الظاهر معدتش هعرف ألبسه تاني." ثم اتبعت قولها بوضع أحمر شفاه ثقيل على شفتيها، وأكملت وضع مكياج محترف لوجهها وعينيها وهي تبتسم بفخر: "والله أنا ممكن أكسب دهب لو اشتغلت ميكب أرتست." ثم انحنت تضع سلسالاً رفيعاً كانت ترتديه كسوار ووضعته حول إحدى قدميها. ثم سحبت هاتفها القديم وبدأت تأخذ بعض الصور لها بوضعيات مختلفة وهي تضحك، محاولة نسيان ما يحدث بالخارج ونسيان وضعها السيئ الذي تعيشه، لتتفاجأ بارتفاع صوت جرس الإنذار المعلق في غرفتها والذي لا يستعمل إلا للتنبيه أن دولت هانم بحاجة إليها لأمر عاجل خاص بصحتها. قالت حبيبه بتوتر وخوف وهي تشاهد اختناق دولت هانم أمامها وتحول وجهها إلى اللون الأزرق: "متخافيش يا دولت هانم، أنا عندي واحدة احتياطي." ثم اندفعت إلى خزانة الأدوية وسحبت منها بخاخاً جديداً كانت تحتفظ به كنوع من الاحتياط، وفتحته سريعاً ووضعته بداخل فم دولت هانم وهي تضغط عليها ليتسرب الدواء سريعاً إلى رئتيها ويعيد لهم القدرة على التنفس الطبيعي مرة أخرى. شهقت دولت هانم عدة مرات حتى استطاعت التنفس مرة أخرى براحة، وحبيبه تمرر يدها بحنان على ظهرها وهي تقول بارتباك: "خدي نفسك بالراحة، أيوه كده، ها، بقيتي أحسن." ابتسمت الجدة وهي تقول بتعب: "متقلقيش يا حبيبه، أنا الحمد لله بقيت أحسن." تنهدت حبيبه براحة وهي تناولها كوباً من الماء، لتتفاجأ بعمر يدخل مندفعاً بتوتر شديد إلى الغرفة وهو يقول بلهفة شديدة وينحني على جدته يتفحصها بلهفة: "إيه اللي حصل؟ جدتي جرالها حاجه؟ الجرس كان بيرن ليه؟" ربتت الجدة على يده بحنان: "متقلقش يا عمر، أنا بقيت كويسة خلاص." قالت حبيبه بتوتر: "دي كانت نوبة ربو، وأديتها الدوا وبقيت كويسة." قال عمر بغضب: "وانتي مديتهاش الدوا على طول ليه؟ إيه اللي حصل وخلاكِ ترني الجرس؟" قالت حبيبه بارتباك: "أنا مرنتش الجرس، دولت هانم هي اللي رنته علشان أجيها، أصل أنا كنت..." قاطعها عمر بغضب: "تجيها؟ تجيها منين؟ قصدك إنها كانت لوحدها لما النوبة جاتها؟" هزت حبيبه رأسها بايجاب وهي تتراجع للخلف بخوف، وهو يصيح غاضباً: "يعني كان ممكن يجرالها حاجه لو مكنتش قدرت ترن الجرس؟ ليه إنتي جايه تشتغلي هنا إيه؟" قالت الجدة بضعف: "اصبر يا عمر، أنا هفهمك، هي ملهاش ذنب، أنا اللي..." قال عمر: "أومال ذنب مين؟ ها، مش إنتي المسؤولة عنها؟ مش دي شغلتك؟" ثم تابع بغضب وقد أعمت الغيرة عينيه، وقد انتبه إلى ما ترتديه ليقول بقسوة: "وإيه اللبس اللي إنتي لابساه وحطاه على وشك ده؟ إيه؟ مش المفروض إنك محجبة والا عرفتي إن القصر مليان رجاله فقلتي أخرج أصطاد واحد من المغفلين اللي بره؟"
